प्रेरितां चे काम 18:21 - ओङ राजपूत

²¹ पर ईं केहती कर वांचे कनु विदा हुला कि, “अगर नरीकार चाहवी तां मैं तम्चे गोढु दुबारा आवी।” ते बल्ति ओ इफिसुस शहर छोड़ती कर पाणीया आले जहाजा मां ब़ेसती कर चाह्‍ला गेला।

प्रेरितां चे काम 18:21 ပူးပေါင်းရင်းမြစ်များ

मत्ती 26:39

बल्ति ओ थोड़ा नेरा उग़ते बधती कर मुँहा चे भराणे ढेला, ते हा प्राथना करली, “हे माया ब़ा, अगर हो सग़े तां हा मुंगर माये कनु टलती जाओ, तां वी जिसड़े मैं चाहवे उसड़े ना, पर जको तु चाहवी उसड़े ही हो।”

मरकुस 6:46

वानु विदा करती कर ओ पहाड़ा उपर प्राथना करने वास्ते गेला

लूका 9:61

हेके नेरे ने वी केहले, “हे प्रभु मैं दुधे भांसु आवणे चाहवे, पर पेहले मनु जऊं ङे कि मैं आपणे घरा चे लौका कनु विदा गेहती आवे।”

प्रेरितां चे काम 15:29

मूर्तिया उपर चढ़ले आले खाणे तम्हानु नी खाणे चाही छै। ते आपणे आप नु व्यभिचार कनु बचाली राखा। गिच्‍ची घुटले आली मवेशी चा मांस खाणे कनु दूर रिहो ते वांचे लुहीं ना पीयो। यां बाता कनु दूर रिहा तां तम्चे भले हुवी। नरीकार तम्चे भले करो।”

प्रेरितां चे काम 18:19

ते इफिसुस शहरा मां पुज़ती कर वानु उठी छोड़ती ङिले, ते आप खौद्द जती कर प्राथनाघरा मां यहूदिया लारे बहस-बाजी करु लाग़ती गेला।

प्रेरितां चे काम 18:20

जिसे बेले वा बन्दा ने ओचे कनु विनती करली कि, “कोच्छ नेरी ङिहें इठे रेह।” पर पौलुस राजी कोनी हुला।

प्रेरितां चे काम 18:24

अपुल्‍लोस नांवा चा हेक यहूदी जाया जनम सिकन्दरिया मां हुला तां जको विद्वान मर्द हुता ते जानु पवित्रशास्त्र चा बङा ज्ञान हुता। ओ इफिसुस मां आला।

प्रेरितां चे काम 19:1

जिसे बेले अपुल्‍लोस कुरिन्थुस शहर मां हुता, ते पौलुस सारे प्रदेसा महु हुती कर इफिसुस शहर मां आला ते ओठे कोच्छ चैले मिड़ले।

प्रेरितां चे काम 19:17

ते हा बात इफिसुस शहरा चे रेहणे आले यहूदी ते यूनानी वी सारे जाणती गेले, ते वांचे सारा उपर हा ङर पड़ती गेला, ते प्रभु ईशु चे नांवा ची बढ़ाई हुली।

प्रेरितां चे काम 19:21

जिसे बेले ये बाता हुती चुकलीया, ते पौलुस ने आत्मा मां ईं ठानले कि मकिदुनिया ते अखाया कनु हुती कर यरुशलेम सनु जाये, ते केहले, “ओठे जाणे चे बाद मनु रोम नु वी ङेखणे जरुरी छै।”

प्रेरितां चे काम 20:16

कांकि पौलुस ने इफिसुस चे गोढु हुती ते जाणे ची ठानली, कि कङी इसड़े ना हो, कि ओनु आसीया इलाके मां देर लाग़ो, कांकि ओ जल्दी मां हुता, कि अगर हो सग़े, ते ओ पिन्तेकुस्त चे ङिओ यरुशलेम मां रिहो।

