प्रेरितां चे काम 17:2 - ओङ राजपूत

² ते पौलुस आपणी रीति चे अनुसार वांचे गोढु गेला, ते तीन सब्त चे ङिहां मां, पवित्रशास्त्र चे मुताबिक वांचे लारे बहस-बाजी करता रेहला।

प्रेरितां चे काम 17:2 ပူးပေါင်းရင်းမြစ်များ

मत्ती 26:24

मैं इन्साना चा पूत जिसड़े माये वास्ते लिखले गेले, जाये ही पला, पर ओ इन्साना उपर हाय! जाये जरिये मैं इन्साना चा पूत पकड़वाला जई। अगर ओ इन्साना चा जनम ही ना हुवीया, तां ओचे वास्ते भले हुते।”

लूका 4:16

बल्ति ओ नासरत मां आला, जिठे ओ पाड़ला पोसला गेलता। ते आपणी रीति चे अनुसार सब्त चे ङिओ मां प्राथनाघरा मां जती कर पढ़ने चे वास्ते खड़ा हुला।

यूहन्‍ना 18:20

ईशु ने ओनु उत्तर ङिला, “मैं संसारा लारे खुलती कर बाता करलीया, मैं प्राथनाघरा ते मन्दरा मां जिठे सारे यहूदी भेले हुवी गेहती सदा उपदेश करला। गुप्त मां कहीं कोनी केहले।

प्रेरितां चे काम 13:14

ते पिरगा कनु हुते हुले पिसिदिया इलाके चे अन्ताकिया शहरा मां पुज़ले। ते सब्त चे ङिओ यहूदी प्राथनाघरा मां जती कर ब़ेसती रेहले,

प्रेरितां चे काम 13:5

ते सलमीस शहरा मां पुज़ती कर, नरीकारा चा वचन यहूदिया चे प्राथनाघरा मां सुणाला ते यूहन्‍ना वांचा सेवक हुता।

प्रेरितां चे काम 14:1

इकुनियुम मां इसड़े हुले कि पौलुस ते बरनबास यहूदिया ची प्राथनाघरा मां लारे-लारे गेले, ते इसड़ीया बाता केहलीया कि, यहूदी ते यूनानी ङुंहु महु घणा सारा बन्दा ने विश्‍वास करला।

प्रेरितां चे काम 17:10

विश्‍वासी भावां ने तुरन्त रातो-रात पौलुस ते सीलास नु बिरीया शहरा मां भेज़ती ङिले, ते वे ओठे पुज़ती कर यहूदिया चे प्राथनाघरा मां गेले।

प्रेरितां चे काम 17:17

ऐवास्ते ओ यहूदी प्राथनाघरा मां यहूदिया ते यूनानी भग़ता लारे ते शहर चे चौका मां जको लौक मिलते, वांचे लारे ओ हर ङिओ बहस-बाजी करता रेहता।

प्रेरितां चे काम 18:4

पौलुस हर सब्त चे ङिओ यहूदी प्राथनाघरा मां जती कर बहस-बाजी करती कर यहूदिया नु ते यूनानिया नु समझाता।

प्रेरितां चे काम 19:8

पौलुस यहूदी प्राथनाघरा मां गेला। ओठे ओ तीन मेहना तक बेधड़क हुती कर ब़ोलता रेहला। नरीकारा चे राज़ चे बारे मां बहस-बाजी करता ते वानु आच्छी रीति लारे समझाता रेहला।

प्रेरितां चे काम 24:25

जिसे बेले पौलुस धार्मिकता, ते संयम ते आणे आले न्यां चे बारे ची चर्चा करे पलता, तां फेलिक्स ने ङरती कर पौलुस नु उत्तर ङिला, “हमा तां जा, मौका ङेखती कर, मैं तनु बल्ति हकरवावी।”

प्रेरितां चे काम 28:23

बल्ति वाणे पौलुस चे वास्ते हेक ङिओ तय करला, ते जिसे घरा मां ओ हुता घणी तदात मां लौक ओठे भेले हुती गेले। ते ओ नरीकारा चे राज़ ची ग़वाही ङिता हुला, ते मूसा ची व्यवस्था ते भविष्यवक्‍ता चा किताबा महु ईशु मसीह चे बारे मां सवेले कनु लाती कर आथणे तक साफ रीति लारे वानु समझाता रेहला।

प्रेरितां चे काम 8:35

बल्ति फिलिप्पुस ने आपणे मुँह खोड़ले, ते हाई पवित्रशास्त्रा चे भाग़ नु शुरु करती ओनु ईशु चा सुसमाचार सुणाला।

प्रेरितां चे काम 9:20

ते ओ तुरन्त यहूदी प्राथनाघरा मां ईशु चा प्रचार करु लाग़ला कि, “ईशु मसीह नरीकारा चा पूत छै।”

1 कुरिन्थियां 15:3

ऐ वजह कनु मैं सबकनु पेहले तम्हानु वाहो बात पुचाती ङिली जको माये कनु पुज़ली हुती, कि पवित्रशास्त्र चे वचन चे अनुसार ईशु मसीह अम्चे पापा वास्ते मरती गेला,