प्रेरितां चे काम 17:10 - ओङ राजपूत

¹⁰ विश्‍वासी भावां ने तुरन्त रातो-रात पौलुस ते सीलास नु बिरीया शहरा मां भेज़ती ङिले, ते वे ओठे पुज़ती कर यहूदिया चे प्राथनाघरा मां गेले।

प्रेरितां चे काम 17:10 ပူးပေါင်းရင်းမြစ်များ

प्रेरितां चे काम 1:15

वा ङिहां मां पतरस भावां चे आधी मां जको करीबन हेक साऔ बीस बन्दी भेली हुती भिले रेहती किहुं लाग़ला।

प्रेरितां चे काम 15:22

ऐवास्ते सारी कलीसिया समेत प्रेरितां नु ते अग़ुवा नु ईं ठीक लाग़ले कि आपणे ही महु कोच्छ बन्दा नु चुणती कर पौलुस ते बरनबास चे लारे अन्ताकिया शहर भेज़ती ङिले जाओ, वाणे ऐचे वास्ते यहूदा जानु बरसब्बा चे नांवा लारे वी जाणते ते सीलास नु चुणती गेले ये विश्‍वासी भावां मां प्रधान हुते।

प्रेरितां चे काम 17:1

बल्ति वे अम्फिपुलिस ते अपुल्‍लोनिया शहरा कनु हुते हुले थिस्सलुनिके शहरा मां पुज़ले, जिठे यहूदिया चे हेक प्राथनाघर हुते।

प्रेरितां चे काम 17:2

ते पौलुस आपणी रीति चे अनुसार वांचे गोढु गेला, ते तीन सब्त चे ङिहां मां, पवित्रशास्त्र चे मुताबिक वांचे लारे बहस-बाजी करता रेहला।

प्रेरितां चे काम 17:4

वांचे महु कईयां ने, ते नरीकारा कनु ङरणे अणगिणत यूनानी बन्दी, ते ऊंचे कोल्‍ल चा असतरीया ने वी मनती गेले, पौलुस ते सीलास लारे मिलती गेले।

प्रेरितां चे काम 17:6

वानु ओठे ना मिलणे चे वजह वे यासोन ते कोच्छ विश्‍वासी भावां नु शहर चे हाकिमा चे सामणे छिकती आले ते जोरा रीत रौल मचाती ते किहुं लाग़ले, “यां लौका ने पुरे संसारा मां अफरा-तफरी फैलाती नाखली, ते हमा इठे वी आती पुज़ले।

प्रेरितां चे काम 20:4

बिरीया चे पुरूर्स चा पूत सोपत्रुस, ते थिस्सलुनीकियां शहरा चे अरिस्तर्खुस, ते सिकुन्दुस, ते दरबे गयुस ते तीमुथियुस आसीया चा तुखिकुस, ते त्रुफिमुस आसीया तक ओचे लारे टुरती पले।

प्रेरितां चे काम 9:20

ते ओ तुरन्त यहूदी प्राथनाघरा मां ईशु चा प्रचार करु लाग़ला कि, “ईशु मसीह नरीकारा चा पूत छै।”

प्रेरितां चे काम 9:25

पर राती नु ओचे चैला ने ओनु टोकरे मां ब़िसाणले, ते शहरपनाह चे उपर कनु लटकाती कर उतारती ङिले।

1 थिस्सलुनीकियां 2:2

बल्कि तम्ही आप जाणा, कि पेहले-पेहले फिलिप्पी मां ङोख चवणे ते जुलम सेहणे पर वी अम्चे नरीकारा ने अम्हानु इसड़ी हिम्मत ङिली, कि अम्ही नरीकारा चा सुसमाचार तकड़ा विरोध हुते हुले वी तम्हानु सुणाऊं।