प्रेरितां चे काम 2:4 - ओङ राजपूत

⁴ वे सारे पवित्र आत्मा लारे भरीती गेले, जिंवे आत्मा ने वानु ब़ोलणे ची सामर्थ ङिली, वे अलग़-अलग़ भाषा ब़ोलु लाग़ले।

प्रेरितां चे काम 2:4 ပူးပေါင်းရင်းမြစ်များ

मत्ती 10:19

जिसे बेले वे तम्हानु पकड़वावे तां हा चिन्ता ना करजा कि अम्ही केस रीति लारे जा का किहुं। कांकि जको कोच्छ तम्हानु केहणे हुवी, ऊं तम्हानु वेही घड़ी बावड़ले जई।

मरकुस 16:17

जको माये उपर विश्‍वास करी, ओचे मां ये चैन्ह हुवे, वे माये नांवा उपर दुष्टात्मा नु काढ़े, वे नवींया-नवींया ब़ोलीया ब़ोले।

लूका 1:15

कांकि ऊं प्रभु चे सामणे महान हुवी, ते ओचे वास्ते अंगूरा चा रस ते दारु पीणे मना छै, ऊं आपणे जनमा कनु ही पवित्र आत्मा लारे भरीले रिही।

लूका 1:41

जिंवे ही इलीशिबा ने मरियम चा नमस्कार सुणला, ओही बेले विचे ढिड्डा मां ब़ाल उछड़ले, ते इलीशिबा पवित्र आत्मा लारे भरीती गेली।

लूका 1:67

ओचा ब़ा जकरयाह पवित्र आत्मा लारे भरती गेला ओ भविष्यवाणी करु लाग़ला,

लूका 12:12

कांकि पवित्र आत्मा वेही घड़ी तम्हानु सिखाती ङी कि का केहणे चाही छै।”

लूका 21:15

कांकि मैं तम्हानु इसड़ा ब़ोल ते ब़ुध्दि ङिही कि तम्चे सब विरोधी सामना जा खण्डन नी कर सग़े।

लूका 4:1

बल्ति ईशु पवित्र आत्मा लारे भरीती कर, यरदन कनु वापिस आला, ते चालीस ङिहां तक पवित्र आत्मा चे सिखावणे लारे बरब्याना मां फिरता रेहला,

यूहन्‍ना 14:26

पर सहायक, यानिकि पवित्र आत्मा, जानु ब़ा माये नांवा कनु भेज़ी, ओह तम्हानु सारीया बाता सिखावी ते जको कोच्छ मैं तम्हानु केहले ओ सब तम्हानु याद करावी।

यूहन्‍ना 20:22

ईं केहती कर ईशु ने वांचे उपर फूका ङिला ते केहले, “पवित्र आत्मा गिहा।

प्रेरितां चे काम 1:5

कांकि यूहन्‍ना ने पाणीया लारे बपतिस्मा ङिला, पर थोड़े ङिहां चे बाद तम्ही पवित्र आत्मा चे लारे बपतिस्मा गिहा।”

प्रेरितां चे काम 1:8

पर जिसे बेले पवित्र आत्मा तम्चे उपर आवी तब तम्हानु सामर्थ मिली ते यरुशलेम ते सारे यहूदिया ते सामरिया मां ते धरती चे सिरे तक माये ग़वाह हुवे।”

प्रेरितां चे काम 10:46

कांकि वाणे वानु तरह तरह ची ब़ोली ब़ोलते ते नरीकारा ची बढ़ाई करते सुणले ते।

प्रेरितां चे काम 10:47

ऐचे उपर पतरस ने केहले, “का हमा कुई याहनु पाणीया लारे बपतिस्मा गेहणे वास्ते रोक सग़े? कांकि यांणे वी अम्चे आलीकर पवित्र आत्मा गेहला।”

