प्रेरितां चे काम 16:19 - ओङ राजपूत

¹⁹ जिसे बेले विचे स्वामीया नु हा पता लाग़ला कि अम्ची कमाई ची आस जती रेहली, तां पौलुस ते सीलास नु पकड़ती कर बजारा चे बीच चौका उपर प्रधाना चे गोढु गेहती गेले।

प्रेरितां चे काम 16:19 ပူးပေါင်းရင်းမြစ်များ

मत्ती 24:9

“तब वे क्लेश ङेणे चे वास्ते तम्हानु पकड़वावे, ते तम्हानु मारती नाखे, ते माये नांवा ची वजह कनु सारीया जातिया चे लौक तम्चे लारे बैर राखे।

मरकुस 13:9

“पर तम्ही आपणे बारे मां चौकस रिहा, कांकि वे प्राथनाघरा मां तम्हानु कोट्टे ते पंचेता मां सोंपे, ते माई वजह हाकिमा ते राजा चे सामणे खड़े करती ङिले जावा, ताकि वांचे वास्ते ग़वाही हो।

प्रेरितां चे काम 14:19

पर कोच्छ यहूदी अन्ताकिया ते इकुनियुम शहरा कनु आती कनु लौका नु आपणे पक्ष मां करती गेले, ते पौलुस चे उपर पत्थराव करला, ते मरले आले समझती कर ओनु शहरा ब़ाहरु घींसती कर ब़ाहरु छिकती गेले।

प्रेरितां चे काम 14:5

पर जिसे बेले नेरीया जातिया ते यहूदी वांचा अपमान ते पत्थर मारणे वास्ते आपणे सरदारा समेत वांचे पतरस ते बरनबास सनु द्रोड़ले।

प्रेरितां चे काम 15:22

ऐवास्ते सारी कलीसिया समेत प्रेरितां नु ते अग़ुवा नु ईं ठीक लाग़ले कि आपणे ही महु कोच्छ बन्दा नु चुणती कर पौलुस ते बरनबास चे लारे अन्ताकिया शहर भेज़ती ङिले जाओ, वाणे ऐचे वास्ते यहूदा जानु बरसब्बा चे नांवा लारे वी जाणते ते सीलास नु चुणती गेले ये विश्‍वासी भावां मां प्रधान हुते।

प्रेरितां चे काम 15:26

ये तां इसड़ी इन्साने छी जेह्णे अम्चे प्रभु ईशु मसीह चे नांवा वास्ते आपणी जान ची बाजी लाती ङिली हुती।

प्रेरितां चे काम 15:40

पर पौलुस ने सीलास नु चुणती कर, ते विश्‍वासी भावां ने नरीकारा चे अनुग्रह मां ओनु सोंपती ङिले ते पौलुस ने सीलास नु लारे गेहती यात्रा शुरु करली।

प्रेरितां चे काम 16:16

जिसे बेले अम्ही प्राथना करने ची जग़हा मां जऊं पलते ले, अम्हानु मार्ग़ मां हेक दासी मिड़ली, विचे मां हेक इसड़ी दुष्टात्मा हुती। वा भविष्य बावड़ती कर आपणे स्वामीया नु घणा सारा धन कमाती कर ङिती।

प्रेरितां चे काम 16:20

वानु सजा ङेणे आले हाकिमा चे गोढु गेहती गेले ते केहले, “ये लौक जको यहूदी छी अम्चे शहरा मां गड़बड़ी मचावी पले।

प्रेरितां चे काम 16:25

आधी राती चे लगभग पौलुस ते सीलास प्राथना करते हुले नरीकारा चे भज़न गावी पलते, ते नेरे जको कैदी हुते वे वानु सुणी पलते।

प्रेरितां चे काम 16:29

तब कैदखाने चे अधिकारीया ने मशाल मंगवाली ते जल्दी भीतर गेला। ते ङरा कनु कांपता हुला पौलुस ते सीलास चे पग़्ग़ा मां ढेती पला।

प्रेरितां चे काम 17:6

वानु ओठे ना मिलणे चे वजह वे यासोन ते कोच्छ विश्‍वासी भावां नु शहर चे हाकिमा चे सामणे छिकती आले ते जोरा रीत रौल मचाती ते किहुं लाग़ले, “यां लौका ने पुरे संसारा मां अफरा-तफरी फैलाती नाखली, ते हमा इठे वी आती पुज़ले।

प्रेरितां चे काम 21:30

सारे शहरा मां अफरा-तफरी मचती गेली ते लौका ने द्रोड़ती कर पौलुस नु पकड़ती गेले, ते मन्दरा कनु ओनु घींसती आले, ते ओही बेले मन्दरा चे दरवाजे बन्द करती नाखले।

प्रेरितां चे काम 8:3

पर शाऊल कलीसिया नु उज़ाड़े पलता, ते घरे-घरे घिरती कर मर्दा ते असतरीया नु घींसती-घींसती कर कैदखाने मां नाखती ङिता।

प्रेरितां चे काम 9:16

ते मैं ओनु बावड़ी, कि माये नांवा वास्ते ओनु किसड़े-किसड़े ङोख चवणे पड़े।”

2 कुरिन्थियां 6:5

कोड़े खाणे लारे, कैदी हुवणे लारे, दंगा लारे, मेहनती लारे, जाग़ते रेहणे लारे, उपवास करने लारे,

फिलिप्पियां 1:30

ते तम्ही इसड़ी मेहनत करा जिंवे तम्ही मनु करते ङेखले, ते हमा वी सुणा कि मैं उसड़े ही करे।

1 थिस्सलुनीकियां 2:2

बल्कि तम्ही आप जाणा, कि पेहले-पेहले फिलिप्पी मां ङोख चवणे ते जुलम सेहणे पर वी अम्चे नरीकारा ने अम्हानु इसड़ी हिम्मत ङिली, कि अम्ही नरीकारा चा सुसमाचार तकड़ा विरोध हुते हुले वी तम्हानु सुणाऊं।

1 तीमुथियुस 6:10

कांकि पैसा चा लोभ सारीया प्रकार ची बिमारीया जा बुराई ची ज़हड़ छै। ऐ पैसे नु हांसिल करने ची कोशिस मां जाणे कितने तां विश्‍वास कनु भटकती कर आपणे आप नु नाना प्रकार चे ङुखा कनु छाणी बणाती नाखले।

याकूब 2:6

पर तम्ही ओ कंगाला ची बेकदरी करली। का अमीर लौक तम्चे उपर जुलम ना करी? ते का वे ही तम्हानु कचेहरीया मां घींसती-घींसती ना गेहती जई?