प्रेरितां चे काम 15:25 - ओङ राजपूत

²⁵ ऐवास्ते अम्ही हेक मन हुती कर हा फैंसला करला कि, चुणले आले बन्दा नु आपणे प्यारे बरनबास ते पौलुस चे लारे तम्चे गोढु भेज़ु।

प्रेरितां चे काम 15:25 ပူးပေါင်းရင်းမြစ်များ

मत्ती 11:26

हव्वे, हे ब़ा कांकि तनु ईं आच्छे लाग़ले।

लूका 1:3

ऐवास्ते मनु वी ईं आच्छे लाग़ले कि वा सारीया बाता चा सब हाल शुरु कनु ठीक-ठीक जांच करती कर, वानु दुधे वास्ते क्रमानुसार लिखे,

प्रेरितां चे काम 1:14

ये सारे कई असतरीया ते ईशु ची आई मरियम ते ओचे भावां लारे मन लाती प्राथना मां लाग़ले रेहले।

प्रेरितां चे काम 15:2

जिसे बेले पौलुस ते बरनबास चा वांचे लारे घणा झग़ड़ा ते बहस-बाजी हुली, ते ईं ठहराले गेले कि पौलुस ते बरनबास नु कोच्छ नेरा चैला चे लारे ये बाते चे बारे मां सोच-विचार चे मकसद लारे प्रेरितां ते कलीसिया चे अग़ुवा चे गोढु यरुशलेम सनु भेज़ती ङिले जाओ।

प्रेरितां चे काम 15:22

ऐवास्ते सारी कलीसिया समेत प्रेरितां नु ते अग़ुवा नु ईं ठीक लाग़ले कि आपणे ही महु कोच्छ बन्दा नु चुणती कर पौलुस ते बरनबास चे लारे अन्ताकिया शहर भेज़ती ङिले जाओ, वाणे ऐचे वास्ते यहूदा जानु बरसब्बा चे नांवा लारे वी जाणते ते सीलास नु चुणती गेले ये विश्‍वासी भावां मां प्रधान हुते।

प्रेरितां चे काम 15:35

ते पौलुस ते बरनबास अन्ताकिया शहरा मां रेहती गेले, ते नेरे घणा लौका लारे प्रभु चे वचन चा उपदेश करते ते सुसमाचार सुणाते रेहले।

प्रेरितां चे काम 15:6

तब प्रेरित ते अग़ुवे ये बाते चे बारे मां सोच-विचार करने चे मकसद लारे भेले हुले।

प्रेरितां चे काम 2:1

जिसे बेले पिन्तेकुस्त तेंहवार चा ङिओ आला, वे सारे हेकी जग़हा भेले हुले।

प्रेरितां चे काम 2:46

ते वे रोजाना हेक मन हुती कर मन्दरा मां भेले हुते, ते घरा-घरा मां जती कर बच्‍चड़ रोटी खाणे ते खुशी लारे मना ची सिधाई लारे रलती-मिलती कर खाणे खाते,

रोमियां 16:12

त्रूफेना ते त्रूफोसा नु जको प्रभु मां मेहनत करने आलीया नु नमस्कार। प्यारी पिरसिस प्रभु मां घणी मेहनत करने आली नु नमस्कार।

1 कुरिन्थियां 1:10

हे माई ब़ेहणी ते भऊ, आपणे प्रभु ईशु मसीह चे नांवा मां माई तम्चे कनु बिनती छै कि तम्ची आपस मां हेक बात हो ते तम्चे मां फूट ना हो, पर हेक मन ते हेक ही मत्त हुती कर मिड़ले रिहा।

गलातियां 2:9

जिसे बेले वाणे ओ अनुग्रह नु जको मनु मिड़ला हुता समझती गेले, तां याकूब, ते यूहन्‍ना, ते पतरस जको कलीसिया चे खम्बे समझले जते, मनु ते बरनबास नु आपणी संगति चा सज़्ज़ा हाथ ङिला, कि अम्ही नेरीया जातिया मां जऊं ते वे खतना करले आले यहूदी लौका मां,

इफिसियां 6:21

तुखिकुस, जको प्यारा भऊ ते प्रभु मां विश्‍वास चे लायक सेवक छै, तम्हानु सारीया बाता बावड़ी कि तम्ही वी माई दशा नु जाणा कि मैं किवें रिहे पला।

कुलुस्सियां 4:7

प्यारा भऊ, ते विश्‍वास चे लायक सेवक, तुखिकुस, जको प्रभु मां माये लारे काम करने आला छै, माया सारीया बाता तम्हानु बावड़ती ङी।

कुलुस्सियां 4:9

ओचे लारे मैं उनेसिमुस नु भेज़ले, जको विश्‍वास चे लायक ते प्यारा भऊ ते तम्चे महु ही छै, ये ङोनी तम्हानु इठलीया सारीया बाता बावड़ती ङिये।

फिलेमोन 1:16

पर ओनु बल्ति सेवक जिसड़ा कोनी पर सेवक कनु वी बढ़ती कर खास करती माये वास्ते ओह प्यारा भऊ जिसड़ा छै, पर दुधे वास्ते काया मैं सेवक ते प्रभु मां भऊ कनु बढ़ती कर छै।

2 पतरस 3:15

ते अम्चे प्रभु ची तसल्‍ली नु उद्धार समझा जिंवे अम्चे प्यारे भऊ पौलुस ने वी ओ ज्ञान चे अनुसार जको ओनु नरीकारा ची ओर कनु मिड़ला, तम्हानु लिखले।