प्रेरितां चे काम 18:6 - ओङ राजपूत

⁶ जिसे बेले वाणे ओचा विरोध करला ते ओची निन्दा करली, ते पौलुस ने आपणी ओढ़णी झाड़ती कर वानु केहले कि, “तम्चे लुहीं तम्चे ही ठोङा उपर ही हो! मैं तां निर्दोष छै। हमा मैं नेरीया जातिया चे गोढु जई।”

प्रेरितां चे काम 18:6 ပူးပေါင်းရင်းမြစ်များ

मत्ती 10:14

ते जको कुई तम्हानु ग्रहण ना करो ते तम्ची ना सुणो, ओ घरा महु जा शहरा महु निकलते हुले आपणे पग़्ग़ा ची धूड़ झाड़ती नाखा,

मत्ती 21:41

वाणे ईशु नु केहले, “ओ वां बुरे लौका नु बुरी तरावें नाश करी, ते अंगूरा ची बाड़ी चा ठेका ङुजे जमींदारा नु ङिही जती, जको समय उपर ओनु फल ङिले करे।”

मत्ती 21:43

“ऐवास्ते मैं तम्हानु किहे पला कि नरीकारा चा राज़ तम्चे बीच महु ही गेहला जई, ते इसड़ी जाति नु जको ओचा फल आणे, ङिला जई।

मत्ती 22:10

तां वां दासा ने सड़का उपर जती कर का बुरे, का भले, जितने मिड़ले, सारा नु भेले करले, ते बीहा आले घर मेहमाना लारे भरीती गेले।

मत्ती 27:25

सब लौका ने उत्तर ङिला, “ऐचे लुहीं अम्चे उपर ते अम्ची ऊलाद्धी उपर हो!”

मत्ती 8:11

ते मैं तम्हानु किहे पला कि पूरब ते पक्षिम कनु ब़ोहत से लौक आती कर अब्राहम ते इसहाक ते याकूब चे लारे स्वर्ग़ चे राज़ मां ब़ेसे।

लूका 22:65

ते वाणे ब़ोहत सारीया नेरीया वी निन्दा चा बाता ओचे विरोध मां केहलीया।

लूका 9:5

जको कुई तम्हानु ग्रहण ना करो, ओ शहरा महु निकलते हुले आपणे पग़्ग़ा ची धूड़ झाड़ती नाखा, कि वांचे उपर ग़वाही हो।”

प्रेरितां चे काम 13:51

बल्ति पौलुस ते बरनबास वांचे सामणे आपणे पग़्ग़ा ची धूड़ झाड़ती कर इकुनियुम शहरा नु चाह्‍ले गेले।

प्रेरितां चे काम 26:11

ते हर हेक प्राथनाघरा मां जती कर मैं वानु ङण्ड ङिता, ते मसीह ईशु चे नांवा ची निन्दा करवाता, इठे तक कि गुस्से मां मैं पाग़ल हुती गेलता ते ब़ाहरु नेरा शहरा मां जती कर वानु वी सताऊं लाग़ला।

प्रेरितां चे काम 26:20

बल्ति मैं सबकनु पेहले दमिश्क शहरा मां, ते ऐचे बाद यरुशलेम मां रेहणे आला नु, ते सारे यहूदिया प्रदेस मां, ते नेरीया जातिया नु समझाता रेहला, कि मन फिरावा ते नरीकारा सनु फिरती कर मन फिराव चे लायक काम करा।

प्रेरितां चे काम 28:28

“ऐवास्ते ईं सही छै कि तम्हानु पता लाग़ती जाओ कि नरीकारा चा हा उद्धार हमा नेरीया जातिया चे वास्ते वी मौजुद छै, वे वी ऐनू मने।”

रोमियां 3:29

का नरीकार सेर्फ यहूदिया चा ही छै? का नेरीया जातिया चा कोनी? हव्वे, नेरीया जातिया चा वी छै।

1 तीमुथियुस 5:22

कलीसिया चा अग़ुवा बणावणे चे वास्ते काये उपर तुरन्त हाथ ना मेहलजा। ङुजा चे पापा मां भाग़ी ना हुजा। आपणे आप नु पवित्र बणाती राखा।

2 तीमुथियुस 2:25

ते विरोधीया नु नरमाई लारे समझाओ, का पता नरीकार वानु मन फिरावणे चे वास्ते मन ङियो, कि वे सच्‍चाई नु पिछाणो।

1 पतरस 4:14

अगर तम्ची मसीही चे नांवा उपर बेकदरी हुवे, तां वे बेकदरी नु सहन करती गिहा कांकि तम्ही धन्‍न छिवा। कांकि महिमा ची आत्मा, जको नरीकारा चा आत्मा छै तम्चे मां वास करे।

1 पतरस 4:4

ऐचे कनु वे हैरान हुवी कि तम्ही इसड़े भारी लोचपण मां वांचा साथ ना ङिया, ते ऐवास्ते वे बुरे-भले किही।