प्रेरितां चे काम 19:17 - ओङ राजपूत

¹⁷ ते हा बात इफिसुस शहरा चे रेहणे आले यहूदी ते यूनानी वी सारे जाणती गेले, ते वांचे सारा उपर हा ङर पड़ती गेला, ते प्रभु ईशु चे नांवा ची बढ़ाई हुली।

प्रेरितां चे काम 19:17 ပူးပေါင်းရင်းမြစ်များ

लूका 1:65

ओचे आस-पास चे रेहणे आला उपर ङर छात्ती गेला वा सारीया बाता ची चर्चा पुरे यहूदिया चे सारे पहाड़ी देशा मां फैलती गेली।

लूका 7:16

ऐचे लारे सारा नु ङर पड़ती गेला, वे नरीकारा ची बढ़ाई करती कर किहुं लाग़ले, “अम्चे बीच मां हेक बङी भविष्यवाणी करने आला उजागर हुला, नरीकारा ने आपणे लौका उपर दया करली।”

प्रेरितां चे काम 13:12

बल्ति हाकिम ने जको कोच्छ हुले हुते, ङेखती कर ते प्रभु चे उपदेश कनु हैरान हुती कर विश्‍वास करला।

प्रेरितां चे काम 18:19

ते इफिसुस शहरा मां पुज़ती कर वानु उठी छोड़ती ङिले, ते आप खौद्द जती कर प्राथनाघरा मां यहूदिया लारे बहस-बाजी करु लाग़ती गेला।

प्रेरितां चे काम 18:21

पर ईं केहती कर वांचे कनु विदा हुला कि, “अगर नरीकार चाहवी तां मैं तम्चे गोढु दुबारा आवी।” ते बल्ति ओ इफिसुस शहर छोड़ती कर पाणीया आले जहाजा मां ब़ेसती कर चाह्‍ला गेला।

प्रेरितां चे काम 19:1

जिसे बेले अपुल्‍लोस कुरिन्थुस शहर मां हुता, ते पौलुस सारे प्रदेसा महु हुती कर इफिसुस शहर मां आला ते ओठे कोच्छ चैले मिड़ले।

प्रेरितां चे काम 19:16

ते ओ बन्दे ने जाये मां दुष्टात्मा हुती, वांचे उपर झपटा मारती कर वानु सारा नु आपणे वशा मां करती कर वांची इसड़ी कुटाई करली कि वे ओ घरा कनु उघाड़े ते जखमी हुती कर द्रोड़ले।

प्रेरितां चे काम 19:18

ते जिसा बन्दा ने विश्‍वास करला हुता, वांचे महु घणा सारा ने आपणे आपणे गन्दा कामा नु मनती गेले ते उजागर करले।

प्रेरितां चे काम 2:43

प्रेरितां चे जरिये करली गेली अचम्भे ची कामे ते अचम्भे चे चैन्ह ङेखती कर वे बन्दी हैरान हुती गेली।

प्रेरितां चे काम 5:11

ते सारे विश्‍वासी, ते जितने ये बाते नु सुणने आले लौका उपर ङर पड़ती गेला।

प्रेरितां चे काम 5:13

पर नेरा लौका महु काई वी हा हिम्मत ना हुती कि ओठे जती कर वांचे मां मिलु जती, पर फेर वी लौक वांची बढ़ाई करते रेहते।

प्रेरितां चे काम 5:5

हा बात सुणते ही हनन्याह ढेती पला ते मरला गेला। ते सारे लौक ये बाते नु सुणती कर घणी ङरती गेली।

फिलिप्पियां 1:20

मैं तां हाओ दिला ची लालसा ते आस राखे कि मैं कुई बाते मां शर्मिन्दा ना हुवे, पर जिंवे माई बङी हिम्मत चे जरिये मसीह ची बढ़ाई माये शरीरा चे जरिये सदा हुती रेहली, यूंही हमा वी हो, चाहे मैं जीता रिहे जा मरती जाये।

2 थिस्सलुनीकियां 1:12

कि अम्चे नरीकार ते प्रभु ईशु मसीही चे अनुग्रह चे अनुसार अम्चे प्रभु ईशु चे नां तम्चे मां महिमा पाओ, ते तम्ही ओचे मां।

2 थिस्सलुनीकियां 3:1

ऐवास्ते, ओ माये भऊ ते ब़ेहणीया, अम्चे वास्ते प्राथना करले करा, कि प्रभु चा वचन इसड़ा खुलती कर फेलो, ते महिमा पा सग़ु, जिसड़े तम्चे मां हुले,