प्रेरितां चे काम 2:38 - ओङ राजपूत

³⁸ पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

प्रेरितां चे काम 2:38 ပူးပေါင်းရင်းမြစ်များ

मत्ती 28:19

ऐवास्ते तम्ही जावा, ते सब जातिया चे लौका नु चैले बणावा, ते वानु, ब़ा, ते पूत, ते पवित्र आत्मा चे नांवा लारे बपतिस्मा ङिया।

मत्ती 3:2

“पापा कनु मन फिरावा, कांकि स्वर्ग़ चा राज़ गोढु छै।”

मत्ती 3:6

वाणे आपणे-आपणे पापा नु मनती कर यरदन नदी मां ओकनु बपतिस्मा गेहला।

मत्ती 4:17

ओ समय कनु ईशु ने सुसमाचार चा प्रचार करना ते ईं केहणे शुरु करले, “आपणे पापा कनु मन फिरावा कांकि स्वर्ग़ चा राज़ गोढु छै।”

मरकुस 1:15

ते ओणे केहले, “समय पूरा हुला, ते नरीकारा चा राज़ गोढु आती गेला, तम्ही आपणे पापा कनु मन फिरावा ते सुसमाचार चे उपर विश्‍वास करा।”

मरकुस 16:16

जको कुई विश्‍वास करे ते बपतिस्मा गिहे ते ओही बचाला जई, जको विश्‍वास ना करी, ऊं दोषी ठहराले जई।

लूका 24:47

ते यरुशलेम कनु लाती कर सारे लौका नु मन फिराव चा ते पापा ची माफी चा प्रचार, ओचे नांवा लारे करला जई।

लूका 3:10

ते लौका ने ओकनु पूछले, “तां अम्ही का करु?”

प्रेरितां चे काम 10:43

ओची सारे भविष्यवक्‍ता ग़वाही ङी कि जको कुई ओचे उपर विश्‍वास करी, ओनु ओचे नांवा चे जरिये पापा ची माफी मिली।”

प्रेरितां चे काम 10:48

ते ओणे आज्ञा ङिली कि वानु ईशु मसीह चे नांवा लारे बपतिस्मा ङिला जाओ। बल्ति वाणे ओकनु बिनती करली, कि कोच्छ ङिहें होर अम्चे लारे रेह।

प्रेरितां चे काम 13:38

“ऐवास्ते, हे माये भऊ, तम्ही जाणती गिहा कि ईशु चे जरिये पापा ची माफी चा सुसमाचार तम्हानु ङिला जाये पला।

प्रेरितां चे काम 16:15

विणे आपणे कुणम्बे समेत बपतिस्मा गेहला, ते विणे विनती करली, “अगर तम्ही मनु प्रभु ची विश्‍वासण समझा तां चालती कर माये घरा मां रिहा।” ते वा अम्हानु राजी करती कर गेहती गेली।

प्रेरितां चे काम 17:30

हमा तक तां नरीकारा ने अज्ञानता चे समय उपर ध्यान कोनी ङिला। पर हमा तां हर जग़हा सारा बन्दा नु मन फिरावणे ची आज्ञा ङिये पला।

प्रेरितां चे काम 20:21

बल्ति मैं यहूदिया नु ते यूनानिया नु चिताता रेहला कि नरीकारा सनु मन फिरावा, ते अम्चे प्रभु ईशु मसीह उपर विश्‍वास करा।

प्रेरितां चे काम 22:16

हमा कां देर करी पला? खड़ा हो, बपतिस्मा गे, ते ओचा नाम गेहती कर आपणे पापा नु धोती नाख।’

प्रेरितां चे काम 26:18

कि तु वांचीया आँख खोल, कि वे अन्धकार महु काढ़ती कर ज्योति मां, ते शैताना चे अधिकार महु नरीकारा चे राज़ मां गेहती आवे। वे पापा कनु माफ पाओ, ते वांचे बीच मां आती जाओ, जको माये मां विश्‍वास चे जरिये नरीकारा वास्ते पवित्र करले गेले।’

प्रेरितां चे काम 26:20

बल्ति मैं सबकनु पेहले दमिश्क शहरा मां, ते ऐचे बाद यरुशलेम मां रेहणे आला नु, ते सारे यहूदिया प्रदेस मां, ते नेरीया जातिया नु समझाता रेहला, कि मन फिरावा ते नरीकारा सनु फिरती कर मन फिराव चे लायक काम करा।

प्रेरितां चे काम 3:19

ऐवास्ते मन फिरावा ते हटती आवा कि तम्चे पाप मिटाले जाओ, जाये कनु प्रभु चे सामणे सोख भरी ङिहें आओ।

प्रेरितां चे काम 5:31

ओनु ही नरीकारा ने प्रभु ते उद्धारकर्ता ठहराती कर आपणे सज़्ज़े हाथा लारे ऊंचे करले, कि ओ इस्राएलीया नु मन फिरावणे ची ताकत ते पापा ची माफी दान करो।

प्रेरितां चे काम 8:12

पर जिसे बेले फिलिप्पुस चे वचना उपर विश्‍वास करला जको नरीकारा चे राज़ ते ईशु मसीह चे नांवा चा सुसमाचार सुणाता तां लौक, का मर्द, का असतरी बपतिस्मा गिहुं लाग़ले।

प्रेरितां चे काम 8:20

पतरस ने ओनु केहले, “दुधे रुपये दुधे लारे नाश हो, कांकि तु नरीकारा चा दान रुपया लारे मोल गेहणे चा विचार करला।

रोमियां 6:3

का तम्ही ना जाणा कि अम्ही सब जितना ने मसीह ईशु चा बपतिस्मा गेहला तां ओची मौत चा बपतिस्मा गेहला?

इफिसियां 1:7

अम्हानु ओचे मां ओचे लुहींया चे जरिये छुटकारा, यानि पापा ची माफी, ओचे ओ अनुग्रह चे धन चे अनुसार मिड़ला।

तीतुस 3:5

ते ओणे अम्चा उद्धार करला। ते ईं धर्मा चे कामा ची वजह कनु कोनी, जको अम्ही आप करले, पर आपणी दया चे अनुसार, नवें जनमा चे झूलने लारे, ते पवित्र आत्मा चे अम्हानु नवें बणावणे लारे हुले।

1 पतरस 3:21

ते ओही पाणीया ची मिसाल वी यानिकि बपतिस्मा, ईशु मसीह चे जीते हुवणे चे जरिये, हमा तम्हानु बचावे, ओचे कनु शरीरा चे मैल नु दूर करने चा मतलब कोनी छै, पर शोद्ध विवेक लारे नरीकारा चे हाथा मां हुती जाणे चा मतलब छै।