प्रेरितां चे काम 14:22 - ओङ राजपूत

²² ते वे चैला चे मना नु मजबूत करते रेहले ते हा उपदेश करते कि विश्‍वासा मां बणले रिहा, ते ईं केहते कि, “अम्हानु बङे क्लेश भोग़णे जरुरी छै नरीकारा चे राज़ मां जाणे वास्ते।”

प्रेरितां चे काम 14:22 ပူးပေါင်းရင်းမြစ်များ

मत्ती 10:38

ते जको आपणा क्रूस चती कर माये भांसु ना टुरी ओ माये लायक कोनी।

मत्ती 16:24

बल्ति ईशु ने आपणे चैला नु केहले, “अगर कुई माये भांसु आणा चाहवे, तां आपणे आप कनु इन्कार करो, ते आपणा क्रूस चती कर माये भांसु हुती पड़ो।

मत्ती 19:24

तम्हानु बल्ति किहे पला कि नरीकारा चे राज़ मां धनवान चे जाणे कनु ऊंठा चे सुई चे दुक्‍का महु निकलती जाणे आसान छै।”

मरकुस 10:30

ते हमा ऐ समय साओ गुणा ना गिहो, घर ते भावां नु ते ब़ेहणीया नु ते आईया नु ते ब़ाला-ब़च्‍चा नु ते खेता नु, पर सताव चे लारे ते परलोक मां अनन्त जीवन मिली।

मरकुस 9:47

अगर दुधी आंख तनु ठोकर खुलाओ तां विनु काढ़ती नाख। काणा हुती कर नरीकारा चे राज़ मां जाणे दुधे वास्ते ऐचे कनु भले छै कि ङोन आंखी रेहते हुले तु नर्का मां नाखला जई।

लूका 24:26

का जरुरी कोनी हुते कि मसीह ईं ङोख चती कर नरीकारा ची महिमा मां लंघती जाओ?”

यूहन्‍ना 15:18

“अगर संसार तम्चे लारे बैर राखे, तां तम्हानु पता छै कि ओणे तम्हा कनु पेहले माये लारे बैर राखला।

यूहन्‍ना 15:20

जको बात मैं तम्हानु केहली हुती, ‘दास आपणे मालिक कनु बङा ना हुवी,’ विनु याद राखा। अगर वाणे मनु सताले, तां तम्हानु वी सतावे, अगर वाणे माई बात मनली, तां तम्ची वी मने।

यूहन्‍ना 16:33

“मैं ये बाता तम्हानु ऐवास्ते केहलीया कि, तम्हानु माये मां शान्ति मिलो। संसारा मां तम्हानु क्लेश हुवे। पर हिम्मत राखा! मैं संसारा नु जीतती गेले।”

यूहन्‍ना 3:5

ईशु ने उत्तर ङिला, “मैं तम्हानु सच्‍च-सच्‍च किहे पला, जब तक कुई इन्सान जल ते आत्मा लारे ना जमही तां ऊं नरीकारा चे राज़ मां जा ना सग़ी।

प्रेरितां चे काम 11:23

ओ ओठे पुज़ती कर, ते नरीकारा चे अनुग्रह नु ङेखती कर मगन हुला, ते सब नु उपदेश ङिला कि तन मन लाती कर प्रभु लारे मन लाली रिहा।

प्रेरितां चे काम 11:26

ते जिसे बेले वानु मिड़ला तां ओनु अन्ताकिया मां आणले ते इसड़े हुले कि वे हेक साला तक कलीसिया चे लारे मिलते ते ब़ोहत सारे लौका नु उपदेश ङिते रेहले। ते चैले सारा कनु पेहले अन्ताकिया मां ही “मसीह” किहवाले।

प्रेरितां चे काम 11:29

बल्ति चैला ने फैंसला करला कि हर हेक आपणी-आपणी पूंजी चे अनुसार यहूदिया प्रदेस मां रेहणे आले विश्‍वासी भावां ची मदत वास्ते कोच्छ भेज़ु।

प्रेरितां चे काम 13:43

ते जिसे बेले प्राथनाघरा मां सभा खत्तम हुती गेली ते यहूदी ते यहूदी मत्त महु आले हुले भग़ता महु ब़ोहत से पौलुस ते बरनबास चे भांसु टुरती पले, ते वाणे बाता करती कर वानु समझाले, कि नरीकारा चे अनुग्रह मां बणले रिहा।

प्रेरितां चे काम 14:20

पर जिसे बेले चैले पौलुस चे चारो-तरफ आती भिले रेहले, ते ओ खड़ा हुती कर शहरा सनु गेला। ते ङुजे ङिओ बरनबास चे लारे दिरबे शहर सनु चाह्‍ला गेला।

प्रेरितां चे काम 14:28

पौलुस ते बरनबास अन्ताकिया आले चैला लारे घणी सारी ङिहें रेहले।

प्रेरितां चे काम 15:32

यहूदा ते सीलास जको खौद्द वे आप ही भविष्यवक्‍ता हुते, घणीया बाता लारे भावां नु उपदेश सुणाती ते हिम्मत ब़न्धवाली।

