प्रेरितां चे काम 20:7 - ओङ राजपूत

⁷ हफ्ते चे पेहले ङिओ जिसे बेले अम्ही रोटी भानणे चे वास्ते भेले हुले, ते पौलुस ने जको ङुजे ङिओ जाणे आला हुता, वांचे लारे बाता करलीया, ते आधी राती तक उपदेश ङिता रेहला।

प्रेरितां चे काम 20:7 ပူးပေါင်းရင်းမြစ်များ

मरकुस 16:9

हफ्ते चे पेहले ङिओ ऐतवारा नु सवेले-सवेले ओ जीता हुती कर सारा महु पेहले मरियम मगदलीनी नु ङिसला यिनु ईशु ने सात दुष्टात्मा कनु छुटकारा ङिलता हुता।

लूका 22:19

बल्ति ईशु ने रोटी चली, ते धन्यवाद करती भांली, ते ईं केहते हुले वानु ङिली, “हा माई देह छै जको तम्चे वास्ते ङिली जाये, माई याद मां यूंही करले करा।”

लूका 24:35

बल्ति वाणे ङोन जणा ने वी इम्माऊस चे मार्ग़ ची बाता वानु बावड़ती ङिलीया, ते ईं वी कि वाणे ईशु नु रोटी भान्ते समय उपर किवें पिछाणले।

यूहन्‍ना 20:1

हफ्ते चे पेहले ङिओ, मरियम मगदलीनी पुरा फुटले अन्धारे चे समय कब्री उपर आलीया, ते पत्थरा नु कब्री कनु हटला आला ङेखला।

यूहन्‍ना 20:19

ओही ङिओ जको हफ्ते चा पेहला ङिओ हुता,आथण चे बेले जब उठली दरवाजी जिठे चैले हुते, यहूदिया चे ङरा कनु बन्द हुती, तब ईशु आला ते वांचे आधे मां भिले रेहती कर वानु केहले, “तम्हानु शान्ति मिलो!”

यूहन्‍ना 20:26

आठ ङिहां चे बाद ईशु चे चैले घरा चे भीतर हुते, ते थोमा वांचे लारे हुता ते दरवाजे बन्द हुते। बल्ति वी ईशु आला वांचे बीच मां भिला रेहती कर वानु केहले, “तम्हानु शान्ति मिलो।”

प्रेरितां चे काम 16:10

पौलुस चे दर्शन ङेखते ही अम्ही तुरन्त मकिदुनिया चे इलाके सनु जाणे चाह्‍ले, ईं समझती कर कि नरीकारा ने वानु सुसमाचार सुणावणे वास्ते अम्हानु हकारले।

प्रेरितां चे काम 2:42

ते वे प्रेरितां कनु शिक्षा गेहणे, ते संगति राखणे मां, ते बच्‍चड़ रोटी खाणे मां, ते प्राथना करने मां लवलीन रेहले।

प्रेरितां चे काम 2:46

ते वे रोजाना हेक मन हुती कर मन्दरा मां भेले हुते, ते घरा-घरा मां जती कर बच्‍चड़ रोटी खाणे ते खुशी लारे मना ची सिधाई लारे रलती-मिलती कर खाणे खाते,

प्रेरितां चे काम 20:11

ते उपर जती कर रोटी भांली ते खाती कर इतनी देरी तक वांचे लारे बाता करता रेहला कि, पुरा फुटती गेली, बल्ति ओ उठु चाह्‍ला गेला।

प्रेरितां चे काम 20:31

ऐवास्ते जाग़ते रिहा, ते याद करा कि मैं तीन साला तक रात-ङिओ करती कर हींजवे बाहती-बाहती कर, हर हेक नु चिताणे कोनी छोड़ले।

प्रेरितां चे काम 20:5

पर वे आग़ु जती कर त्रोआस शहरा मां अम्चा इन्तजार करते रेहले।

प्रेरितां चे काम 20:9

ते यूतुखुस नांवा चा हेक जवान खिड़की मां ब़ेहला तां गहरी नीङे मां ऊंघे पलता, ते जिसे बेले पौलुस घणी देरी तक बाता करे पलता ते ओ जवान नीङे चे हुलारे लारे तीजी मंजिल कनु तले ढेती पला, ते जिसे बेले ओनु चले तां ओ मरला पलता।

प्रेरितां चे काम 28:23

बल्ति वाणे पौलुस चे वास्ते हेक ङिओ तय करला, ते जिसे घरा मां ओ हुता घणी तदात मां लौक ओठे भेले हुती गेले। ते ओ नरीकारा चे राज़ ची ग़वाही ङिता हुला, ते मूसा ची व्यवस्था ते भविष्यवक्‍ता चा किताबा महु ईशु मसीह चे बारे मां सवेले कनु लाती कर आथणे तक साफ रीति लारे वानु समझाता रेहला।

1 कुरिन्थियां 10:16

ओ धन्यवाद चा मुंगर, जानु अम्ही धन्यवाद करु का ओ मसीह चे लुहींया मां अम्ची भईवाली कोनी? वा रोटी, जको अम्ही आपस मां भान्ती कर बांटु का मसीह चे शरीरा मां अम्ची भईवाली कोनी?

1 कुरिन्थियां 15:10

पर मैं जको कोच्छ वी छै, नरीकारा चे अनुग्रह लारे छै। ते ओचा अनुग्रह जको माये उपर हुला, ओ बेकार कोनी हुला। पर मैं वां सबकनु बधती कर मेहनत वी करली तां वी ईं माये तरफु कोनी हुले पर नरीकारा चे अनुग्रह लारे जको माये उपर हुता।

1 कुरिन्थियां 16:2

हर हफ्ते चे पेहले ङिओ तम्चे महु हर हेक आपणी आमदनी चे अनुसार कहीं आपणे मेहले जती करो, कि माये आवणे पर दान भेला ना करना पड़ो।

2 तीमुथियुस 4:2

कि तु वचन चा प्रचार कर, समय बे समय काम करने चे वास्ते तियार रेह, हर-तरीके चा सब्र, ते शिक्षा चे लारे उलाहणा ङे, ते दड़का ते बढ़ावा ङिती कर तसल्‍ली लारे समझा।

प्रकाशितवाक्य 1:10

मैं प्रभु चे ङिओ पवित्र आत्मा मां आती गेला, ते आपणे भांसु तुरही जिसड़ी बङी अवाज ईं केहते सुणले,