प्रेरितां चे काम 18:7 - ओङ राजपूत

⁷ बल्ति पौलुस यहूदी प्राथनाघरा कनु टुरती पला, ते तीतुस यूस्तुस नांवा चे बन्दे चे घरा मां आला, जको नरीकारा उपर विश्‍वास राखता, जाये घर यहूदी प्राथनाघरा चे गोढु हुते।

प्रेरितां चे काम 18:7 ပူးပေါင်းရင်းမြစ်များ

यूहन्‍ना 9:31

अम्हानु पता छै कि नरीकार पापीया ची ना सुणी। अगर कुई नरीकारा चा भग़त हो ते ओची मर्जी उपर चले तां ओ ओची सुणे।

प्रेरितां चे काम 10:2

ओ नरीकारा चा भग़त हुता, ते आपणे सारे घराणे समेत नरीकारा कनु ङरता, ते यहूदी गरीब लौका नु बङा दान ङिता, ते लगातार नरीकारा कनु प्राथना करता रेहता।

प्रेरितां चे काम 10:22

वाणे केहले, “कुरनेलियुस सूबेदार जको धर्मी ते नरीकारा कनु ङरणे आला ते सारी यहूदी जाति मां मनले आले बन्दे छै, ओणे हेक पवित्र स्वर्ग़दूता कनु हा आदेश गेहला, कि तनु आपणे घरे हकारती कर दुधे कनु उपदेश सुणो।”

प्रेरितां चे काम 13:42

जब पौलुस ते बरनबास यहूदी प्राथनाघरा चे ब़ाहरु जते बेले लौक वांचे कनु विनती करु लाग़ले कि, “आग़ले सब्त चे ङिओ ये बाता अम्हानु बल्ति सुणलीया जाओ।”

प्रेरितां चे काम 13:43

ते जिसे बेले प्राथनाघरा मां सभा खत्तम हुती गेली ते यहूदी ते यहूदी मत्त महु आले हुले भग़ता महु ब़ोहत से पौलुस ते बरनबास चे भांसु टुरती पले, ते वाणे बाता करती कर वानु समझाले, कि नरीकारा चे अनुग्रह मां बणले रिहा।

प्रेरितां चे काम 13:50

पर यहूदिया ने शहरा चा भलीया, ऊंचे कोल्‍ल चीया असतरीया नु ते शहरा चा खास बन्दा नु भड़काती नाखले, ते पौलुस ते बरनबास उपर दोष लवाती कर वानु आपणी हद्दी कनु ब़ाहरु कढ़वाती छोड़ले।

प्रेरितां चे काम 16:14

लुदिया नांवा ची थुआथीरा शहरा ची हेक असतरी प्रभु उपर विश्‍वास राखणे आली हुती। वा मंहगी बैंजनी रंगा ची ओढ़णी बेचणे आली हुती वा बङे ध्यान लारे अम्चीया बाता सुणे पलती। प्रभु ने विचे मना चे दरवाजे खोलती ङिले ताकि, जको कोच्छ पौलुस किहे पलता, वा बाता नु ध्यानारीत सुणो।

प्रेरितां चे काम 17:4

वांचे महु कईयां ने, ते नरीकारा कनु ङरणे अणगिणत यूनानी बन्दी, ते ऊंचे कोल्‍ल चा असतरीया ने वी मनती गेले, पौलुस ते सीलास लारे मिलती गेले।

कुलुस्सियां 4:11

ते ईशु जको यूस्तुस किहवावे, तम्हानु नमस्कार किहे पला। खतना करले आले लौका महु सेर्फ येही नरीकारा चे राज़ चे वास्ते माये लारे काम करने आले ते माई शान्ति ची वजह रेहले।