प्रेरितां चे काम 2:42 - ओङ राजपूत

⁴² ते वे प्रेरितां कनु शिक्षा गेहणे, ते संगति राखणे मां, ते बच्‍चड़ रोटी खाणे मां, ते प्राथना करने मां लवलीन रेहले।

प्रेरितां चे काम 2:42 ပူးပေါင်းရင်းမြစ်များ

लूका 24:30

जिसे बेले ओ वांचे लारे खाणे खऊं ब़ेहला, ते ओणे रोटी चती कर धन्यवाद करला, ते विनु भान्ती कर वानु ङिऊं लाग़ला।

लूका 24:35

बल्ति वाणे ङोन जणा ने वी इम्माऊस चे मार्ग़ ची बाता वानु बावड़ती ङिलीया, ते ईं वी कि वाणे ईशु नु रोटी भान्ते समय उपर किवें पिछाणले।

प्रेरितां चे काम 1:14

ये सारे कई असतरीया ते ईशु ची आई मरियम ते ओचे भावां लारे मन लाती प्राथना मां लाग़ले रेहले।

प्रेरितां चे काम 11:23

ओ ओठे पुज़ती कर, ते नरीकारा चे अनुग्रह नु ङेखती कर मगन हुला, ते सब नु उपदेश ङिला कि तन मन लाती कर प्रभु लारे मन लाली रिहा।

प्रेरितां चे काम 14:22

ते वे चैला चे मना नु मजबूत करते रेहले ते हा उपदेश करते कि विश्‍वासा मां बणले रिहा, ते ईं केहते कि, “अम्हानु बङे क्लेश भोग़णे जरुरी छै नरीकारा चे राज़ मां जाणे वास्ते।”

प्रेरितां चे काम 2:46

ते वे रोजाना हेक मन हुती कर मन्दरा मां भेले हुते, ते घरा-घरा मां जती कर बच्‍चड़ रोटी खाणे ते खुशी लारे मना ची सिधाई लारे रलती-मिलती कर खाणे खाते,

प्रेरितां चे काम 20:11

ते उपर जती कर रोटी भांली ते खाती कर इतनी देरी तक वांचे लारे बाता करता रेहला कि, पुरा फुटती गेली, बल्ति ओ उठु चाह्‍ला गेला।

प्रेरितां चे काम 20:7

हफ्ते चे पेहले ङिओ जिसे बेले अम्ही रोटी भानणे चे वास्ते भेले हुले, ते पौलुस ने जको ङुजे ङिओ जाणे आला हुता, वांचे लारे बाता करलीया, ते आधी राती तक उपदेश ङिता रेहला।

प्रेरितां चे काम 4:23

पतरस ते यूहन्‍ना छुटती कर आपणे साथीया चे गोढु आले, ते जको कोच्छ प्रधान याजका ते बङका ने वानु केहले हुते, वानु सुणाती ङिले।

प्रेरितां चे काम 4:31

जिसे बेले वे प्राथना करती चुकले, तां वा जग़हा जिठे भेले हुते हलती गेली, ते वे सारे पवित्र आत्मा लारे भरीती गेले, ते नरीकारा चा वचन होंसले लारे सुणाते रेहले।

प्रेरितां चे काम 6:4

पर अम्ही तां प्राथना मां ते नरीकारा चे वचना ची शिक्षा मां लाग़ले रिहुं।”

रोमियां 12:12

आपणी आस चे बारे मां खौश रिहा, क्लेश चे बारे मां तसल्‍ली राखा ते प्राथना चे बारे मां मजबूत रिहा।

1 कुरिन्थियां 10:21

तम्ही प्रभु चे मुंगरा महु ते दुष्टात्मा चे मुंगरा ङुंहु महु ना पी सग़ा। तम्ही प्रभु ची मेज ते दुष्टात्मा ची मेज ङुंहु चे खाणे मां भईवाल ना हो सग़ा।

1 कुरिन्थियां 11:2

मैं तम्ची तारीफ करे कि तम्ही सब बाता मां मनु याद राखा ते वां शिक्षा नु मजबूती लारे पालन करा, जिसड़ी मैं तम्हानु सोंपली हुती।

1 कुरिन्थियां 14:6

ऐवास्ते, हे माये भऊ, अगर मैं तम्चे गोढु आती कर नेरी भाषा मां बाता करे, ते प्रकाश, जा ज्ञान, जा भविष्यवाणी, जा उपदेश चीया बाता तम्हानु ना किहे तां माये कनु तम्हानु का फायदा हुवी?

