प्रेरितां चे काम 14:23 - ओङ राजपूत

²³ ते वाणे हर हेक कलीसिया मां वांचे वास्ते अग़ुवा नु चुणले, ते उपवास ते प्राथना करती कर वानु प्रभु चे हाथा मां सोंपले जाये उपर वाणे विश्‍वास करला हुता।

प्रेरितां चे काम 14:23 ပူးပေါင်းရင်းမြစ်များ

मत्ती 17:21

“पर हा जाति बिना प्राथना ते उपवास चे ना निकली।”

मरकुस 3:14

तब ओणे ब़ारहा चैला नु चुणती गेले ते वानु प्रेरित चा पद्द ङिला कि वे ओचे लारे-लारे रिहो, ते ओ वानु भेज़ो कि वे प्रचार करो।

लूका 2:37

पर हमा वा बांढी चोरासी साला ची हुती, ते मन्दरा नु ना छोड़ती, पर उपवास ते प्राथना करती करती कर रात-ङिओ उपासना करती रेहती।

लूका 23:46

ते ईशु ने ऊंची अवाजी मां साङ मारती कर केहले, “हे ब़ा, मैं आपणी आत्मा दुधे हाथा मां सोंपे पला।” ते ईं केहती कर जेन्द छोड़ती ङिली।

प्रेरितां चे काम 1:24

ते हा केहती कर प्राथना करली, “हे प्रभु, तु जको सारा चे मना नु जाणी, ईं उजागर कर कि जा ङुंहु महु तु कानु चुणले।

प्रेरितां चे काम 11:30

ते वाणे इसड़े ही करले, ते बरनबास ते शाऊल चे हाथे हर कलीसिया चे अग़ुवा चे गोढु कोच्छ भेज़ती ङिले।

प्रेरितां चे काम 14:26

ते उठु कनु पाणीया आले जहाजा मां ब़ेसती कर अन्ताकिया शहरा मां पुज़ले, जिठु कनु वानु नरीकारा चे अनुग्रह मां सोंपती कर ओ कामा वास्ते भेज़ले हुते, जानु वे हमा पुरे करती कर पुठे आती गेले।

प्रेरितां चे काम 15:23

वाणे वांचे हाथु हा चिठ्ठी लिखती भेज़ती ङिली कि, “अन्ताकिया ते सीरिया ते किलिकिया चे रेहणे आले भावां नु जको नेरीया जातिया महु छी, प्रेरित ते अग़ुवा भावां चा नमस्कार।

प्रेरितां चे काम 15:4

जिसे बेले वे यरुशलेम पुज़ले, ते विश्‍वासी ते प्रेरित ते कलीसिया चे अग़ुवे वानु बङी खुशी लारे मिड़ले, ते वाणे बावड़ले कि नरीकारा ने वांचे लारे हुती कर किसड़ी बङी-बङी कामे करली।

प्रेरितां चे काम 15:6

तब प्रेरित ते अग़ुवे ये बाते चे बारे मां सोच-विचार करने चे मकसद लारे भेले हुले।

प्रेरितां चे काम 20:17

ते पौलुस ने मिलेतुस शहरा कनु इफिसुस शहरा चे वास्ते हा सनेसा भेज़ला, ते कलीसिया चे अग़ुवा नु हकरवाले।

प्रेरितां चे काम 20:32

“ते हमा मैं तम्हानु नरीकारा नु, ते ओचे अनुग्रह चे वचना नु सोंपती ङिये पला, जको तम्ची बढ़ोतरी कर सग़ी, ते सारे पवित्र करले गेले लौका मां सहभागी हुती ते विरासत ङे सग़े।

2 कुरिन्थियां 8:19

ते इतने ही कोनी, पर ओ कलीसिया चे जरिये ठहराला वी गेला कि ये दान चे कामा वास्ते अम्चे लारे जाओ ते अम्ही हा सेवा ऐवास्ते करु, कि प्रभु ची महिमा ते अम्चे मना ची तियारी प्रकट हुती जाओ।

1 तीमुथियुस 5:1

कुई ब़ुढ़े नु ना दड़का, पर ओनु ब़ा जाणती कर समझाती ङे, ते जवाना नु भऊ जाणती कर।

1 तीमुथियुस 5:22

कलीसिया चा अग़ुवा बणावणे चे वास्ते काये उपर तुरन्त हाथ ना मेहलजा। ङुजा चे पापा मां भाग़ी ना हुजा। आपणे आप नु पवित्र बणाती राखा।

2 तीमुथियुस 1:12

येही वजह मैं ऐ कैदखाने चे ङुखा नु चवे पला, पर शर्म ना करी, कांकि मैं ओनु जाये उपर मैं विश्‍वास करला, जाणे पला, ते मनु पक्‍के छै कि जको मनु सोंपला गेला ओ आखरी ङिओ तक रखवाली करी।

2 तीमुथियुस 2:2

ते मसीह चे बारे मां जको वी बाता घणा ग़वाह चे सामणे माये कनु सुणलीया, वानु विश्‍वास करने आला बन्दा नु सिखाती ङे, जको नेरा नु सिखावणे चे लायक हो।

तीतुस 1:5

मैं ऐवास्ते तनु क्रेते मां छोड़ली आलता, कि तु बाकि रेहले आले कामा नु सुधार, ते माई आज्ञा चे अनुसार शहरा शहरा मां अग़ुवा नु नियुक्‍त कर।

याकूब 5:14

अगर तम्चे बीच मां कुई रोग़ी बन्दे हो, तां कलीसिया चे अग़ुवा नु हकरवाणे चाही छै कि वे आती कर ओचे वास्ते प्राथना करो, ते ओचे उपर प्रभु चे नांवा लारे तेल लाओ।

1 पतरस 5:1

तम्चे महु जको अग़ुवा छै, मैं वांचे आलीकर अग़ुवा ते मसीह चे ङुखा चा ग़वाह ते प्रकट हुवणे आली महिमा मां भईवाल हुती कर वानु ईं समझावे पला,

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।

2 यूहन्‍ना 1:1

मैं यहून्‍ना, कलीसिया चा अग़ुवा हा चिठ्ठी वांचे नांवे लिखे पला। वा चुणली आली असतरी ते विचे ब़ाला चे नांवे, जाये लारे मैं सच्‍चा प्रेम राखे, ते सेर्फ मैं ही कोनी बल्कि वे वी सारे प्रेम राखी जको सच्‍चाई नु जाणी।

3 यूहन्‍ना 1:1

मैं यहून्‍ना, कलीसिया चा अग़ुवा हा चिठ्ठी प्यारे गयुस चे नांवे लिखे पला, जाये लारे मैं सच्‍चा प्रेम राखे।