प्रेरितां चे काम 16:12 - ओङ राजपूत

¹² ते उठु कनु अम्ही फिलिप्पी शहर पुज़ले, जको मकिदुनिया इलाके चा खास शहर छै, ते जको रोमियां ची बस्ती छै, ते अम्ही ओ शहरा मां कोच्छ ङिहां तक रेहले।

प्रेरितां चे काम 16:12 ပူးပေါင်းရင်းမြစ်များ

प्रेरितां चे काम 16:10

पौलुस चे दर्शन ङेखते ही अम्ही तुरन्त मकिदुनिया चे इलाके सनु जाणे चाह्‍ले, ईं समझती कर कि नरीकारा ने वानु सुसमाचार सुणावणे वास्ते अम्हानु हकारले।

प्रेरितां चे काम 16:21

ते इसड़ा रिति-रिवाज बावड़ी पले, जानु मनणे जा ओचे उपर टुरणे अम्ही रोमियां चे वास्ते ठीक कोनी।”

प्रेरितां चे काम 16:9

ओठे राती नु पौलुस ने हेके खाबा मां ङेखले कि हेक मकिदुनिया इलाके चा हेक जवान भिला आला, ओकनु हा विनती करे पला कि, “मकिदुनिया मां आती कर अम्ची सहायता कर।”

प्रेरितां चे काम 18:5

जिसे बेले मकिदुनिया कनु सीलास ते तीमुथियुस आले, ते पौलुस पूरा समय वचन सुणावणे ची धोन्‍न मां लाग़ती कर यहूदी लौका नु हा ग़वाही ङिता कि ईशु ही मसीह छै।

प्रेरितां चे काम 19:21

जिसे बेले ये बाता हुती चुकलीया, ते पौलुस ने आत्मा मां ईं ठानले कि मकिदुनिया ते अखाया कनु हुती कर यरुशलेम सनु जाये, ते केहले, “ओठे जाणे चे बाद मनु रोम नु वी ङेखणे जरुरी छै।”

प्रेरितां चे काम 19:29

ते सारे शहरा मां बङी हलचल मचती गेली ते लौका ने गयुस ते अरिस्तर्खुस, मकिदुनिया कनु आले जको पौलुस चे लारे रेहणे आला बन्दा नु पकड़ती गेले, ते सारा नु हेक रंगशाला मां गेहती गेले।

प्रेरितां चे काम 20:1

जिसे बेले हुल्‍लड़ खत्तम हुती गेला तां पौलुस ने चैला नु हकरवाती कर समझाले, ते वांचे कनु विदा हुती कर मकिदुनिया सनु चाह्‍ला गेला।

प्रेरितां चे काम 20:3

जिसे बेले तीन मेहने रेहती कर ओ उठु जहाजा उपर सीरिया प्रदेस सनु जाणे आला हुता, ओनु सूचना मिड़ली यहूदी ओचे विरोध षड़यंत्र रचली भिले तां ओणे हा फैंसला करला कि मकिदुनिया हुती कर पुठा चाह्‍ला जाये।

प्रेरितां चे काम 20:6

ते अम्ही अखमीरी रोटी चे तेंहवार चा ङिहां चे बाद फिलिप्पी कनु जहाजा उपर चढ़ती कर पाँचा ङिहां मां त्रोआस शहरा मां वांचे गोढु पुज़ले, ते साता ङिहां तक उठी रेहले।

प्रेरितां चे काम 27:2

अम्ही सारे जणे अद्रमुतियुम शहर चे हेक पाणीया आले जहाजा उपर चढ़ले, जको एशिया इलाके चे समुन्दर चे किनारे लारे जको शहर हुते वांचे लारे हुती कर जाणे आला हुता। ते अम्चा सफर शुरु हुला, ते अरिस्तर्खुस वी अम्चे लारे सफर करने आला यात्री हुता, ते जको मकिदुनिया प्रदेस चे थिस्सलुनिके शहर चा रेहणे आला हुता।

रोमियां 15:26

कांकि मकिदुनिया ते अखाया प्रदेस चे लौका नु ईं आच्छे लाग़ले कि, यरुशलेम चे नरीकारा चे लौक जको कंगाल छी वांचे वास्ते कोच्छ चंद ङिहें।

फिलिप्पियां 1:1

मसीह ईशु चा दास पौलुस ते तीमुथियुस ची तरफु, सब पवित्र लौका चे नांवे जको मसीह ईशु मां हुती कर फिलिप्पी मां रिही, मुखिया ते सेवका समेत।

फिलिप्पियां 1:5

कांकि पेहले ङिओ कनु आज़ तक तम्ही सुसमाचार चे प्रचार मां माये लारे शामिल रेहले।

1 थिस्सलुनीकियां 2:2

बल्कि तम्ही आप जाणा, कि पेहले-पेहले फिलिप्पी मां ङोख चवणे ते जुलम सेहणे पर वी अम्चे नरीकारा ने अम्हानु इसड़ी हिम्मत ङिली, कि अम्ही नरीकारा चा सुसमाचार तकड़ा विरोध हुते हुले वी तम्हानु सुणाऊं।