प्रेरितां चे काम 15:41

वे सीरिया ते किलिकिया प्रदेसा कनु हुते हुले कलीसिया नु मजबूत करते हुले उग़ते बधते गेले।

प्रेरितां चे काम 18:23

अन्ताकिया शहर मां कोच्छ ङिहें रेहती कर, ओ उठु टुरला ते शहर-शहर यात्रा करता हुला सारे गलातिया प्रदेस ते फ्रूगिया इलाके मां सारा चैला नु पक्‍के करता फिरला।

प्रेरितां चे काम 6:7

ते नरीकारा चा वचन फैलता गेला ते यरुशलेम मां चैला ची गिणती ब़ोहत बधती गेली ते याजका चा हेक बङा समाज ऐ मत्त नु मनणे आला हुती गेला।

प्रेरितां चे काम 9:16

ते मैं ओनु बावड़ी, कि माये नांवा वास्ते ओनु किसड़े-किसड़े ङोख चवणे पड़े।”

रोमियां 8:17

ते अगर ऊलाद्ध छिऊं तां वारिस वी छिऊं, बल्कि नरीकारा चे वारिस ते मसीह चे संगी वारिस छिऊं। जिसे बेले अम्ही ओचे लारे ङोख चऊं तां ओचे लारे महिमा वी गिहुं।

1 कुरिन्थियां 1:8

ओही तम्हानु अन्त तक मजबूत वी करी, कि तम्ही अम्चे प्रभु ईशु मसीह चे ङिओ मां बेकसूर ठहरा।

फिलिप्पियां 1:29

कांकि मसीह ची वजह कनु तम्हानु हा मौका मिड़ला, सेर्फ हेको ब़स ओचे उपर विश्‍वास करा, पर ओचे वास्ते ङोख वी चवा।

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।

1 थिस्सलुनीकियां 3:13

कि ईशु तम्चे मना नु इसड़े मजबूत करो, कि जब अम्चा प्रभु ईशु मसीह आपणे सारे पवित्र लौका लारे आओ, तां वे अम्चे नरीकार ते ब़ा चे सामणे पवित्रता मां बेकसूर बणाती नाखो।

2 तीमुथियुस 1:8

ऐवास्ते अम्चे प्रभु ची ग़वाही चे लारे, ते माये कनु जको ओचा मैं कैदी छै, शर्मसार ना हो, पर वे नरीकारा ची ताकत चे अनुसार सुसमाचार चे वास्ते माये लारे ङोख चा।

2 तीमुथियुस 3:12

पर जितने ईशु मसीह ची सेवा मां जको नेकी ते भग़ती चे लारे जीवन बिताणे चाहवी वे सारे सताले जाये।

1 पतरस 2:21

नरीकारा ने तम्हानु ऐवास्ते हकारले, कांकि मसीह ने वी तम्चे वास्ते ङोख भोग़ले, ते इसड़े करती कर तम्चे वास्ते हेक मिसाल छोड़ली, कि तम्ही वी ओचे चैन्ह उपर चला। कांकि यूं लिखले पले,

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।

1 पतरस 5:9

विश्‍वासा मां मजबूत हुती कर ओचा सामना करा, कांकि तम्ही ईं जाणा तम्चे भऊ संसारा मां छी यूंही ङोख सीही पले।

2 पतरस 1:11

बल्कि यूं करती तम्ही अम्चे प्रभु ते उद्धारकर्ता ईशु मसीह चे अनन्त राज़ मां बङे कद्दरा लारे स्वागत करला जई।

यहूदा 1:3

हे प्यारे, जब मैं तम्हानु ओ उद्धार चे बारे मां लिखणे मां घणी सारी मेहनत ते कोशिस करे पलता, जाये मां अम्ही सब भईवाल छिऊं, तां मैं तम्हानु ईं समझाणे जरुरी समझले कि ओ विश्‍वास चे वास्ते पूरा यतन करा जको नरीकारा चे पवित्र लौका नु हेक ही वारी सोंपला गेला हुता।

प्रकाशितवाक्य 1:9

मैं यूहन्‍ना जको तम्चा भऊ, ते ईशु मसीह चे क्लेश, ते राज़ ते सब्रा मां तम्चा भईवाल छै, नरीकारा चे वचन ते ईशु ची ग़वाही ची वजह कनु पतमुस चे टापू मां मनु भेज़ले गेले हुते।

प्रकाशितवाक्य 2:10

जको ङोख तनु भोग़णे हुवे वाकनु ना ङर। कांकि ङेखा, शैतान तम्हा महु कईयां नु कैदखाने मां नाखणे उपर छै, कि तम्ही परखले जावा ते तम्हानु ङस ङिहां तक क्लेश चवणे पड़े। मरणे तक विश्‍वासी बणले रिहा तां मैं तम्हानु जीवन चा मुग़ट ङी।

प्रकाशितवाक्य 7:14

मैं ओनु केहले, “हे मालिक, तु ही जाणी।” ओणे मनु केहले, “ये वे छी जको बङे क्लेशा महु निकलती कर आले। यांणे आपणी-आपणी ओढ़णी मैमणे चे लुहींया लारे धोती कर चिट्टी करली।