प्रेरितां चे काम 19:22 - ओङ राजपूत

²² ऐवास्ते आपणी सेवा करने आला महु तीमुथियुस ते इरास्तुस नु मकिदुनिया मां भेज़ती कर आप कोच्छ ङिहें एशिया मां रेहती गेला।

प्रेरितां चे काम 19:22 ပူးပေါင်းရင်းမြစ်များ

प्रेरितां चे काम 13:5

ते सलमीस शहरा मां पुज़ती कर, नरीकारा चा वचन यहूदिया चे प्राथनाघरा मां सुणाला ते यूहन्‍ना वांचा सेवक हुता।

प्रेरितां चे काम 16:1

बल्ति पौलुस दिरबे कनु हुती लुस्त्रा शहरा मां वी गेला, ते ओठे हेक तीमुथियुस नांवा चा चैला हुता। ओची आई यहूदी हुती ते विश्‍वास करने आली हुती, पर ओचा ब़ा यूनानी हुता।

प्रेरितां चे काम 16:3

पौलुस ची इच्छा हुती कि तीमुथियुस ओचे लारे चालो, ते जको यहूदी लौक ओ इलाके मां रेहते, वांची वजह कनु पौलुस ने तीमुथियुस चा खतना करला, कांकि वे सब जाणते कि ओचा ब़ा यूनानी छै।

प्रेरितां चे काम 18:5

जिसे बेले मकिदुनिया कनु सीलास ते तीमुथियुस आले, ते पौलुस पूरा समय वचन सुणावणे ची धोन्‍न मां लाग़ती कर यहूदी लौका नु हा ग़वाही ङिता कि ईशु ही मसीह छै।

प्रेरितां चे काम 19:10

ङोन साला तक यूंही हुते रेहले, इठे तक कि एशिया प्रदेस चे रेहणे आले का यहूदी, का यूनानी सारा ने प्रभु चा वचन सुणती गेहला।

प्रेरितां चे काम 19:21

जिसे बेले ये बाता हुती चुकलीया, ते पौलुस ने आत्मा मां ईं ठानले कि मकिदुनिया ते अखाया कनु हुती कर यरुशलेम सनु जाये, ते केहले, “ओठे जाणे चे बाद मनु रोम नु वी ङेखणे जरुरी छै।”

प्रेरितां चे काम 19:29

ते सारे शहरा मां बङी हलचल मचती गेली ते लौका ने गयुस ते अरिस्तर्खुस, मकिदुनिया कनु आले जको पौलुस चे लारे रेहणे आला बन्दा नु पकड़ती गेले, ते सारा नु हेक रंगशाला मां गेहती गेले।

प्रेरितां चे काम 20:1

जिसे बेले हुल्‍लड़ खत्तम हुती गेला तां पौलुस ने चैला नु हकरवाती कर समझाले, ते वांचे कनु विदा हुती कर मकिदुनिया सनु चाह्‍ला गेला।

प्रेरितां चे काम 20:34

तम्ही आप खौद्द ही जाणा कि माये यां हाथा ने माई ते माये साथीया ची जरुरता नु पुरे करले।

रोमियां 16:23

गयुस जको माई ते कलीसिया चा अतिथि-सत्कार करने आला छै ओचा तम्हानु नमस्कार। इरास्तुस जको शहरा चा भण्डारी छै, ते भऊ क्वारतुस चा तम्हानु नमस्कार।

2 कुरिन्थियां 1:16

ते तम्चे गोढु हुती कर मैं मकिदुनिया सनु जाये, ते मकिदुनिया कनु आते बेले तम्चे गोढु आवे ते तम्ही मनु यहूदिया प्रदेस सनु कोच्छ दूरी तक पुचावा।

2 कुरिन्थियां 11:9

ते जब मैं तम्चे लारे हुता, ते मनु कमी पेशी हुली तां मैं काये उपर बोझ कोनी नाखला, कांकि भावां ने मकिदुनिया कनु आती कर माई जरुरता नु पुरे करले। मैं हर बाते मां आपणे आप नु तम्चे उपर बोझ हुवणे कनु रोकले, ते रोकली वी रिही।

2 कुरिन्थियां 2:13

ते माये मना मां चैन कोनी मिड़ला, कांकि मैं आपणे भऊ तीतुस नु कोनी ङेखले। ऐवास्ते मैं उठले लौका कनु विदा हुती कर मकिदुनिया प्रदेस सनु चाह्‍ला गेला।

2 कुरिन्थियां 8:1

हमा हे माये भऊ, अम्ही तम्हानु नरीकारा चे ओ अनुग्रह चा समाचार ङिऊं पले, जको मकिदुनिया चीया कलीसिया चे उपर हुले।

2 कुरिन्थियां 8:19

ते इतने ही कोनी, पर ओ कलीसिया चे जरिये ठहराला वी गेला कि ये दान चे कामा वास्ते अम्चे लारे जाओ ते अम्ही हा सेवा ऐवास्ते करु, कि प्रभु ची महिमा ते अम्चे मना ची तियारी प्रकट हुती जाओ।

1 थिस्सलुनीकियां 1:8

कांकि तम्चे इठु ना बल्कि मकिदुनिया ते अखया मां प्रभु चा वचन सुणाला गेला, पर तम्चे विश्‍वास ची जको नरीकारा उपर छै, ऐवास्ते हर जग़हा इसड़ी चर्चा फैलती गेली। कि अम्हानु केहणे ची जरुरत कोनी।

2 तीमुथियुस 4:20

इरास्तुस कुरिन्थुस शहर मां रेहती गेला, ते त्रुफिमुस नु मैं मिलेतुस शहर मां बिमार हुवणे ची वजह कनु छोड़ले।