प्रेरितां चे काम 2:22 - ओङ राजपूत

²² “हे इस्राएली लौक, यां वचना नु सुणा, ईशु नासरी हेक इसड़े बन्दे हुता, जाये नरीकारा ची ओर कनु हुवणे चा सबूत वा सामर्थ ची कामे ते अचम्भे ची कामे ते नेरे चैन्ह लारे प्रकट छै, जको नरीकारा ने तम्चे बीच ओचे जरिये करती ङिखाणले जानु तम्ही आप ही जाणा।

प्रेरितां चे काम 2:22 ပူးပေါင်းရင်းမြစ်များ

मत्ती 12:28

पर अगर मैं नरीकारा ची आत्मा ची सहायता लारे दुष्टात्मा नु काढ़े, तां नरीकारा चा राज़ तम्चे गोढु आती पुज़ला।

मत्ती 2:23

ओठे नासरत नांवा चे शहरा मां जती बसला, ताकि ओ वचन पूरा हो, जको भविष्यवक्‍ता चे जरिये केहला गेलता, “ओ नासरी किहवावी।”

मत्ती 9:8

लौक ईं ङेखती कर ङरती गेले ते नरीकारा ची महिमा करु लाग़ले, जेह्णे इन्साना नु इसड़ा अधिकार ङिला।

लूका 11:20

पर अगर मैं नरीकारा ची सामर्थ लारे दुष्टात्मा नु काढ़े, तां नरीकारा चा राज़ तम्चे गोढु आती पुज़ला।

लूका 18:37

वाणे ओनु बावड़ले, “ईशु नासरी जाये पला।”

लूका 24:18

ईं सुणती कर वांचे महु क्लियोपास नांवा चे हेक शक्स ने केहले, “का तु यरुशलेम मां हेकला प्रदेसी छी, जको ना जाणी कि यां ङिहां मां ओचे मां का हुले?”

यूहन्‍ना 1:45

फिलिप्पुस नतनएल लारे मिड़ला ते ओनु केहले, “जाया जिक्र मूसा ने व्यवस्था मां करला हुता ते भविष्यवक्‍ता ने लिखले, ओ अम्हानु मिलती गेला। ओ यूसुफ चा पूत, ईशु नासरी छै।”

यूहन्‍ना 10:37

अगर मैं आपणे ब़ा चे काम ना करे तां माया विश्‍वास ना करा।

यूहन्‍ना 11:47

ऐचे पर प्रधान याजका ते फरीसिया ने महासभा हकारली ते केहले, “अम्ही करु का? ईं बन्दे तां घणे चमत्कार चे चैन्ह ङिखाणे।

यूहन्‍ना 12:17

बल्ति भीड़ चे लौका ने जको ओह बेले ओचे लारे हुते, हा ग़वाही ङिली कि लाजर नु कब्री महु हकारती मरले आले महु जिवाले।

यूहन्‍ना 15:24

अगर मैं वांचे मां ऊं काम ना करियो जको मैं करले तां वे पापा चे भाग़ी ना हुवीया। पर हमा वाणे ङेखती गेले जको मैं करले। तां वी वे माये लारे ते माये ब़ा लारे बैर करी।

यूहन्‍ना 19:19

पिलातुस ने दोष-पत्र लिखती कर क्रूसा उपर लाती ङिला, ते ओचे मां ईं लिखले पलते, “ईशु नासरी, यहूदिया चा राजा छै।”

यूहन्‍ना 3:2

ओणे राती नु ईशु कनु आती केहले, “हे रब्बी, अम्ही जाणु कि तु गुरु छी ते नरीकार ची ओर कनु आला। कांकि इसड़े अचम्भे चे काम जको तु करी याहनु नरीकारा ची सहायता चे बिना कुई वी ना कर सग़ी।”

यूहन्‍ना 4:48

ईशु ने ओनु केहले, “जब तक तम्ही चैन्ह ते अदभोत काम नी ङेखा तब तक कङी वी विश्‍वास नी करा।”

यूहन्‍ना 5:36

माया कनु हेक नेरा ग़वाह छै, जाई ग़वाही यूहन्‍ना ची ग़वाही कनु बङी छै। कांकि जको काम ब़ा ने मनु पुरे करने वास्ते सोंपले ईं काम जको मैं करे वे माये ग़वाह छी कि मनु ब़ा ने भेज़ले।

यूहन्‍ना 6:14

बल्ति वे बन्दी ऐ अचम्भे चे कामा चे चैन्ह नु ङेखती कर किहुं लाग़ली, “पक्‍के ही ईं बन्दे भविष्यवक्‍ता छै जको संसारा मां आणा हुता ईं छै।”

यूहन्‍ना 6:27

ओ खाणे वास्ते मेहनत ना करा जको सड़ती जाये, बल्कि ओ खाणे वास्ते जत्तन करा जको सदा वास्ते बणला रिही ते अनन्त जीवन ङिही, ते जानु मैं इन्सान चा पूत ङिही। कांकि ब़ा नरीकारा ने आपणी छाप माये उपर लाली।”

यूहन्‍ना 7:31

बल्ति वी भीड़ महु घणे सारा ने ओचे उपर विश्‍वास करला। ते बन्दी किहुं लाग़ले, “मसीह जिसे बेले आवी, का ऐकनु ज्यादा अचम्भे चे चैन्ह ङिखाणी जको ऐणे ङिखाणले?”

