प्रेरितां चे काम 16:16 - ओङ राजपूत

¹⁶ जिसे बेले अम्ही प्राथना करने ची जग़हा मां जऊं पलते ले, अम्हानु मार्ग़ मां हेक दासी मिड़ली, विचे मां हेक इसड़ी दुष्टात्मा हुती। वा भविष्य बावड़ती कर आपणे स्वामीया नु घणा सारा धन कमाती कर ङिती।

प्रेरितां चे काम 16:16 ပူးပေါင်းရင်းမြစ်များ

प्रेरितां चे काम 16:13

सब्त चे ङिओ अम्ही शहर चे फाटक चे ब़ाहरु नदी चे किनारे ईं समझती कर गेले कि, ओठे प्राथना करने ची जग़हा हुवी, ऐवास्ते ओठे ब़ेसती कर, वां असतरीया लारे जको ओठे भेलिया हुतीया बाता करु लाग़ले।

प्रेरितां चे काम 16:18

वा घणा ङिहां तक यूंही करती रेहली आखरी मां पौलुस परेशान हुती गेला ते भांसु मुड़ती कर जको दुष्टात्मा विचे मां समाली हुती विनु केहले, “मैं तनु ईशु मसीह चे नांवा लारे आज्ञा ङिये पला।” कि यिचे महु निकलती जा ते वा दुष्टात्मा ओही बेले विचे महु ब़ाहरु निकलती गेली।

प्रेरितां चे काम 16:19

जिसे बेले विचे स्वामीया नु हा पता लाग़ला कि अम्ची कमाई ची आस जती रेहली, तां पौलुस ते सीलास नु पकड़ती कर बजारा चे बीच चौका उपर प्रधाना चे गोढु गेहती गेले।

प्रेरितां चे काम 19:24

कांकि देमेत्रियुस नांवा चा हेक सुनारा अरतिमिस चे चान्दी चे छोटे-छोटे मन्दर बणवाणे वास्ते, कारीगरा नु ब़ोहत काम ङिवाती ङिता।

गलातियां 5:20

मूर्तिपूजा, जादू टोणा, बैर, झग़ड़ा, ईर्ष्या, गुस्सा, विरोध, फूट,

1 तीमुथियुस 6:10

कांकि पैसा चा लोभ सारीया प्रकार ची बिमारीया जा बुराई ची ज़हड़ छै। ऐ पैसे नु हांसिल करने ची कोशिस मां जाणे कितने तां विश्‍वास कनु भटकती कर आपणे आप नु नाना प्रकार चे ङुखा कनु छाणी बणाती नाखले।

2 तीमुथियुस 3:8

ते जिंवे यन्‍नेस ते यम्ब्रेस जको सिखावणे आले हुते, वाणे मूसा चा विरोध करला हुता, यूंही ये वी सच्‍चाई चा विरोध करी, ये तां इसड़ी बन्दी छी, जाया दिमाक खत्तम हुती गेला ते वे विश्‍वास मां निक्‍कमे छी।

2 पतरस 2:3

वे लोभ ची वजह कनु बाता घड़ती कर तम्हानु आपणे फायदे चा जरिया बणावे, ते जको ङण्ड ची आज्ञा वांचे उपर हुती चुकली ओचे आणे मां देर कोनी वांचा विनाश कङी ऊंघी ना।