प्रेरितां चे काम 14:5 - ओङ राजपूत

⁵ पर जिसे बेले नेरीया जातिया ते यहूदी वांचा अपमान ते पत्थर मारणे वास्ते आपणे सरदारा समेत वांचे पतरस ते बरनबास सनु द्रोड़ले।

प्रेरितां चे काम 14:5 ပူးပေါင်းရင်းမြစ်များ

मत्ती 5:44

पर मैं तम्हानु ईं किहे कि आपणे दुश्मना लारे प्रेम राखा ते आपणे सतावणे आला वास्ते प्राथना करा,

लूका 6:28

जको तम्हानु श्राप ङी, वानु आशीष ङिया, जको तम्चा अपमान करी, वांचे वास्ते प्राथना करा,

प्रेरितां चे काम 13:45

पर यहूदी भीड़ नु ङेखती कर गैरती मां भरीती गेले, ते निन्दा करते हुले पौलुस चीया बाता चे विरोध मां ब़ोलु लाग़ती गेले।

प्रेरितां चे काम 13:50

पर यहूदिया ने शहरा चा भलीया, ऊंचे कोल्‍ल चीया असतरीया नु ते शहरा चा खास बन्दा नु भड़काती नाखले, ते पौलुस ते बरनबास उपर दोष लवाती कर वानु आपणी हद्दी कनु ब़ाहरु कढ़वाती छोड़ले।

प्रेरितां चे काम 14:19

पर कोच्छ यहूदी अन्ताकिया ते इकुनियुम शहरा कनु आती कनु लौका नु आपणे पक्ष मां करती गेले, ते पौलुस चे उपर पत्थराव करला, ते मरले आले समझती कर ओनु शहरा ब़ाहरु घींसती कर ब़ाहरु छिकती गेले।

प्रेरितां चे काम 14:2

पर जिसा यहूदी बन्दा ने विश्‍वास कोनी करला हुता, वाणे नेरीया जातिया आला बन्दा नु भड़काती नाखले ते वांचे मना मां विश्‍वासी भावां चे विरोध जहर भरती ङिला।

प्रेरितां चे काम 14:4

पर शहरा चे लौका मां आपस मां फूट पड़ती गेलती, कोच्छ लौक तां यहूदिया सनु, ते कोच्छ लौक प्रेरितां सनु हुती गेले।

प्रेरितां चे काम 17:5

पर कोच्छ यहूदी गुस्से लारे भरीती गेले, ते बजारा महु कोच्छ बदमाश लौका नु भेले करती कर आपणे लारे मिलाती गेले ते भीड़ लाती कर शहर चे चौका मां हुल्‍लड़ करु लाग़ले। वाणे यासोन चे घरा मां धावा ब़ोलती ङिला, ते हा कोशिस करु लाग़ले कि कुई तरीके लारे पौलुस ते सीलास नु लौका चे सामणे आणो।

2 कुरिन्थियां 11:26

मैं बार-बार सफरा मां, नदीया चे जोखिमा मां, ङाकुवा चे जोखिमा मां, आपणी जाति ची वजह कनु जोखिमा मां, नेरीया जातिया ची वजह कनु जोखिमा मां, शहरा मां रेहणे आला ची वजह कनु, खतरनाक ब्याबान मां, भयानक समुन्दरा चे जोखिमा मां, कूड़े भावां चे बीच मां खतरनाक स्थिति मां रेहला।

1 थिस्सलुनीकियां 2:14

ऐवास्ते कि तम्ही, हे माये भऊ ते ब़ेहणीया, नरीकारा ची वां कलीसिया ची जिसड़ी चाल चलु लाग़ले, जको यहूदिया मां मसीह ईशु मां छी, कांकि तम्ही वी आपणे लौका कनु इसड़े ही ङोख झड़ले, जिसड़े वाणे यहूदिया कनु झड़ले।

1 थिस्सलुनीकियां 2:16

ते वे नेरीया जातिया नु वांचे उद्धार वास्ते बाता करने कनु अम्हानु रोकी, नतीजा हा छै, कि वे सदा आपणे पापा चे ठां भरते रिही, पर अन्त मां तां नरीकारा चा भयानक गुस्सा वांचे उपर आती पुज़ला।

1 थिस्सलुनीकियां 2:2

बल्कि तम्ही आप जाणा, कि पेहले-पेहले फिलिप्पी मां ङोख चवणे ते जुलम सेहणे पर वी अम्चे नरीकारा ने अम्हानु इसड़ी हिम्मत ङिली, कि अम्ही नरीकारा चा सुसमाचार तकड़ा विरोध हुते हुले वी तम्हानु सुणाऊं।

2 तीमुथियुस 3:11

माये वा कष्टा मां ते ङुखा मां माया साथ ङिला, ते तम्ही तां जाणा ही कि इसड़े ङुखा मां वी जको अन्ताकिया ते इकुनियुम ते लुस्त्रा मां माये उपर पड़ले हुते ते नेरे-नेरे ङुखा मां वी, जको मैं चले हुते, पर प्रभु ने मनु वा सारा कनु छुड़ाती गेले।