प्रेरितां चे काम 20:32 - ओङ राजपूत

³² “ते हमा मैं तम्हानु नरीकारा नु, ते ओचे अनुग्रह चे वचना नु सोंपती ङिये पला, जको तम्ची बढ़ोतरी कर सग़ी, ते सारे पवित्र करले गेले लौका मां सहभागी हुती ते विरासत ङे सग़े।

प्रेरितां चे काम 20:32 ပူးပေါင်းရင်းမြစ်များ

मरकुस 10:17

जब ईशु उठु कनु निकलती कर मार्ग़ा मां जाये पलता, तां हेक बन्दे ओचे सनु द्रोड़ते हुले आले, ते ओचे आग़ु गोङे टेकती कर ओकनु पूछले, “हे उत्तम गुरु, अनन्त जीवन चा अधिकारी हुवणे वास्ते मैं का करे?”

यूहन्‍ना 15:3

यूं करती तम्ही ओ वचना ची वजह कनु जको मैं तम्हानु केहले, पेहले कनु सुथरे छिवा।

यूहन्‍ना 17:17

सच्‍चाई चे जरिये तु वानु सेवा चे कामा मां पवित्र कर। दुधा वचन सच्‍चा छै।

प्रेरितां चे काम 11:23

ओ ओठे पुज़ती कर, ते नरीकारा चे अनुग्रह नु ङेखती कर मगन हुला, ते सब नु उपदेश ङिला कि तन मन लाती कर प्रभु लारे मन लाली रिहा।

प्रेरितां चे काम 14:23

ते वाणे हर हेक कलीसिया मां वांचे वास्ते अग़ुवा नु चुणले, ते उपवास ते प्राथना करती कर वानु प्रभु चे हाथा मां सोंपले जाये उपर वाणे विश्‍वास करला हुता।

प्रेरितां चे काम 14:26

ते उठु कनु पाणीया आले जहाजा मां ब़ेसती कर अन्ताकिया शहरा मां पुज़ले, जिठु कनु वानु नरीकारा चे अनुग्रह मां सोंपती कर ओ कामा वास्ते भेज़ले हुते, जानु वे हमा पुरे करती कर पुठे आती गेले।

प्रेरितां चे काम 14:3

पौलुस ते बरनबास ओठे घणे ङिहां तक रेहले, ते प्रभु चे भरोसे उपर हिम्मती चे लारे बाता करते, ते नरीकार वांचे हाथा कनु अचम्भे ची कामे करवाती कर आपणे अनुग्रह चे वचना उपर ग़वाही ङिता।

प्रेरितां चे काम 15:40

पर पौलुस ने सीलास नु चुणती कर, ते विश्‍वासी भावां ने नरीकारा चे अनुग्रह मां ओनु सोंपती ङिले ते पौलुस ने सीलास नु लारे गेहती यात्रा शुरु करली।

प्रेरितां चे काम 20:24

पर मैं आपणे प्राणा नु कहीं वी ना समझी कि आपणे प्राणा नु प्यारे जाणे, बल्ति ईं कि मैं आपणी दोड़ नु, ते वे सेवा नु पुरी करे, जको मैं नरीकारा चे अनुग्रह चे सुसमाचार ची ग़वाही ङेणे चे वास्ते प्रभु ईशु ने जको मनु ङिली।

प्रेरितां चे काम 26:18

कि तु वांचीया आँख खोल, कि वे अन्धकार महु काढ़ती कर ज्योति मां, ते शैताना चे अधिकार महु नरीकारा चे राज़ मां गेहती आवे। वे पापा कनु माफ पाओ, ते वांचे बीच मां आती जाओ, जको माये मां विश्‍वास चे जरिये नरीकारा वास्ते पवित्र करले गेले।’

प्रेरितां चे काम 9:31

यूं करती सारे यहूदिया, ते गलील, ते सामरिया, मां कलीसिया नु चैन मिड़ला, ते वांची बढ़ोतरी हुती गेली, ते वे प्रभु चे भय ते पवित्र आत्मा ची शान्ति मां टुरते ते बधते गेले।

रोमियां 8:17

ते अगर ऊलाद्ध छिऊं तां वारिस वी छिऊं, बल्कि नरीकारा चे वारिस ते मसीह चे संगी वारिस छिऊं। जिसे बेले अम्ही ओचे लारे ङोख चऊं तां ओचे लारे महिमा वी गिहुं।

1 कुरिन्थियां 1:2

नरीकारा ची वे कलीसिया चे नांवे लिखली गेली, जको कुरिन्थुस शहरा मां छै, यानि वांचे नांवे जको मसीह ईशु मां पवित्र करले गेले, ते पवित्र हुवणे वास्ते हकारले गेले, ते वां सारा चे नांवे वी जको हर जग़हा अम्चे ते आपणे प्रभु ईशु चे नांवा लारे प्राथना करी।

