प्रेरितां चे काम 18:12 - ओङ राजपूत

¹² जिसे बेले गल्‍लियो अखाया प्रदेस चा राज्यपाल हुता, ते ओ बेले यहूदी लौक ऐका करती कर पौलुस चे विरोध हुती गेले, ते ओनु पकड़ती कर न्यां आसण चे सामणे खड़े करती ते किहुं लाग़ले कि,

प्रेरितां चे काम 18:12 ပူးပေါင်းရင်းမြစ်များ

मत्ती 27:19

जिसे बेले पिलातुस न्यां ची गद्दी उपर ब़ेहला हुता, तां ओची घराआली ने किहवाती भेज़ले, “तु ओ धर्मीया चे मामले मां हाथ ना अड़ायो, कांकि मैं आज़ खाबा मां ओची वजह कनु ब़ोहत ङोख चले।”

यूहन्‍ना 19:13

जिसे बेले पिलातुस ने ये बाता सुणलीया, ते ओ ईशु नु ब़ाहरु वे जग़हा उपर गेहती गेला जको “पत्थर चा चबूतरा” किहवाता। ये जग़हा नु इब्रानी भाषा मां “गब्बता” केहले गेले। ते ओठे न्यां आसण उपर ब़ेहला।

प्रेरितां चे काम 13:12

बल्ति हाकिम ने जको कोच्छ हुले हुते, ङेखती कर ते प्रभु चे उपदेश कनु हैरान हुती कर विश्‍वास करला।

प्रेरितां चे काम 13:50

पर यहूदिया ने शहरा चा भलीया, ऊंचे कोल्‍ल चीया असतरीया नु ते शहरा चा खास बन्दा नु भड़काती नाखले, ते पौलुस ते बरनबास उपर दोष लवाती कर वानु आपणी हद्दी कनु ब़ाहरु कढ़वाती छोड़ले।

प्रेरितां चे काम 13:7

ओ हाकिम सिरगियुस पौलुस चे लारे हुता, जको समझदार जवान हुता। ओणे बरनबास ते पौलुस नु आपणे गोढु हकरवाती कर नरीकारा चा वचन सुणने चाहवे ला।

प्रेरितां चे काम 13:8

पर बार-यीशु जानु एलीमास जादूगर वी केहते, वांचा विरोध करता रेहला, ओची कोशिस हाकिमा नु विश्‍वास करने कनु रोकणे ची हुती।

प्रेरितां चे काम 14:19

पर कोच्छ यहूदी अन्ताकिया ते इकुनियुम शहरा कनु आती कनु लौका नु आपणे पक्ष मां करती गेले, ते पौलुस चे उपर पत्थराव करला, ते मरले आले समझती कर ओनु शहरा ब़ाहरु घींसती कर ब़ाहरु छिकती गेले।

प्रेरितां चे काम 14:2

पर जिसा यहूदी बन्दा ने विश्‍वास कोनी करला हुता, वाणे नेरीया जातिया आला बन्दा नु भड़काती नाखले ते वांचे मना मां विश्‍वासी भावां चे विरोध जहर भरती ङिला।

प्रेरितां चे काम 17:13

पर जिसे बेले थिस्सलुनिके शहरा चे यहूदिया नु पता लाग़ला कि पौलुस बिरीया मां वी नरीकारा चे वचना चा प्रचार करे पला, ते ओठे वी जती कर लौका नु भड़काऊ ते हलचल मचाऊं लाग़ले।

प्रेरितां चे काम 17:5

पर कोच्छ यहूदी गुस्से लारे भरीती गेले, ते बजारा महु कोच्छ बदमाश लौका नु भेले करती कर आपणे लारे मिलाती गेले ते भीड़ लाती कर शहर चे चौका मां हुल्‍लड़ करु लाग़ले। वाणे यासोन चे घरा मां धावा ब़ोलती ङिला, ते हा कोशिस करु लाग़ले कि कुई तरीके लारे पौलुस ते सीलास नु लौका चे सामणे आणो।

प्रेरितां चे काम 18:11

ऐवास्ते पौलुस कुरिन्थुस शहरा मां ङोढ साला तक नरीकारा चे वचना ची शिक्षा ङिता रेहला।

