प्रेरितां चे काम 17:5 - ओङ राजपूत

⁵ पर कोच्छ यहूदी गुस्से लारे भरीती गेले, ते बजारा महु कोच्छ बदमाश लौका नु भेले करती कर आपणे लारे मिलाती गेले ते भीड़ लाती कर शहर चे चौका मां हुल्‍लड़ करु लाग़ले। वाणे यासोन चे घरा मां धावा ब़ोलती ङिला, ते हा कोशिस करु लाग़ले कि कुई तरीके लारे पौलुस ते सीलास नु लौका चे सामणे आणो।

प्रेरितां चे काम 17:5 ပူးပေါင်းရင်းမြစ်များ

मत्ती 27:18

कांकि ओ जाणता कि वाणे ओनु साड़ा कनु पकड़वाले हुते।

प्रेरितां चे काम 13:45

पर यहूदी भीड़ नु ङेखती कर गैरती मां भरीती गेले, ते निन्दा करते हुले पौलुस चीया बाता चे विरोध मां ब़ोलु लाग़ती गेले।

प्रेरितां चे काम 14:19

पर कोच्छ यहूदी अन्ताकिया ते इकुनियुम शहरा कनु आती कनु लौका नु आपणे पक्ष मां करती गेले, ते पौलुस चे उपर पत्थराव करला, ते मरले आले समझती कर ओनु शहरा ब़ाहरु घींसती कर ब़ाहरु छिकती गेले।

प्रेरितां चे काम 14:2

पर जिसा यहूदी बन्दा ने विश्‍वास कोनी करला हुता, वाणे नेरीया जातिया आला बन्दा नु भड़काती नाखले ते वांचे मना मां विश्‍वासी भावां चे विरोध जहर भरती ङिला।

प्रेरितां चे काम 17:13

पर जिसे बेले थिस्सलुनिके शहरा चे यहूदिया नु पता लाग़ला कि पौलुस बिरीया मां वी नरीकारा चे वचना चा प्रचार करे पला, ते ओठे वी जती कर लौका नु भड़काऊ ते हलचल मचाऊं लाग़ले।

प्रेरितां चे काम 17:6

वानु ओठे ना मिलणे चे वजह वे यासोन ते कोच्छ विश्‍वासी भावां नु शहर चे हाकिमा चे सामणे छिकती आले ते जोरा रीत रौल मचाती ते किहुं लाग़ले, “यां लौका ने पुरे संसारा मां अफरा-तफरी फैलाती नाखली, ते हमा इठे वी आती पुज़ले।

प्रेरितां चे काम 17:7

ते यासोन ने आपणे घरा मां वानु शरण ङिली, ते ये सारे चे सारे हा किही कि ईशु राजा छै, ते कैसर राजे ची आज्ञा चे विरोध छी।”

प्रेरितां चे काम 17:9

ते वाणे यासोन ते बाकि बन्दा नु जमानती उपर हरजाना भरवाती कर छोड़ती ङिले।

प्रेरितां चे काम 18:12

जिसे बेले गल्‍लियो अखाया प्रदेस चा राज्यपाल हुता, ते ओ बेले यहूदी लौक ऐका करती कर पौलुस चे विरोध हुती गेले, ते ओनु पकड़ती कर न्यां आसण चे सामणे खड़े करती ते किहुं लाग़ले कि,

प्रेरितां चे काम 19:40

कांकि आज़ चे दंगे चे वजह अम्चे उपर दोष लाग़णे चा ङर छै। ऐवास्ते कि ऐचा कुई ठोस वजह ना ङिसी ऐ मामले मां अम्ही ये भीड़ चे भेले हुवणे चा कुई वी उत्तर ना ङे सग़ु।”

प्रेरितां चे काम 7:9

“ते कोल्‍लपत्तिया ने यूसुफ लारे गैरत करती ओनु गुलाम बणने वास्ते मिस्र देशा मां जाणे आला चे हाथा मां बेचले, पर नरीकार ओचे लारे हुता।

रोमियां 16:21

माये भईवाल तीमुथियुस चा, ते माये यहूदी कुणम्बे चे लूकियुस ते यासोन ते सोसिपत्रुस चा तम्हानु नमस्कार।

1 कुरिन्थियां 3:3

कांकि तम्ही हमा तक संसारिक छिवा। ऐवास्ते कि जब तम्चे मां जलन ते झग़ड़े छी तां का तम्ही संसारिक कोनी? तां का संसारिक इन्साना ची रीति उपर ना चला?

2 कुरिन्थियां 11:26

मैं बार-बार सफरा मां, नदीया चे जोखिमा मां, ङाकुवा चे जोखिमा मां, आपणी जाति ची वजह कनु जोखिमा मां, नेरीया जातिया ची वजह कनु जोखिमा मां, शहरा मां रेहणे आला ची वजह कनु, खतरनाक ब्याबान मां, भयानक समुन्दरा चे जोखिमा मां, कूड़े भावां चे बीच मां खतरनाक स्थिति मां रेहला।

गलातियां 5:21

जलन, नशा खोरी, असतरीगमन, ते यांचे जिसड़ी नेरी-नेरी कामे वी छिती, यांचे बारे मां मैं तम्हानु पेहले केहती ङिये कि इसड़े-इसड़े काम करने आले नरीकारा चे राज़ चे वारिस ना हो सग़ी

गलातियां 5:26

ना ही अम्ही घमण्डी, ना तां हेके ङुजे नु चिड़ावा, ना हेके ङुजे लारे गैरत करा।

1 थिस्सलुनीकियां 1:6

ते तम्ही बङे क्लेशा मां पवित्र आत्मा ची खुशी लारे वचना नु मनती कर अम्ची ते प्रभु जिसड़ी चाल चलु लाग़ले।

याकूब 4:5

का तम्ही हा समझा कि पवित्रशास्त्र बेकार चा बाता बावड़े। जिसे नरीकारा ने पवित्र आत्मा नु अम्चे भीतर नाखले, नरीकार घणी इच्छा राखे, कि अम्ही विश्‍वास चे लायक बणले रिहुं?