प्रेरितां चे काम 17:17 - ओङ राजपूत

¹⁷ ऐवास्ते ओ यहूदी प्राथनाघरा मां यहूदिया ते यूनानी भग़ता लारे ते शहर चे चौका मां जको लौक मिलते, वांचे लारे ओ हर ङिओ बहस-बाजी करता रेहता।

प्रेरितां चे काम 17:17 ပူးပေါင်းရင်းမြစ်များ

मरकुस 16:15

ते ओणे वानु केहले, “तम्ही सारे संसारा मां जती कर ते सारी सृष्टि चे लौका नु सुसमाचार प्रचार करा।

लूका 12:3

ऐवास्ते जको कोच्छ तम्ही अन्धारे मां केहले, ऊं सोज़ले मां सुणले जई, ते जको तम्ही कोठड़ीया मां कानो कान केहले, ऊं छत्ते उपर प्रचार करले जई।

प्रेरितां चे काम 10:2

ओ नरीकारा चा भग़त हुता, ते आपणे सारे घराणे समेत नरीकारा कनु ङरता, ते यहूदी गरीब लौका नु बङा दान ङिता, ते लगातार नरीकारा कनु प्राथना करता रेहता।

प्रेरितां चे काम 13:16

बल्ति पौलुस ने भिले रेहती कर ते हाथा लारे इशारा करते हुले। केहले कि, “हे इस्राएली, ते नरीकारा कनु ङरणे आले, सुणा।

प्रेरितां चे काम 13:43

ते जिसे बेले प्राथनाघरा मां सभा खत्तम हुती गेली ते यहूदी ते यहूदी मत्त महु आले हुले भग़ता महु ब़ोहत से पौलुस ते बरनबास चे भांसु टुरती पले, ते वाणे बाता करती कर वानु समझाले, कि नरीकारा चे अनुग्रह मां बणले रिहा।

प्रेरितां चे काम 13:50

पर यहूदिया ने शहरा चा भलीया, ऊंचे कोल्‍ल चीया असतरीया नु ते शहरा चा खास बन्दा नु भड़काती नाखले, ते पौलुस ते बरनबास उपर दोष लवाती कर वानु आपणी हद्दी कनु ब़ाहरु कढ़वाती छोड़ले।

प्रेरितां चे काम 8:2

ते नरीकारा चे भग़ता ने स्तिफनुस नु कब्री मां मेहले, ते ओचे वास्ते बङी मुकाण झड़ली।

प्रेरितां चे काम 9:20

ते ओ तुरन्त यहूदी प्राथनाघरा मां ईशु चा प्रचार करु लाग़ला कि, “ईशु मसीह नरीकारा चा पूत छै।”

2 तीमुथियुस 3:2

कांकि बन्दे स्वार्थी, लोभी, डींगमार, अहंकारी, निन्दक, आई-ब़ा ची आज्ञा ना मनणे आले, कृतघ्न, अपवित्र।

2 तीमुथियुस 3:5

वे भग़ती चा भेष घाले, पर नरीकारा ची शक्‍ति नु नी मने, इसड़ा बन्दा कनु दूर रेहजा।