यूहन्‍ना 9:33

अगर ऊं बन्दे नरीकारा ची तरफा कनु ना हुवीया, तां कोच्छ वी ना कर सग़ीया।”

प्रेरितां चे काम 13:16

बल्ति पौलुस ने भिले रेहती कर ते हाथा लारे इशारा करते हुले। केहले कि, “हे इस्राएली, ते नरीकारा कनु ङरणे आले, सुणा।

प्रेरितां चे काम 14:27

ओठे पुज़ती कर वाणे कलीसिया नु भेले करले ते वानु बावड़ले कि, “नरीकारा ने अम्चे लारे हुती कर किसड़ी बङी-बङी कामे करली, ते नेरीया जातिया चे वास्ते विश्‍वास चे दरवाजे खोलती नाखले।”

प्रेरितां चे काम 2:19

मैं आसमाना चे उपर अदभोत काम ते धरती उपर चैन्ह यानिकि लुहीं ते जाखते ते धूंऐ चा बदल ङिखाणी।

प्रेरितां चे काम 2:43

प्रेरितां चे जरिये करली गेली अचम्भे ची कामे ते अचम्भे चे चैन्ह ङेखती कर वे बन्दी हैरान हुती गेली।

प्रेरितां चे काम 21:28

“हे इस्राएली, अम्ची सहायता करा, ईं ऊंही इन्सान छै, जको लौका नु, ते व्यवस्था चे नियम नु ते ऐ मन्दरा चे विरोध मां शिक्षा ङिता फिरे, ऐचे बावजूद वी ईं बन्दे यूनानिया नु वी मन्दरा मां गेहती आले, हमा हा पवित्र मन्दर अपवित्र हुती गेला।”

प्रेरितां चे काम 22:8

“मैं उत्तर ङिला, ‘हे प्रभु, तु कूण छी?’ “ओणे केहले, ‘मैं ईशु नासरी छै, जानु तु सतावी पला।’

प्रेरितां चे काम 24:5

“पर ईं बन्दे अम्चे वास्ते वास्तव मां ङोख ङेणे आले साबित हुवे पले, ईं हेक इसड़े बन्दे छै, जको सारी दुनिया चे यहूदिया चे बीच मां फूट नाखे पले ते हा हेक नासरीया चे कुपंथ चा मुखिया वी छै।

प्रेरितां चे काम 26:26

जाये सामणे मैं बेधड़क हुती कर ब़ोले पला, यां बाता नु राजा अग्रिप्पा वी जाणे, ते मनु विश्‍वास छै, कि यां बाता महु कुई वी बात ओकनु लुकली कोनी पली, कांकि वा घटना तां कुई कूणे मां कोनी हुली।

प्रेरितां चे काम 26:9

“मैं वी समझले हुते कि ईशु नासरी चे नांवा चे विरोध मां मनु ब़ोहत कोच्छ करने चाही छै।

प्रेरितां चे काम 3:12

ईं ङेखती कर पतरस ने लौका नु केहले, “हे इस्राएली, तम्ही ऐ बन्दे उपर कां हैरान हुवा पले? ते अम्चे सनु कां यूं करती कर ङेखा पले, कि मना अम्ही आपणी ताकती जा भग़ती लारे ऐनू चलणे फिरणे चे लायक बणाती ङिले?

प्रेरितां चे काम 3:6

बल्ति पतरस ने केहले, “चान्दी ते सोने माये कनु छै कोनी, पर जको माये कनु छै ऊं मैं तनु ङिये पला। ईशु मसीह नासरी चे नांवा कनु टोर-फेर।”

प्रेरितां चे काम 4:10

तां तम्ही सारे इस्राएली लौक जाणती गिहा कि ईशु मसीह नासरी चे नांवा लारे जानु तम्ही क्रूसा उपर चढ़ाले, ते नरीकारा ने मरले आला महु जिवाले, ईं बन्दे तम्चे सामणे भले चंगे भिले ले।

प्रेरितां चे काम 5:35

बल्ति वानु केहले, “हे इस्राएली जको बाता यां बन्दा लारे करना चाहवा, सोचती समझती करजा।

प्रेरितां चे काम 6:14

कांकि अम्ही ओनु ईं केहते हुले सुणले, कि हाओ ईशु नासरी ऐ मन्दरा नु ढाती नाखी ते वां रीता नु बदलती नाखी जको मूसा ने अम्हानु ङिलीया।”

2 कुरिन्थियां 12:12

हेक सच्‍चे प्रेरित चा सुभाव किवें रिहे वे, यूंही मैं तम्चे बीच मां सब्रा लारे रेहती कर, चैन्ह नु, अचम्भे चे कामा नु, ते सामर्थ चे कामा लारे ङिखाणले।

इब्रानियां 2:4

ओचे अलावा नरीकारा ने वी चैन्ह, चमत्कार ते अलग़-अलग़ अदभोत कामा चे जरिये ते पवित्र आत्मा चे वरदाना चे जरिये जको ओची इच्छा चे अनुसार अम्हानु ङिले गेले हुते, ऐची ग़वाही ङिता रेहला।