1 कुरिन्थियां 6:10

ना चोर, ना लोभी, ना शराबी, ना चुग़लखौर, ना ठग़्ग़ी करने आले नरीकारा चे राज़ चे वारिस नी हुवे।

1 कुरिन्थियां 6:11

ते तम्चे महु कोच्छ इसड़े ही हुते। पर हमा तम्ही धुपती कर शोद्ध हुती गेले प्रभु ईशु मसीह चे नांवा लारे ते अम्चे नरीकारा ची आत्मा चे जरिये करले गेले कामा चे नतीजे लारे धर्मी घोषित करले गेले ही छिवा।

1 कुरिन्थियां 6:9

का तम्ही ना जाणा, कि अन्यायी लौक नरीकारा चे राज़ चे वारिस नी हुवे? धोक्‍का ना खावा, ना वेश्यागामी, ना मूर्तिपूजक, ना परअसतरी गामी, ना लुच्‍चे, ना पुरुषगामी,

इफिसियां 1:14

पवित्र आत्मा ओचे मोल गेहले आला वास्ते छुटकारे चे वास्ते अम्ची वसीयत ची जमानत छै, कि ओचे लारे नरीकारा ची महिमा ची स्तुति हो।

इफिसियां 1:18

मैं ये बाते वास्ते वी प्राथना करे कि तम्चे मना ची आंख सोज़ले मां हो, तम्ही जाणती गिहा कि ओचे हकारने ची किसड़ी आस रिहे, ते नरीकारा चे पवित्र लौका मां ओची वसीयत ची महिमा ची किसड़ी दौलत छै।

इफिसियां 4:12

ओणे इसड़े करले कि नरीकारा चे पवित्र लौक सेवा करने चे लायक बणो ताकि मसीह ची देह जको कलीसिया छै विनु मजबूत करो।

इफिसियां 4:16

जाये मां सारी देह, हर-हेक जोड़ा ची सहायता लारे हेक लारे मिलती कर ते हेक लारे ग़ठती कर ओ प्रभाव चे अनुसार जको हर-हेक अंग चे ठीक-ठीक काम करने चे जरिये ओचे मां हुवे, आपणे आप नु बधावे कि वा प्रेम मां बढ़ोतरी करती जाओ।

इफिसियां 5:5

कांकि तम्ही हा जाणा कि इसड़ा कुई वी बन्दे जको व्यभिचारी छै ते अशुद्ध, जा लालच, लालची बन्दे जको मूर्ति पुज़ा करने आले चे बराबर छै, मसीह ते नरीकारा चे राज़ मां ना जा सग़ी,

कुलुस्सियां 1:12

ते ब़ा चा धन्यवाद करते रिहा, जेह्णे अम्हानु ऐस लायक बणाले कि ज्योति मां पवित्र लौका चे लारे वसीयत मां भईवाल हुले।

कुलुस्सियां 2:7

ते ओचे मां ज़हड़ पकड़ती कर बढ़ते जावा जिंवे तम्ही सिखाले गेले यूंही विश्‍वास मां मजबूत हुते जावा, ते घणा धन्यवाद करते रिहा।

कुलुस्सियां 3:24

कांकि तम्हानु पता छै कि ऐ बदले मां तम्हानु प्रतिफल मां इनाम मिली, प्रभु जको मसीह छै तम्ही ओची सेवा करा वी।

इब्रानियां 10:14

कांकि ओणे हेक ही चढ़ावे लारे वानु जको पवित्र करले जई, सदा वास्ते सेद्ध करती ङिले।

इब्रानियां 13:9

बदड़ली आली विचित्र प्रकार ते अणजाण शिक्षा चे बहकावे मां ना बहकजा। दिला वास्ते सही छै कि ऊं अनुग्रह चे जरिये मजबूत करले जाओ, ना कि खाणे चे चीजा जरिये, खान-पान चे सम्बन्धी प्रथा चे जरिये काये भले कोनी हुले।

इब्रानियां 2:11

कांकि पवित्र करने आला ते जको पवित्र करले जई, सब हेक ही ब़ा कनु छी, यानि नरीकार कनु। येही वजह कनु ईशु वानु भऊ केहणे कनु ना लज़ावी।

इब्रानियां 9:15

ऐवास्ते ओ हेक नवीं वाचा चा बिचोला छै, कि वे मौत चे जरिये जको पेहली वाचा चे समय चे अपराधा कनु छुटकारा गेहणे वास्ते हुली, हकारले आले लौक वायदे चे अनुसार अनन्त विरासत नु गिहो।

यहूदा 1:1

हा चिठ्ठी यहूदा चे तरफु जको ईशु मसीह चा दास ते याकूब चा भऊ छै, वां हकारले आला चे नांवे लिखली गेली, जको नरीकार ब़ा चे प्यारे ते ईशु मसीह चे वास्ते सम्भालती कर राखले गेले।

यहूदा 1:20

पर हे प्यारे, तम्ही आपणे अति पवित्र विश्‍वासा मां आग़ु बधते हुले ते पवित्र आत्मा मां प्राथना करते हुले,