प्रेरितां चे काम 21:11 - ओङ राजपूत

¹¹ ओणे अम्चे गोढु आती कर पौलुस चे रुमाल चले, ते ओचे लारे आपणे हाथ पग़्ग़ ब़ांथी कर केहले, “पवित्र आत्मा हा किहे कि, जिसे बन्दे चे ईं पट्टके छै, ओनु यरुशलेम मां यहूदी यूंही ब़ांधे, ते नेरीया जातिया चे हाथा मां सोंपती ङिये।”

प्रेरितां चे काम 21:11 ပူးပေါင်းရင်းမြစ်များ

यूहन्‍ना 18:1

ईशु प्राथना चे बाद, आपणे चैला लारे किद्रोन नाले चे पार गेला। ओठे हेक बाग हुता, जाये मां ओ ते ओचे चैले गेले।

प्रेरितां चे काम 13:2

जिसे बेले वे उपवास मां प्राथना करी पलते ले, ते पवित्र आत्मा ने वानु केहले, “माये वास्ते बरनबास ते शाऊल नु वे सेवा वास्ते अलग़ करा जाये वास्ते मैं वानु हकारले।”

प्रेरितां चे काम 16:6

ते वे फ्रूगिया ते गलातिया प्रदेसा महु हुती कर गेले, कांकि पवित्र आत्मा ने वानु एशिया इलाके मां वचन सुणावणे वास्ते मना करले।

प्रेरितां चे काम 20:23

सेर्फ हा कि पवित्र आत्मा हर शहरा मां ग़वाही ङिती-ङिती कर मनु बावड़ता रेहला कि कैदखाने ते क्लेश दुधे वास्ते तियार छै।

प्रेरितां चे काम 21:33

बल्ति सैनापति उग़ते हुती कर पौलुस नु पकड़ती गेले ते ङुंहु संगला लारे ब़न्धावणे ची आज्ञा ङिली। ते पूछु लाग़ला कि, “हा कूण छै, ते ऐणे का करले?”

प्रेरितां चे काम 21:4

ते ओठे अम्हानु चैले मिड़ले ते वांचे लारे अम्ही सात ङिहां तक रेहले। पवित्र आत्मा ने वानु केहले पौलुस नु ईं किहा कि यरुशलेम मां ना जा।

प्रेरितां चे काम 22:25

जिसे बेले पौलुस नु कोड़े मारणे ची तियारी मां ओचे हाथ-पग खिंडाती कर ब़ांधी पलते, पौलुस ने जको सूबेदार ओचे लारे भीलता ओनु केहले, “कां ईं ठीक छै, कि तम्ही हेक रोमी बन्दे नु, बिना दोष साबित करले ओनु कोड़े मारणे ठीक छै?”

प्रेरितां चे काम 24:27

पर जिसे बेले ङोन साल बीतती गेले, तां फेलिक्स ची जग़हा मां ङुजा राज्यपाल पुरकियुस फेस्तुस चुणला गेला, ते फेलिक्स पौलुस नु यहूदिया नु खौश करने ची इच्छा लारे कैदखाने मां छोड़ली गेला।

प्रेरितां चे काम 26:29

बल्ति पौलुस ने केहले कि, “नरीकारा कनु माई हा प्राथना छै कि का थोड़े मां, का घणे मां, सेर्फ तु ही कोनी, पर जितने लौक आज़ माई बाते नु सुणी पली, सिवाय यां हथकड़ीया नु छोड़ती कर, वे माई आलीकर हुती जाओ।”

प्रेरितां चे काम 28:17

तीन ङिहां चे बाद पौलुस ने यहूदी प्रधाना ची हेक सभा हकरवाली, जिसे बेले वे भेले हुले तां वानु केहले कि, “हे माये भऊ, मैं आपणे लौका चे विरोध मां, जा पुरखा कनु चढ़ली आवे रीति रिवाज चे विरोध मां कोच्छ वी कोनी करले, फेर वी मैं कैदी बणाती कर यरुशलेम कनु रोमियां चे हाथा मां सोंपला गेला।

प्रेरितां चे काम 28:20

ऐवास्ते मैं तम्हानु हकरवाले, कि तम्चे लारे मिले, ते बातचीत करे, कांकि इस्राएल ची आस चे वास्ते मैं यां संगला लारे जकड़ला पला।”

प्रेरितां चे काम 28:25

जिसे बेले वे आपस मां हेके-ङुजे लारे सहमत कोनी हुले, ते पौलुस ची हा आखरी बात सुणती कर वे उठु चाह्‍ले गेले कि, “पवित्र आत्मा ने यशायाह भविष्यवक्‍ता चे जरिये तम्चे ङाङा-ब़ा नु ठीक ही केहले हुते कि,

प्रेरितां चे काम 8:29

बल्ति पवित्र आत्मा ने फिलिप्पुस नु केहले, “गोढु जती कर ऐ रथा लारे हुती जा।”

प्रेरितां चे काम 9:16

ते मैं ओनु बावड़ी, कि माये नांवा वास्ते ओनु किसड़े-किसड़े ङोख चवणे पड़े।”

इफिसियां 3:1

ऐ वजह कनु मैं पौलुस नेरीया जातिया वास्ते ईशु मसीह चा प्रचार करने आला गुलाम बणला आला छै

इफिसियां 4:1

ऐवास्ते मैं पौलुस जको प्रभु ची सेवा करने ची वजह कनु कैद मां छै, तम्हा कनु बिनती करे पला कि जिसी बुलाहट कनु नरीकारा ने तम्हानु हकारले, ओचे अनुसार जीवन बितावा।

इफिसियां 6:20

मैं नरीकारा चा सुसमाचार सुणावणे वास्ते संगला लारे ब़झला आला राजदूत छै। प्राथना करा कि जिंवे ओ चाहवे, यूं हिम्मत लारे सुणा सग़े।

1 तीमुथियुस 4:1

पर पवित्र आत्मा साफ-साफ किहे पला, कि आणे आले समय मां कितने लौक भरमाणे आली कूड़ी आत्मा, ते दुष्टात्मा ची सीख उपर मन लाती कर विश्‍वास कनु बहकती जाये।

2 तीमुथियुस 2:9

जाये वास्ते मैं कुकर्मी जिसड़ा ङोख चवे पला, इठे तक कि कैद वी छै, पर नरीकारा चा वचन कैद कोनी।

इब्रानियां 10:34

कांकि तम्ही कैदी विश्‍वासी भावां चे ङुखा मां वी ङुखी हुले, ते आपणी जायजात वी खुशी लारे लूटीजु ङिली, ईं जाणती कर, कि तम्चे गोढु हेक नेरी वी उत्तम ते सदा रुकणे आली जायजात छै।

इब्रानियां 3:7

तां जिंवे पवित्र आत्मा किहे पला, “अगर आज़ तम्ही ओची अवाज सुणा,

1 पतरस 1:12

वांचे उपर ईं वी उजागर करले गेले, कि वे आपणी कोनी बल्कि तम्ची सेवा करने चे वास्ते ये बाता किही पलते ले, जाया समाचार तम्हानु हमा वांचे जरिये मिड़ला जेह्णे पवित्र आत्मा चे जरिये जको स्वर्ग़ा कनु भेज़ला गेला तम्हानु सुसमाचार सुणाला, जा बाता नु जाणने चे वास्ते तां स्वर्ग़दूत वी तरसते रिही।