प्रेरितां चे काम 16:9 - ओङ राजपूत

⁹ ओठे राती नु पौलुस ने हेके खाबा मां ङेखले कि हेक मकिदुनिया इलाके चा हेक जवान भिला आला, ओकनु हा विनती करे पला कि, “मकिदुनिया मां आती कर अम्ची सहायता कर।”

प्रेरितां चे काम 16:9 ပူးပေါင်းရင်းမြစ်များ

प्रेरितां चे काम 10:3

ओणे ङिहां चे तीजे पाहरा चे गोढु दर्शन मां साफ ङेखले कि नरीकारा चा हेक स्वर्ग़दूत ओचे गोढु भीतर आती कर किहे पला, “हे कुरनेलियुस।”

प्रेरितां चे काम 10:30

कुरनेलियुस ने केहले, “येही घड़ी, पुरी चार ङिहें हुली, मैं आपणे घरे तीजे पाहरा नु प्राथना करे पलता, तां ङेखा, हेक मर्द चमकणी ओढ़णी घाले हुले, माये सामणे आती भिला रेहला।

प्रेरितां चे काम 16:10

पौलुस चे दर्शन ङेखते ही अम्ही तुरन्त मकिदुनिया चे इलाके सनु जाणे चाह्‍ले, ईं समझती कर कि नरीकारा ने वानु सुसमाचार सुणावणे वास्ते अम्हानु हकारले।

प्रेरितां चे काम 16:12

ते उठु कनु अम्ही फिलिप्पी शहर पुज़ले, जको मकिदुनिया इलाके चा खास शहर छै, ते जको रोमियां ची बस्ती छै, ते अम्ही ओ शहरा मां कोच्छ ङिहां तक रेहले।

प्रेरितां चे काम 18:5

जिसे बेले मकिदुनिया कनु सीलास ते तीमुथियुस आले, ते पौलुस पूरा समय वचन सुणावणे ची धोन्‍न मां लाग़ती कर यहूदी लौका नु हा ग़वाही ङिता कि ईशु ही मसीह छै।

प्रेरितां चे काम 19:21

जिसे बेले ये बाता हुती चुकलीया, ते पौलुस ने आत्मा मां ईं ठानले कि मकिदुनिया ते अखाया कनु हुती कर यरुशलेम सनु जाये, ते केहले, “ओठे जाणे चे बाद मनु रोम नु वी ङेखणे जरुरी छै।”

प्रेरितां चे काम 19:22

ऐवास्ते आपणी सेवा करने आला महु तीमुथियुस ते इरास्तुस नु मकिदुनिया मां भेज़ती कर आप कोच्छ ङिहें एशिया मां रेहती गेला।

प्रेरितां चे काम 19:29

ते सारे शहरा मां बङी हलचल मचती गेली ते लौका ने गयुस ते अरिस्तर्खुस, मकिदुनिया कनु आले जको पौलुस चे लारे रेहणे आला बन्दा नु पकड़ती गेले, ते सारा नु हेक रंगशाला मां गेहती गेले।

प्रेरितां चे काम 20:1

जिसे बेले हुल्‍लड़ खत्तम हुती गेला तां पौलुस ने चैला नु हकरवाती कर समझाले, ते वांचे कनु विदा हुती कर मकिदुनिया सनु चाह्‍ला गेला।

प्रेरितां चे काम 20:3

जिसे बेले तीन मेहने रेहती कर ओ उठु जहाजा उपर सीरिया प्रदेस सनु जाणे आला हुता, ओनु सूचना मिड़ली यहूदी ओचे विरोध षड़यंत्र रचली भिले तां ओणे हा फैंसला करला कि मकिदुनिया हुती कर पुठा चाह्‍ला जाये।

प्रेरितां चे काम 27:2

अम्ही सारे जणे अद्रमुतियुम शहर चे हेक पाणीया आले जहाजा उपर चढ़ले, जको एशिया इलाके चे समुन्दर चे किनारे लारे जको शहर हुते वांचे लारे हुती कर जाणे आला हुता। ते अम्चा सफर शुरु हुला, ते अरिस्तर्खुस वी अम्चे लारे सफर करने आला यात्री हुता, ते जको मकिदुनिया प्रदेस चे थिस्सलुनिके शहर चा रेहणे आला हुता।

प्रेरितां चे काम 9:38

ते ऐवास्ते कि लुद्दा याफा चे गोढु हुता, चैला ने ईं सुणती कर कि पतरस ओठे छै ङोन जणे भेज़ती कर ओकनु बिनती करली कि, “अम्चे गोढु आणे मां देर ना कर।”

रोमियां 15:26

कांकि मकिदुनिया ते अखाया प्रदेस चे लौका नु ईं आच्छे लाग़ले कि, यरुशलेम चे नरीकारा चे लौक जको कंगाल छी वांचे वास्ते कोच्छ चंद ङिहें।

2 कुरिन्थियां 11:9

ते जब मैं तम्चे लारे हुता, ते मनु कमी पेशी हुली तां मैं काये उपर बोझ कोनी नाखला, कांकि भावां ने मकिदुनिया कनु आती कर माई जरुरता नु पुरे करले। मैं हर बाते मां आपणे आप नु तम्चे उपर बोझ हुवणे कनु रोकले, ते रोकली वी रिही।

2 कुरिन्थियां 12:7

ते ऐवास्ते कि मैं प्रकाशना ची वजह कनु घणा घमण्ड ना करे, माये शरीरा मां हेक कांटा चुभाला गेला यानिकि शैताना चा हेक दूत मनु घूसे मारो ताकि मैं घमण्ड ना करे।

2 कुरिन्थियां 7:5

कांकि जिसे बेले अम्ही मकिदुनिया मां आले, तां वी अम्चे शरीरा नु आराम कोनी मिड़ला, पर अम्ही चऊं पासु क्लेश भोग़ु, ब़ाहरु लड़ाईया हुतीया, ते दिला मां ङर हुता।

2 कुरिन्थियां 8:1

हमा हे माये भऊ, अम्ही तम्हानु नरीकारा चे ओ अनुग्रह चा समाचार ङिऊं पले, जको मकिदुनिया चीया कलीसिया चे उपर हुले।

2 कुरिन्थियां 9:2

कांकि मैं तम्चे मना ची तियारी नु जाणे, जाई वजह कनु मैं तम्चे बारे मां मकिदुनिया चे सामणे घमण्ड ङिखाणे, कि अखाया इलाके चे लौक हेक साला कनु तियार छी, ते तम्चे जोश ने घणा नु उभारले वी।

1 थिस्सलुनीकियां 4:10

ते सारे मकिदुनिया चे सब भावां लारे इसड़े करा वी हुवा, पर हे माये भऊ ते ब़ेहणीया! अम्ही तम्हानु समझाऊं, कि नेरे वी प्रेम मां बधते जावा।