गलातियां 1:6

मनु अचम्भा हुवे पला कि जेह्णे तम्हानु ईशु मसीह चे अनुग्रह मां हकारले, ओकनु तम्ही इतनी जल्दी भूलती कर नेरे ही तरह चे सुसमाचार सनु झुकु लाग़ती गेले।

इफिसियां 2:20

तम्ही हेक इसड़े घर छिवा, जको प्रेरित ते भविष्यवक्‍ता ची नीम उपर बणले आले छिवा जाया कूणे चा पत्थर खौद्द ईशु मसीह ही छै।

इफिसियां 6:18

ते हर हेक समय ते हर तरह प्राथना ते बिनती लारे पवित्र आत्मा मां हर बेले प्राथना करते रिहा, हा ध्यान राखती कर होशियार रिहा, कि कोशिस करा सारे पवित्र लौका वास्ते प्राथना करले करा।

फिलिप्पियां 1:5

कांकि पेहले ङिओ कनु आज़ तक तम्ही सुसमाचार चे प्रचार मां माये लारे शामिल रेहले।

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।

कुलुस्सियां 4:2

प्राथना मां लाग़ले रिहा, ते हमेशा नरीकारा नु धन्यवाद करते रिहा ते ओचे मां जाग़ते रिहा।

2 तीमुथियुस 3:14

पर तु जा बाता उपर जको तु सिखलीया हुतीया, तु विश्‍वास करला हुता, हा जाणती कर मजबूत बणला रेह, कि तु वे बाता किसा बन्दा कनु सिखलीया हुतीया।

इब्रानियां 10:25

ते अम्ही अराधना सभा मां लगातार भेले हुवणे मां सुस्त ना हुती जऊं जिंवे कई हुती वी चुकले हेके ङुजे नु शाबास करते रिहा ते ऐ बारे मां होर वी ज्यादा गोढु हुती जावा, जिंवे कि तम्ही ङेखा ही पले, ओ ङिओ गोढु आता जाये।

इब्रानियां 10:39

पर अम्ही भांसु हटणे आले कोनी, कि नाश हुती जऊं, पर विश्‍वास करने आले छिऊं, कि जान बचाऊं।

1 यूहन्‍ना 1:3

ते जानु अम्ही ङेखले ते सुणले ओचा समाचार तम्हानु ङिऊं पले, ऐवास्ते कि तम्ही वी अम्चे लारे शामिल हुवा, ते अम्ची हा सहभागिता ब़ा नरीकारा चे लारे ते ओचे पूत ईशु मसीह चे लारे छै।

1 यूहन्‍ना 1:7

अगर जिसड़ा ओ सोज़ले छै, यूंही अम्ही हमा वी सोज़ले मां टुरु तां हेके ङुजे लारे सहभागिता राखु वी, ते नरीकारा चा पूत ईशु चे लुहीं अम्हानु सारा पापा कनु शोद्ध करे।

1 यूहन्‍ना 2:19

तां मसीह चे विरोधी अम्चे महु निकली, पर अम्चे जिसड़े हुते कोनी, कांकि अगर वे सच्‍चमां अम्चे लारे हुवीया तां, अम्चे लारे रिहा, पर निकलती ऐवास्ते गेले कि हा प्रकट हो कि वे सच्‍चमां सारे अम्चे कोनी।

यहूदा 1:20

पर हे प्यारे, तम्ही आपणे अति पवित्र विश्‍वासा मां आग़ु बधते हुले ते पवित्र आत्मा मां प्राथना करते हुले,