प्रेरितां चे काम 17:11 - ओङ राजपूत

¹¹ बिरीया शहरा चे लौक थिस्सलुनिके चे यहूदी लौका कनु घणे भले हुते, ते वाणे बङी लालसा लारे वचना नु ग्रहण करले, जको पौलुस वानु सिखाता वां बाता ची सच्‍चाई चे बारे मां हर ङिओ पवित्रशास्त्र नु बङी गहराई लारे पढ़ते रेहले।

प्रेरितां चे काम 17:11 ပူးပေါင်းရင်းမြစ်များ

मत्ती 13:23

जको आच्छी भोंये मां राहले गेले, ये वे छी, जको वचना नु सुणती कर समझे, ते फल आणे, कुई साओ गुणा, कुई साठ गुणा, ते कुई त्रीस गुणा।”

लूका 1:2

जिसड़े कि वाणे जको पेहले ही कनु यां बाता नु ङेखणे आले ते वचना चे सेवक हुते, अम्चे तक पुचाले।

लूका 11:3

अम्चे ङिओ भर ची रोटी हर ङिओ अम्हानु ङिले कर,

लूका 16:29

“अब्राहम ने ओनु केहले, ‘वांचे गोढु तां मूसा ते भविष्यवक्‍ता चीया किताबा छी, वे वांची सुणा।’

लूका 24:44

बल्ति ईशु ने वानु केहले, “ये माया वे बाता छी, जको मैं तम्चे लारे रेहते हुले, तम्हानु केहलीया हुतीया, कि जरुरी छै, कि जितनीया बाता मूसा ची व्यवस्था, ते भविष्यवक्‍ता ते भज़ना चीया किताबा मां, माये बारे मां लिखलीया आलीया छी, सारीया पुरीया हुवणे जरुरी हुतीया।”

यूहन्‍ना 3:21

पर जको सच्‍चाई उपर टुरे ऊं सोज़ले चे गोढु आवे, ताकि ओचे काम उजागर हो कि ओचे कर्म नरीकार ची नजरी मां करले गेले।

यूहन्‍ना 5:39

तम्ही पवित्रशास्त्र मां सोधा कांकि तम्ही समझा कि ओचे मां तम्हानु अनन्त जीवन मिले। ते ओही पवित्रशास्त्र छै जको माई ग़वाही ङिये,

प्रेरितां चे काम 10:33

बल्ति मैं तुरन्त दुधे गोढु ये बन्दी भेज़ली, ते तु भले करले जको आती गेला। हमा अम्ही सारी इठे नरीकारा चे सामणे छिऊं कि जको कहीं नरीकारा ने तनु केहले वा सुणु।”

प्रेरितां चे काम 11:1

प्रेरित ते विश्‍वासी लौका ने जको यहूदिया मां हुते सुणले, कि नेरीया जातिया ने वी नरीकारा चा वचन मनती गेला।

प्रेरितां चे काम 17:1

बल्ति वे अम्फिपुलिस ते अपुल्‍लोनिया शहरा कनु हुते हुले थिस्सलुनिके शहरा मां पुज़ले, जिठे यहूदिया चे हेक प्राथनाघर हुते।

प्रेरितां चे काम 2:41

ऐवास्ते जेह्णे पतरस चे वचना नु स्वीकार करले ते बपतिस्मा गेहला, ते ओही ङिओ लगभग तीन हजार बन्दी वांचे मां शामिल हुती गेली।

1 थिस्सलुनीकियां 1:6

ते तम्ही बङे क्लेशा मां पवित्र आत्मा ची खुशी लारे वचना नु मनती कर अम्ची ते प्रभु जिसड़ी चाल चलु लाग़ले।

1 थिस्सलुनीकियां 2:13

ऐवास्ते अम्ही वी नरीकारा चा धन्यवाद लगातार करते रिहुं, कि जब अम्चे जरिये नरीकारा चे सुसमाचार चा वचन तम्चे गोढु पुज़ला, तां तम्ही ओ बन्दे चा ना, पर नरीकारा चा वचन समझती कर ग्रहण करला, ते ओ तम्चे मां जको विश्‍वास राखा, असरदार छै।

2 थिस्सलुनीकियां 2:10

ते नाश हुवणे आला चे वास्ते अधर्म चे सारे तरीके चे धोक्‍के लारे हुवी, ते वे नाश हुवी पले कांकि वाने सच्‍चाई चे प्यारा नु कोनी मनले, जाये कनु वांचा उद्धार हुवणा तां।

याकूब 1:21

ऐवास्ते, सारी मलिनता ते बैरभाव ची बढ़ोतरी नु दूर करती कर, ओ वचना नु नरमाई लारे ग्रहण करती गिहा, जको दिला मां राहला गेला ते जको तम्ची जानी चा उद्धार कर सग़े।

1 पतरस 2:2

नवें जमले आले ब़ाला आलीकर, शोद्ध आत्मिक ङूधा ची इच्छा राखा, ताकि ओचे जरिये तम्चा उद्धार ते बढ़ोतरी हो।