प्रेरितां चे काम 17:28 - ओङ राजपूत

²⁸ कांकि अम्ही ओचे मां जीते रिहुं, ते अम्चे टुरने-फिरने, ते टिकले रिहुं। जिसड़े कि तम्चे कई कविया ने वी केहले, ‘अम्ही तां ओचे ही वंशज वी छिऊं।’

प्रेरितां चे काम 17:28 ပူးပေါင်းရင်းမြစ်များ

लूका 20:38

नरीकार तां मुड़दा चा कोनी, पर जीता चा नरीकार छै, कांकि ओचे गोढु सब जीते छी।”

लूका 3:38

ते ओ एनोश चा, ते ओ शेत चा, ते ओ आदम, जको नरीकारा ने आपणे हाथा लारे बणाले हुते।

यूहन्‍ना 11:25

ईशु ने वानु केहले, “मैं ही पुनरुत्थान छै ते जीवन मैं ही छै। जको कुई माये उपर विश्‍वास करे ऊं अगर मरती वी जाये तां वी जीवी,

यूहन्‍ना 5:26

कांकि जिसी रीति लारे ब़ा आपणे आप मां जीवन राखे, वे रीति चे लारे ओणे पूता नु वी अधिकार ङिला कि आपणे आप मां जीवन राखो।

कुलुस्सियां 1:17

ते ओही सारीया चीजा महु पेहला छै, ते सारीया चीजा ओचे मां बणलीया रिही।

तीतुस 1:12

क्रेते लौका महु हेक जणे ने जको वांचा भविष्यवक्‍ता छै, केहले, “क्रेती बन्दी सदा कूड़े, ते ढौरा जिसड़े दुष्ट ते आलसी ढिडल छी।”

इब्रानियां 1:3

ओ नरीकारा ची महिमा चे सोज़ले, ते ओचे सुभाव ची छाप छै, ते सारीया चीजा नु आपणी सामर्थ चे वचना लारे, सम्भाले। ओ अम्चे पापा नु धोती कर, स्वर्ग़ा मां सर्वशक्‍तिमान नरीकारा चे सज़्ज़े पासु जती ब़ेहला।

इब्रानियां 12:9

बल्ति जब अम्चे शरीरिक ब़ा वी अम्हानु अनुशासित करे जाया अम्ही आदर करु, पर का ईं ज्यादा सही कोनी कि अम्ही आत्मा चे ब़ा चे अधीन रेहती कर जीते रिहुं?

इब्रानियां 2:11

कांकि पवित्र करने आला ते जको पवित्र करले जई, सब हेक ही ब़ा कनु छी, यानि नरीकार कनु। येही वजह कनु ईशु वानु भऊ केहणे कनु ना लज़ावी।