प्रेरितां चे काम 20:1 - ओङ राजपूत

¹ जिसे बेले हुल्‍लड़ खत्तम हुती गेला तां पौलुस ने चैला नु हकरवाती कर समझाले, ते वांचे कनु विदा हुती कर मकिदुनिया सनु चाह्‍ला गेला।

प्रेरितां चे काम 20:1 ပူးပေါင်းရင်းမြစ်များ

प्रेरितां चे काम 11:26

ते जिसे बेले वानु मिड़ला तां ओनु अन्ताकिया मां आणले ते इसड़े हुले कि वे हेक साला तक कलीसिया चे लारे मिलते ते ब़ोहत सारे लौका नु उपदेश ङिते रेहले। ते चैले सारा कनु पेहले अन्ताकिया मां ही “मसीह” किहवाले।

प्रेरितां चे काम 16:12

ते उठु कनु अम्ही फिलिप्पी शहर पुज़ले, जको मकिदुनिया इलाके चा खास शहर छै, ते जको रोमियां ची बस्ती छै, ते अम्ही ओ शहरा मां कोच्छ ङिहां तक रेहले।

प्रेरितां चे काम 16:9

ओठे राती नु पौलुस ने हेके खाबा मां ङेखले कि हेक मकिदुनिया इलाके चा हेक जवान भिला आला, ओकनु हा विनती करे पला कि, “मकिदुनिया मां आती कर अम्ची सहायता कर।”

प्रेरितां चे काम 19:21

जिसे बेले ये बाता हुती चुकलीया, ते पौलुस ने आत्मा मां ईं ठानले कि मकिदुनिया ते अखाया कनु हुती कर यरुशलेम सनु जाये, ते केहले, “ओठे जाणे चे बाद मनु रोम नु वी ङेखणे जरुरी छै।”

प्रेरितां चे काम 20:10

पर पौलुस उतरती कर ओचे लारे बिलठती गेला, ते गले लाती कर केहले, “घब़रावा ना, कांकि ओची जान ओचे मां छै।”

प्रेरितां चे काम 20:2

बल्ति पौलुस ओ सारे प्रदेसा मां हुती कर नेरा चैला नु मिलती कर वांची हिम्मत ब़न्धवाली, ते यूनान देशा मां जती पुज़ला।

प्रेरितां चे काम 20:3

जिसे बेले तीन मेहने रेहती कर ओ उठु जहाजा उपर सीरिया प्रदेस सनु जाणे आला हुता, ओनु सूचना मिड़ली यहूदी ओचे विरोध षड़यंत्र रचली भिले तां ओणे हा फैंसला करला कि मकिदुनिया हुती कर पुठा चाह्‍ला जाये।

प्रेरितां चे काम 20:37

बल्ति वे सारे घणे रोले ते पौलुस चे गले लाग़ती कर ओनु मिठ्ठीया ङिऊं लाग़ले।

रोमियां 15:19

ते चैन्ह ते अदभोत कामा ची सामर्थ लारे, ते पवित्र आत्मा ची सामर्थ लारे माये ही जरिये करले गेले। इठे तक मैं यरुशलेम कनु लाती कर चऊं पासु ते इल्‍लुरिकुम तक मसीह चे सुसमाचार चा पूरा-पूरा प्रचार करला।

रोमियां 16:16

आपस मां हाथ जोड़ती कर नमस्कार करा। तम्हानु मसीह ची सारीया कलीसिया ची ओर कनु नमस्कार।

1 कुरिन्थियां 16:20

इठले सारे भावां चा तम्हानु तेह दिला लारे नमस्कार। हाथ जोड़ती कर आपस मां नमस्कार करा।

1 कुरिन्थियां 16:5

ते मैं मकिदुनिया हुती कर तम्चे गोढु आवी, कांकि मनु मकिदुनिया हुती कर जाणे जरुरी छै।

2 कुरिन्थियां 13:12

हेके-ङुजे नु हाथ जोड़ती कर नमस्कार करा।

2 कुरिन्थियां 7:5

कांकि जिसे बेले अम्ही मकिदुनिया मां आले, तां वी अम्चे शरीरा नु आराम कोनी मिड़ला, पर अम्ही चऊं पासु क्लेश भोग़ु, ब़ाहरु लड़ाईया हुतीया, ते दिला मां ङर हुता।

1 थिस्सलुनीकियां 5:26

सारा भावां ते ब़ेहणीया नु हाथ जोड़ती कर नमस्कार करा।

1 तीमुथियुस 1:3

जिंवे मैं तनु मकिदुनिया सनु जते बेले, तनु समझाले हुते, कि इफिसुस मां रेहती कर लौका नु हा आज्ञा ङे कि, कूड़ी शिक्षा ना ङे।