प्रेरितां चे काम 16:31 - ओङ राजपूत

³¹ वाणे ओनु केहले, “प्रभु ईशु मसीह उपर विश्‍वास कर, तां तु, ते दुधा कुणम्बा उद्धार गे सग़ा।”

प्रेरितां चे काम 16:31 ပူးပေါင်းရင်းမြစ်များ

मरकुस 16:16

जको कुई विश्‍वास करे ते बपतिस्मा गिहे ते ओही बचाला जई, जको विश्‍वास ना करी, ऊं दोषी ठहराले जई।

यूहन्‍ना 1:12

पर जितना ने ओनु ग्रहण करले, ओणे वानु नरीकारा ची ऊलाद्ध हुवणे चा अधिकार ङिला, यानिकि वानु जको ओचे नांवा उपर विश्‍वास राखी।

यूहन्‍ना 20:31

पर ईं ऐवास्ते लिखले गेले कि तम्ही विश्‍वास करा कि ईशु ही नरीकारा चा पूत मसीह छै, ते विश्‍वास करती ओचे नांवा लारे जीवन गिहा।

यूहन्‍ना 3:36

जको पूता उपर विश्‍वास करे अनन्त जीवन ओचा छै, पर जको पूता नु ना मनी ओह जीवन नु नी ङेखी, पर नरीकार चा गुस्सा ओचे उपर रिहे।

यूहन्‍ना 6:40

कांकि हाओ माये ब़ा नरीकारा ची मर्जी छै हर हेक बन्दे जको पूता नु ङेखे ते विश्‍वास करी ते ओनु अनन्त जीवन मिली, ते अन्त चा ङिहां मां मैं ओनु जीते करती ङिही।”

यूहन्‍ना 6:47

“मैं सच्‍च किहे पला, कि जको माये उपर विश्‍वास करी, अनन्त जीवन वांचा छै।

प्रेरितां चे काम 15:11

पर अम्चा विश्‍वास तां हा छै कि प्रभु मसीह ईशु चे अनुग्रह लारे अम्चा उद्धार ठीक यूंही हुला जिंवे वांचा हुला।”

प्रेरितां चे काम 16:15

विणे आपणे कुणम्बे समेत बपतिस्मा गेहला, ते विणे विनती करली, “अगर तम्ही मनु प्रभु ची विश्‍वासण समझा तां चालती कर माये घरा मां रिहा।” ते वा अम्हानु राजी करती कर गेहती गेली।

प्रेरितां चे काम 16:32

ते वाणे कैदखाने चे अधिकारीया नु ते ओचे सारे कुणम्बे नु प्रभु चा वचन सुणाला।

प्रेरितां चे काम 18:8

बल्ति यहूदी प्राथनाघरा चा सरदार क्रिस्पुस ने आपणे पुरे कुणम्बे समेत प्रभु उपर विश्‍वास करला। ते ब़ोहत सारे कुरिन्थुस वासीया ने वचन सुणती कर विश्‍वास करला ते बपतिस्मा गेहला।

प्रेरितां चे काम 4:12

ते कुई ङुजे चे जरिये उद्धार कोनी, कांकि सारे संसारा मां नेरे कुई ङुजे नां कोनी ङिले गेले, जाये जरिये अम्ही उद्धार गे सग़ु।”

प्रेरितां चे काम 8:36

मार्ग़ा मां चलते-चलते वे कुई पाणीया ची जग़हा मां पुज़ले बल्ति मंत्री ने केहले, “ङेख, इठे पाणी वी छै। हमा मनु बपतिस्मा गेहणे मां का रुकावट छै?”

रोमियां 11:16

जिसे बेले भेंट चा पेहला पेड़ा पवित्र ठहरला ते उसणले आले सारे आट्टे वी पवित्र छै, ते जिसे बेले ज़हड़ पवित्र ठहरली, ते लड़ीया वी इसड़ीया ही छी।

गलातियां 3:14

ईं ऐवास्ते हुले कि अब्राहम ची आशीष मसीह ईशु मां नेरीया जातिया तक पुज़ो, ते अम्ही विश्‍वास लारे आत्मा गिहुं जिसी चा वायदा हुला हुता।

गलातियां 3:22

पर पवित्रशास्त्र मां लिखले आले छै कि हा पूरा संसार पाप चा गुलाम छै जिंवे ओ वायदा जको विश्‍वास लारे ईशु मसीह मां छै, नरीकारा मां सेर्फ विश्‍वास करने आला नु ङिये।

गलातियां 3:26

कांकि तम्ही सारे ओ विश्‍वास लारे जको ईशु मसीह उपर छै, नरीकारा ची ऊलाद्ध छिवा,