प्रेरितां चे काम 19:29 - ओङ राजपूत

²⁹ ते सारे शहरा मां बङी हलचल मचती गेली ते लौका ने गयुस ते अरिस्तर्खुस, मकिदुनिया कनु आले जको पौलुस चे लारे रेहणे आला बन्दा नु पकड़ती गेले, ते सारा नु हेक रंगशाला मां गेहती गेले।

प्रेरितां चे काम 19:29 ပူးပေါင်းရင်းမြစ်များ

प्रेरितां चे काम 13:5

ते सलमीस शहरा मां पुज़ती कर, नरीकारा चा वचन यहूदिया चे प्राथनाघरा मां सुणाला ते यूहन्‍ना वांचा सेवक हुता।

प्रेरितां चे काम 16:12

ते उठु कनु अम्ही फिलिप्पी शहर पुज़ले, जको मकिदुनिया इलाके चा खास शहर छै, ते जको रोमियां ची बस्ती छै, ते अम्ही ओ शहरा मां कोच्छ ङिहां तक रेहले।

प्रेरितां चे काम 16:9

ओठे राती नु पौलुस ने हेके खाबा मां ङेखले कि हेक मकिदुनिया इलाके चा हेक जवान भिला आला, ओकनु हा विनती करे पला कि, “मकिदुनिया मां आती कर अम्ची सहायता कर।”

प्रेरितां चे काम 17:8

जिसे बेले भीड़ ने ते शहर चे हाकिमा ने ईं सुणले तां वे भड़कती गेले।

प्रेरितां चे काम 19:21

जिसे बेले ये बाता हुती चुकलीया, ते पौलुस ने आत्मा मां ईं ठानले कि मकिदुनिया ते अखाया कनु हुती कर यरुशलेम सनु जाये, ते केहले, “ओठे जाणे चे बाद मनु रोम नु वी ङेखणे जरुरी छै।”

प्रेरितां चे काम 19:22

ऐवास्ते आपणी सेवा करने आला महु तीमुथियुस ते इरास्तुस नु मकिदुनिया मां भेज़ती कर आप कोच्छ ङिहें एशिया मां रेहती गेला।

प्रेरितां चे काम 19:32

ओठे कुई कोच्छ रौल मचाते ते कुई कोच्छ। कांकि सभा मां बङी गड़बड़ी हुवे पलती, ते ब़ोहत से लौक तां ईं जाणते वी ना कि अम्ही के वास्ते भेले हुले।

प्रेरितां चे काम 20:34

तम्ही आप खौद्द ही जाणा कि माये यां हाथा ने माई ते माये साथीया ची जरुरता नु पुरे करले।

प्रेरितां चे काम 20:4

बिरीया चे पुरूर्स चा पूत सोपत्रुस, ते थिस्सलुनीकियां शहरा चे अरिस्तर्खुस, ते सिकुन्दुस, ते दरबे गयुस ते तीमुथियुस आसीया चा तुखिकुस, ते त्रुफिमुस आसीया तक ओचे लारे टुरती पले।

प्रेरितां चे काम 21:30

सारे शहरा मां अफरा-तफरी मचती गेली ते लौका ने द्रोड़ती कर पौलुस नु पकड़ती गेले, ते मन्दरा कनु ओनु घींसती आले, ते ओही बेले मन्दरा चे दरवाजे बन्द करती नाखले।

प्रेरितां चे काम 21:38

ऐचा मतलब हा छै का तु ओ मिस्री कोनी, जेह्णे कोच्छ ङिहें पेहले विद्रोह करती ङिलता ला, ते चार हजार आतंकवादिया नु अगवा कराती कर बरब्यान मां गेहती गेला हुता?”

प्रेरितां चे काम 27:2

अम्ही सारे जणे अद्रमुतियुम शहर चे हेक पाणीया आले जहाजा उपर चढ़ले, जको एशिया इलाके चे समुन्दर चे किनारे लारे जको शहर हुते वांचे लारे हुती कर जाणे आला हुता। ते अम्चा सफर शुरु हुला, ते अरिस्तर्खुस वी अम्चे लारे सफर करने आला यात्री हुता, ते जको मकिदुनिया प्रदेस चे थिस्सलुनिके शहर चा रेहणे आला हुता।

रोमियां 16:23

गयुस जको माई ते कलीसिया चा अतिथि-सत्कार करने आला छै ओचा तम्हानु नमस्कार। इरास्तुस जको शहरा चा भण्डारी छै, ते भऊ क्वारतुस चा तम्हानु नमस्कार।

1 कुरिन्थियां 1:14

मैं नरीकारा चा शुक्र करे, कि क्रिस्पुस ते गयुस नु छोड़ती कर मैं तम्हा महु कानु वी बपतिस्मा कोनी ङिला।

1 कुरिन्थियां 4:9

मनु यूं लाग़े पले कि नरीकारा ने अम्हा प्रेरितां नु विजय-यात्रा मां मौत चा ङण्ड मिड़ले आले इन्साना आलीकर सबकनु आखरी जग़हा मां राखले। अम्ही सारी सृष्टि, स्वर्ग़दूता ते इन्साना चे सामणे तमाशा बणती गेले।

2 कुरिन्थियां 8:19

ते इतने ही कोनी, पर ओ कलीसिया चे जरिये ठहराला वी गेला कि ये दान चे कामा वास्ते अम्चे लारे जाओ ते अम्ही हा सेवा ऐवास्ते करु, कि प्रभु ची महिमा ते अम्चे मना ची तियारी प्रकट हुती जाओ।

कुलुस्सियां 4:10

अरिस्तर्खुस जको माये लारे कैदी छै, ते मरकुस जको बरनबास चा भऊ लाग़े वांचा ङुंहु चा तम्हानु नमस्कार। मरकुस जाये बारे मां तम्हानु आज्ञा मिड़ली हुती कि अगर ओ तम्चे गोढु आती जाये, तां ओची आच्छी इज्जत करजा

फिलेमोन 1:24

माये साथी कार्यकर्ता, मरकुस, अरिस्तर्खुस, देमास, ते लूका चा तम्हानु नमस्कार किही।

3 यूहन्‍ना 1:1

मैं यहून्‍ना, कलीसिया चा अग़ुवा हा चिठ्ठी प्यारे गयुस चे नांवे लिखे पला, जाये लारे मैं सच्‍चा प्रेम राखे।