प्रेरितां चे काम 20:35 - ओङ राजपूत

³⁵ मैं तम्हानु सब कोच्छ करती ङिखाणले, कि ये रीति लारे मेहनत करते हुले बेबस लौका नु सम्भालणे, ते प्रभु ईशु चा बाता नु याद राखणे जरुरी छै, कि ओणे आप ही खौद्द केहले, ‘गेहणे कनु ङेणे भले छै।’ ”

प्रेरितां चे काम 20:35 ပူးပေါင်းရင်းမြစ်များ

मत्ती 10:8

बिमारा नु ठीक करा, मरला आला नु जीते करा, कोहड़ीया नु शोद्ध करा, दुष्टात्मा नु काढ़ा। तम्ही मुफ्त मां गेला, ते मुफ्त मां ङिया।

प्रेरितां चे काम 20:20

ते जको-जको बाता तम्चे फायदे चा हुतीया, वानु बावड़ने ते बन्दा चे सामणे ते घरा-घरा मां सिखावणे कनु कङी मुँह कोनी फेरले।

प्रेरितां चे काम 20:27

कांकि मैं नरीकारा ची सारी मनसा नु पुरी रीति लारे तम्हानु बावड़ने कनु कोनी झिझकला।

प्रेरितां चे काम 20:34

तम्ही आप खौद्द ही जाणा कि माये यां हाथा ने माई ते माये साथीया ची जरुरता नु पुरे करले।

प्रेरितां चे काम 20:36

ईं केहती कर पौलुस ने गोङे टेकले ते वां सारा लारे प्राथना करली।

रोमियां 15:1

जरुरी छै कि अम्ही, जको विश्‍वास मां मजबूत छिऊं, वानु सहन करु जको विश्‍वास मां कमजोर छी, ना कि सेर्फ आपणे-आप नु खौश करु।

1 कुरिन्थियां 9:12

अगर तम्ची आमदनी महु हेंस्सा गेहणा ङुजा चा अधिकार छै तां का अम्चा अधिकार वांचे कनु बधती कर कोनी? बल्ति वी अम्ही ऐ अधिकारा नु कामा मां कोनी गेले उल्टा अम्ही सब कोच्छ सब्रा लारे सेहते रेहले कि मसीह चे सुसमाचार चे प्रचार मां कुई रुकावट ना हो।

2 कुरिन्थियां 11:12

मैं जको करता आवे पला ऊंही करता वी जई, जाये कनु वां लौका नु ये बाते चा गर्व करने चा मौका ना मिलो कि वे प्रचार चे कामा मां माये बराबर छी।

2 कुरिन्थियां 11:9

ते जब मैं तम्चे लारे हुता, ते मनु कमी पेशी हुली तां मैं काये उपर बोझ कोनी नाखला, कांकि भावां ने मकिदुनिया कनु आती कर माई जरुरता नु पुरे करले। मैं हर बाते मां आपणे आप नु तम्चे उपर बोझ हुवणे कनु रोकले, ते रोकली वी रिही।

2 कुरिन्थियां 12:13

तम्ही किसी बाते मां नेरीया कलीसिया कनु कम कोनी समझले गेले। सेर्फ ऐचे मां कि मैं तम्चे उपर बोझ कोनी बणला माया। हा अपराध माफ करा।

2 कुरिन्थियां 8:9

कांकि तम्ही अम्चे प्रभु ईशु मसीह चा अनुग्रह जाणा वी, कि ओ धनवान हुती कर वी तम्चे वास्ते कंगाल बणती गेला ताकि ओचे कंगाल हुती जाणे लारे तम्ही धन्‍नी हुती जावा।

इफिसियां 4:28

चोरी करने आले बल्ति चोरी ना करो ते आपणे हाथा लारे आच्छे काम करा ते जानु ङेणे चाही छै ओनु ङिया।

1 थिस्सलुनीकियां 4:11

ते जिसड़ी अम्ही तम्हानु आज्ञा ङिली, यूंही चोप-चाप रेहणे ते आपणे आपणे काम काज करने मां ही ध्यान ङियो ते आपणे आपणे हाथा लारे कमाणे ची कोशिस करा।

1 थिस्सलुनीकियां 5:14

ते ओ माये भऊ ते ब़ेहणीया, अम्ही तम्हानु समझाऊं पले कि तम्चे मां जको आलसी छी वानु समझावा, कायरा ची हिम्मत ब़न्धावा, कमजोरा नु सम्भाला, सारा बन्दा ची सहन करा।

इब्रानियां 13:16

भलाई करने ते चीजा चा आपस मां मिलती कर बाटणे ना छोड़ा कांकि ये इसड़े बलिदान छै, जको नरीकारा नु खौश करे।

इब्रानियां 13:3

कैदीया ची इसड़ी सुधि गिहा मनती गिहा वांचे लारे तम्ही वी कैद मां छिवा, सताले जाणे आला नू भूलजा कांकि तम्ही सारे हेक शरीरा चे अंग छिवा।

3 यूहन्‍ना 1:7

कांकि वे मसीह चे नांवा चे वास्ते निकड़ले, ते जको नरीकारा नु ना मनी वाकनु कहीं वी ना गिही।