प्रेरितां चे काम 11:15

“जिसे बेले मैं बाता करु लाग़ला, तां पवित्र आत्मा वांचे उपर वेही रीति लारे उतरती आला, जिसी रीति लारे शुरु मां अम्चे उपर उतरला हुता।

प्रेरितां चे काम 11:24

कांकि ओ हेक भले इन्सान हुता, ते पवित्र आत्मा ते विश्‍वासा मां भरपूर हुता, ते ब़ोहत सारे लौका ने प्रभु चे उपर विश्‍वास करला।

प्रेरितां चे काम 13:52

पर अन्ताकिया शहरा चे विश्‍वासी ब़ोहत खुशी लारे ते पवित्र आत्मा लारे भरीते गेले।

प्रेरितां चे काम 13:9

हमा शाऊल ने आपणे आप नु पौलुस किहुं लाग़ला, पवित्र आत्मा लारे भरीती कर ओचे सनु ङेखती कर केहले कि,

प्रेरितां चे काम 15:8

ते मना नु परखणे आले नरीकारा ने वानु वी अम्चे आलीकर पवित्र आत्मा ङिती कर ऐची ग़वाही ङिली।

प्रेरितां चे काम 19:6

ते जिसे बेले पौलुस ने वांचे उपर हाथ मेहले, ते वांचे उपर पवित्र आत्मा उतरती आला, ते वे अलग़-अलग़ भाषा ब़ोलु लाग़ती गेले ते भविष्यवाणीया करु लाग़ले।

प्रेरितां चे काम 2:11

का यहूदी का यहूदी मत्त धारण करने आले, क्रेती ते अरबी वी छी, पर आपणी-आपणी भाषा मां वाकनु नरीकारा चे बङे-बङे कामा ची चर्चा सुणु पले।”

प्रेरितां चे काम 2:3

वानु जाखते जिसड़ीया लपटा ङिसलीया, ते वांचे महु हर हेक चे उपर आती कर रुकती गेलीया।

प्रेरितां चे काम 4:31

जिसे बेले वे प्राथना करती चुकले, तां वा जग़हा जिठे भेले हुते हलती गेली, ते वे सारे पवित्र आत्मा लारे भरीती गेले, ते नरीकारा चा वचन होंसले लारे सुणाते रेहले।

प्रेरितां चे काम 4:8

बल्ति पतरस ने पवित्र आत्मा मां भरीती कर वानु केहले,

प्रेरितां चे काम 6:3

ऐवास्ते हे माये भऊ, आपणे सात नामी मर्दा नु जको पवित्र आत्मा ते ब़ुध्दि लारे भरीले आले हो चुणती गिहा, कि अम्ही वानु ऐ कामा उपर ठहराती ङिऊं।

प्रेरितां चे काम 6:5

हा बात सारी कलीसिया नु आच्छी लाग़ली, ते वाणे स्तिफनुस नांवा चे हेक मर्दा नु जको विश्‍वास ते पवित्र आत्मा मां भरीला आला हुता। ते फिलिप्पुस, प्रुखुरुस, नीकानोर, तीमोन, परमिनास, ते अन्ताकिया चा रेहणे आला निकुलाउस नु जको-जको यहूदी मत्त मां आती गेलता ला, चुणती गेले।

प्रेरितां चे काम 6:8

स्तिफनुस नरीकारा चे अनुग्रह ते सामर्थ मां भरीती कर लौका मां अदभोत काम ते चैन्ह ङिखाणता रेहता।

प्रेरितां चे काम 7:55

पर स्तिफनुस पवित्र आत्मा लारे भरीती कर स्वर्ग़ा सनु ङेखले ते नरीकारा ची महिमा नु ते ईशु नु नरीकारा चे सज़्ज़े पासु भिले ङेखती कर केहले,