प्रेरितां चे काम 21:14

जिसे बेले ओणे कोनी मनले तां अम्ही हाओ केहती कर चोप हुती गेले कि, “प्रभु ची ही इच्छा पुरी हो।”

प्रेरितां चे काम 21:29

वाणे ईं ऐवास्ते केहले कि पेहले, इफिसुस शहरा चा बसन्दा त्रुफिमुस नु ओचे लारे शहरा मां ङेखती गेले हुते, ते वाणे समझले कि पौलुस ओनु आपणे लारे मन्दरा मां गेहती आला।

रोमियां 1:10

आपणी प्राथना मां लगातार ते विनती करता रिहे, कि किसी रीति लारे हमा वी तम्चे गोढु आणे कनु, माया सफर नरीकारा ची इच्छा लारे सफल हो।

रोमियां 15:32

तां मैं नरीकारा ची इच्छा लारे तम्चे गोढु खुशी लारे आती कर तम्चे लारे आराम कर सग़े।

1 कुरिन्थियां 15:32

इफिसुस शहरा चे लौक माये लारे जंगली ढौरा आलीकर भिड़ले तां मनु ऐचा का फायदा हुला? अगर मरले आले जीते ना करले जईया, तां जिंवे कोच्छ लौका चे केहणे छै कि, “आवा अम्ही खऊं पीऊं कांकि सुवारे तां अम्हानु मरती ही जाणे।”

1 कुरिन्थियां 16:7

मैं ना चाहवी कि तम्हानु सेर्फ चलते-चलते मिले, पर माई आस छै कि अगर प्रभु ने चाह्‍ले तां कोच्छ समय तक मैं तम्चे लारे रिही।

1 कुरिन्थियां 16:8

पर मैं पिन्तेकुस्त तेंहवारा तक इठी इफिसुस शहरा मां ही रिही।

1 कुरिन्थियां 4:19

अगर प्रभु ने चाह्‍ले तां मैं जल्दी ही तम्चे गोढु आवा, ते वां फुंडले आला चीया बाता नु ही ना पर वांची ताकत नु वी जाणती गिही।

2 कुरिन्थियां 13:11

हमा, हे माये भऊ, तम्ही खौश रिहा। सेद्ध बणते जावा, तसल्‍ली राखा, हेक मन राखा, मेल-मिलाप लारे रिहा, ते प्रेम ते शान्ति चा दाता नरीकार तम्चे लारे रिही।

इफिसियां 1:1

पौलुस चे तरफु जको नरीकारा ची इच्छा लारे ईशु मसीह चा प्रेरित छै, वां पवित्र ते मसीह ईशु मां विश्‍वासी लौका चे नांवे जको इफिसुस शहरा मां छी।

इब्रानियां 6:3

ते अगर नरीकारा ने चाह्‍ले तां अम्ही इसड़े ही करु।

याकूब 4:15

ऐची जग़हा उपर तम्हानु हा केहणे चाही छै कि, “अगर प्रभु चाहवी तां अम्ही जीते रिहुं, ते ईं जा ते बल्ति ऊं काम वी करु।”

1 पतरस 3:17

कांकि अगर नरीकारा ची हाओ इच्छा हो, कि तम्ही भलाई करने वास्ते ङोख भोग़ा, तां हा बुराई करने ची बजाय कनु ङोख भोग़णे आच्छे छै।

प्रकाशितवाक्य 1:11

“जको कोच्छ तु ङेखी पला ओनु किताबे मां लिखती कर साता कलीसिया चे नांवे भेज़ती ङे यानि इफिसुस ते स्मुरना ते पिरगमुन ते थुआतीरा ते सरदीस ते फिलदिलफिया ते लौदीकिया नु।”

प्रकाशितवाक्य 2:1

“इफिसुस ची कलीसिया चे दूता नु ईं लेख, “जको सात तारे आपणे सज़्ज़े हाथा मां गेहली फिरे ते सोने चे सात ङीवा चे जाला चे आधे मां फिरता रिहे, ओ ईं किहे पला कि,