प्रेरितां चे काम 18:27

जिसे बेले अपुल्‍लोस ने अखाया प्रदेस सनु जाणे चाह्‍ले, ते विश्‍वासी भावां ने ओची सहायता करली ते उठले चैला ने ओचा स्वागत करने चे वास्ते चिठ्ठी लिखती कर भेज़ती ङिली कि ओचे लारे आच्छी तरावें मिलो। जब ओ ओठे पुज़ला तब ओणे लौका ची घणी सहायता करली जेह्णे नरीकारा चे अनुग्रह लारे विश्‍वास करला हुता।

प्रेरितां चे काम 19:21

जिसे बेले ये बाता हुती चुकलीया, ते पौलुस ने आत्मा मां ईं ठानले कि मकिदुनिया ते अखाया कनु हुती कर यरुशलेम सनु जाये, ते केहले, “ओठे जाणे चे बाद मनु रोम नु वी ङेखणे जरुरी छै।”

प्रेरितां चे काम 25:10

ऐचे उपर पौलुस ने केहले कि, “हमा मैं कैसर ची अदालती चे सामणे भिला ला, माये मुकदमे चा फैंसला इठी करला जाणा चाही छै। मैं यहूदिया चे कहीं वी बुरे कोनी करले, ये बाते नु तु आच्छी तरावें खौद्द वी जाणी।

रोमियां 15:26

कांकि मकिदुनिया ते अखाया प्रदेस चे लौका नु ईं आच्छे लाग़ले कि, यरुशलेम चे नरीकारा चे लौक जको कंगाल छी वांचे वास्ते कोच्छ चंद ङिहें।

रोमियां 16:5

ते वे कलीसिया नु वी नमस्कार जको वांचे घरा मां भेली हुवे। माये प्यारे इपैनितुस नु, जको मसीह चे वास्ते आसीया चा पेहला फल छै, नमस्कार।

1 कुरिन्थियां 16:15

हे माये भऊ, तम्ही स्तिफनास चे घराणे नु जाणा कि ओ अखाया प्रदेस चा पेहला फल छै, ते नरीकारा चे लौका ची सेवा वास्ते तियार रिहे।

2 कुरिन्थियां 1:1

हा चिठ्ठी पौलुस चे तरफु जको नरीकारा ची इच्छा लारे मसीह ईशु चा प्रेरित छै, ते भऊ तीमुथियुस ची ओर कनु नरीकारा ची वे कलीसिया चे नांवे लिखली गेली जको कुरिन्थुस मां छै, ते सारे अखाया प्रदेसा चे सब पवित्र लौका चे नांवे,

2 कुरिन्थियां 11:10

अगर मसीह ची सच्‍चाई माये मां छै, तां अखाया चे प्रदेसा मां कुई मनु ऐ घमण्ड कनु नी रोकी।

2 कुरिन्थियां 11:26

मैं बार-बार सफरा मां, नदीया चे जोखिमा मां, ङाकुवा चे जोखिमा मां, आपणी जाति ची वजह कनु जोखिमा मां, नेरीया जातिया ची वजह कनु जोखिमा मां, शहरा मां रेहणे आला ची वजह कनु, खतरनाक ब्याबान मां, भयानक समुन्दरा चे जोखिमा मां, कूड़े भावां चे बीच मां खतरनाक स्थिति मां रेहला।

2 कुरिन्थियां 9:2

कांकि मैं तम्चे मना ची तियारी नु जाणे, जाई वजह कनु मैं तम्चे बारे मां मकिदुनिया चे सामणे घमण्ड ङिखाणे, कि अखाया इलाके चे लौक हेक साला कनु तियार छी, ते तम्चे जोश ने घणा नु उभारले वी।

1 थिस्सलुनीकियां 2:14

ऐवास्ते कि तम्ही, हे माये भऊ ते ब़ेहणीया, नरीकारा ची वां कलीसिया ची जिसड़ी चाल चलु लाग़ले, जको यहूदिया मां मसीह ईशु मां छी, कांकि तम्ही वी आपणे लौका कनु इसड़े ही ङोख झड़ले, जिसड़े वाणे यहूदिया कनु झड़ले।

1 थिस्सलुनीकियां 2:16

ते वे नेरीया जातिया नु वांचे उद्धार वास्ते बाता करने कनु अम्हानु रोकी, नतीजा हा छै, कि वे सदा आपणे पापा चे ठां भरते रिही, पर अन्त मां तां नरीकारा चा भयानक गुस्सा वांचे उपर आती पुज़ला।

याकूब 2:6

पर तम्ही ओ कंगाला ची बेकदरी करली। का अमीर लौक तम्चे उपर जुलम ना करी? ते का वे ही तम्हानु कचेहरीया मां घींसती-घींसती ना गेहती जई?