प्रेरितां चे काम 8:17

तब पतरस ते यूहन्‍ना ने वांचे उपर हाथ मेहले ते वानु पवित्र आत्मा मिड़ली।

प्रेरितां चे काम 9:17

तब हनन्याह ऊठती कर ओ घरा मां गेला, ते ओचे उपर आपणा हाथ मेहलती कर केहले, “हे भऊ शाऊल, प्रभु, यानिकि ईशु, जको ओ मार्ग़ा मां, जिसे मां तु आला, तनु ङिसला हुता, ओणे ही मनु भेज़ले, कि तु बल्ति कनु ङेखु लाग़ ते पवित्र आत्मा लारे भरीती जाये।”

रोमियां 15:13

ऐवास्ते नरीकार जको आस चा दाता छै, तम्हानु विश्‍वास करने मां ते हर-तरहा ची खुशी ते शान्ति लारे भरती नाखो, कि पवित्र आत्मा ची सामर्थ लारे तम्ची आस बधती जाओ।

1 कुरिन्थियां 12:10

बल्ति कानु सामर्थ चे काम करने ची ताकत ते कानु भविष्यवाणी करने ची ते कानु सब आत्मा ची परख ते कानु कई तरह ची भाषा ते कानु भाषा चा मतलब बावड़ना।

1 कुरिन्थियां 13:1

अगर मैं इन्साना ते स्वर्ग़दूता ची ब़ोलीया ब़ोले ते प्रेम ना राखे, तां मैं टनटनाता हुला पित्तल, ते छिणकते हुले छिणकणे छै।

1 कुरिन्थियां 13:8

प्रेम अनन्त काल चा छै। पर भविष्यवाणीया थोड़े समय वास्ते छी, नेरीया भाषा ब़ोलणे चा वरदान खत्तम हुती जाये, ज्ञान चा वरदान हो, तां मिटती जई।

1 कुरिन्थियां 14:18

मैं आपणे नरीकारा चा धन्यवाद करे, कि मैं तम्हा सबकनु ज्यादा नेरीया भाषा मां बाता करे।

1 कुरिन्थियां 14:5

मैं चाहवे कि तम्ही सारे नेरीया भाषा मां बाता करा, पर ज्यादा ईं चाहवे कि भविष्यवाणीया करा कांकि अगर नेरीया भाषा ब़ोलणे आले चा कुई अनुवाद ना करो, तां भविष्यवाणी चा फायदा कलीसिया ची बढोतरी वास्ते ओकनु बढ़ती कर छै।

इफिसियां 3:19

ते तम्ही मसीह चे ओ प्यारा नु जाणती गिहा जको समझ कनु ब़ाहर छै ताकि तम्ही नरीकारा ची भरपूरी लारे भरीती जावा।

इफिसियां 5:18

दारु पीती कर मतवाले ना बणा, कांकि ऐचे लारे लोचपण हुवे, ऐकनु दूर रिहा, ते पवित्र आत्मा लारे भरीते जावा,

इफिसियां 6:18

ते हर हेक समय ते हर तरह प्राथना ते बिनती लारे पवित्र आत्मा मां हर बेले प्राथना करते रिहा, हा ध्यान राखती कर होशियार रिहा, कि कोशिस करा सारे पवित्र लौका वास्ते प्राथना करले करा।

1 पतरस 1:12

वांचे उपर ईं वी उजागर करले गेले, कि वे आपणी कोनी बल्कि तम्ची सेवा करने चे वास्ते ये बाता किही पलते ले, जाया समाचार तम्हानु हमा वांचे जरिये मिड़ला जेह्णे पवित्र आत्मा चे जरिये जको स्वर्ग़ा कनु भेज़ला गेला तम्हानु सुसमाचार सुणाला, जा बाता नु जाणने चे वास्ते तां स्वर्ग़दूत वी तरसते रिही।

2 पतरस 1:21

कांकि कुई वी भविष्यवाणी बन्दे ची मर्जी लारे कङी वी कोनी हुली। पर भग़त जन पवित्र आत्मा चे जरिये उभारले जाणे तक नरीकारा ची ओर कनु ब़ोलते।