प्रेरितां चे काम 19:16 - ओङ राजपूत

¹⁶ ते ओ बन्दे ने जाये मां दुष्टात्मा हुती, वांचे उपर झपटा मारती कर वानु सारा नु आपणे वशा मां करती कर वांची इसड़ी कुटाई करली कि वे ओ घरा कनु उघाड़े ते जखमी हुती कर द्रोड़ले।

प्रेरितां चे काम 19:16 ပူးပေါင်းရင်းမြစ်များ

मरकुस 5:15

ईशु चे गोढु आती कर वे ओनु जाये मां दुष्टात्मा हुतीया, यानि जाये मां सैना समाली हुती, ओढ़णी घाले ते होशा ब़ेहले ङेखती कर ङरती गेले।

लूका 8:29

कांकि ईशु वे वा अशुद्ध आत्मा नु ओह बन्दे महु निकलणे ची आज्ञा ङिये पलता, ऐवास्ते कि वे ओचे उपर बार-बार जोर ङिये पलती, ते अगर लौक ओनु संगला ते ब़ेड़ीया लारे ब़ांथी नाखते, तां वी ओ बन्धन नु तरोड़ती नाखता, ते दुष्टात्मा ओनु बरब्याना भरमाली फिरती।

लूका 8:35

लौक ईं जको हुले हुते ओनु ङेखणे वास्ते निकड़ले, ते ईशु चे गोढु आती कर जिसे बन्दे महु दुष्टात्मा निकड़लीया हुतीया, ओनु ईशु चे पग़्ग़ा चे गोढु ओढ़णी घाले ते होशा ब़ेहले ङेखती कर ङरती गेले,

प्रेरितां चे काम 19:15

हेक ङिओ दुष्टात्मा ने वानु केहले, “ईशु नु मैं जाणे, ते पौलुस नु वी पिछाणे, पर तम्ही कूण छिवा?”

प्रेरितां चे काम 19:17

ते हा बात इफिसुस शहरा चे रेहणे आले यहूदी ते यूनानी वी सारे जाणती गेले, ते वांचे सारा उपर हा ङर पड़ती गेला, ते प्रभु ईशु चे नांवा ची बढ़ाई हुली।

प्रेरितां चे काम 3:8

ते ओ उछलती कर खड़ा हुती गेला, ते टुरु फिरु लाग़ला ते उछलता कूदता ते नरीकारा ची महिमा करता वांचे लारे मन्दरा चे बेहड़े मां गेला।

2 पतरस 2:19

वे वानु आजाद करने चा वायदा तां करी पर आप ही सड़ाहट चे गुलाम छी, कांकि जको बन्दे जाकनु हारती गेले, ऊं ओचे गुलाम बणती जाये।