प्रेरितां चे काम 14:19 - ओङ राजपूत

¹⁹ पर कोच्छ यहूदी अन्ताकिया ते इकुनियुम शहरा कनु आती कनु लौका नु आपणे पक्ष मां करती गेले, ते पौलुस चे उपर पत्थराव करला, ते मरले आले समझती कर ओनु शहरा ब़ाहरु घींसती कर ब़ाहरु छिकती गेले।

प्रेरितां चे काम 14:19 ပူးပေါင်းရင်းမြစ်များ

प्रेरितां चे काम 13:14

ते पिरगा कनु हुते हुले पिसिदिया इलाके चे अन्ताकिया शहरा मां पुज़ले। ते सब्त चे ङिओ यहूदी प्राथनाघरा मां जती कर ब़ेसती रेहले,

प्रेरितां चे काम 13:45

पर यहूदी भीड़ नु ङेखती कर गैरती मां भरीती गेले, ते निन्दा करते हुले पौलुस चीया बाता चे विरोध मां ब़ोलु लाग़ती गेले।

प्रेरितां चे काम 14:1

इकुनियुम मां इसड़े हुले कि पौलुस ते बरनबास यहूदिया ची प्राथनाघरा मां लारे-लारे गेले, ते इसड़ीया बाता केहलीया कि, यहूदी ते यूनानी ङुंहु महु घणा सारा बन्दा ने विश्‍वास करला।

प्रेरितां चे काम 14:18

ईं केहती कर वाणे लौका नु बङी मुश्किल लारे रोकले कि वांचे वास्ते बलिदान ना करो।

प्रेरितां चे काम 14:2

पर जिसा यहूदी बन्दा ने विश्‍वास कोनी करला हुता, वाणे नेरीया जातिया आला बन्दा नु भड़काती नाखले ते वांचे मना मां विश्‍वासी भावां चे विरोध जहर भरती ङिला।

प्रेरितां चे काम 14:21

ते वे ओ शहरा चे लौका नु सुसमाचार सुणाती ते ब़ोहत सारे चैले बणाती कर। लुस्त्रा ते इकुनियुम शहर हुते हुले पिसिदिया इलाके चे गोढु आले अन्ताकिया पुठे आले।

प्रेरितां चे काम 14:26

ते उठु कनु पाणीया आले जहाजा मां ब़ेसती कर अन्ताकिया शहरा मां पुज़ले, जिठु कनु वानु नरीकारा चे अनुग्रह मां सोंपती कर ओ कामा वास्ते भेज़ले हुते, जानु वे हमा पुरे करती कर पुठे आती गेले।

प्रेरितां चे काम 14:4

पर शहरा चे लौका मां आपस मां फूट पड़ती गेलती, कोच्छ लौक तां यहूदिया सनु, ते कोच्छ लौक प्रेरितां सनु हुती गेले।

प्रेरितां चे काम 14:5

पर जिसे बेले नेरीया जातिया ते यहूदी वांचा अपमान ते पत्थर मारणे वास्ते आपणे सरदारा समेत वांचे पतरस ते बरनबास सनु द्रोड़ले।

प्रेरितां चे काम 15:26

ये तां इसड़ी इन्साने छी जेह्णे अम्चे प्रभु ईशु मसीह चे नांवा वास्ते आपणी जान ची बाजी लाती ङिली हुती।

प्रेरितां चे काम 17:13

पर जिसे बेले थिस्सलुनिके शहरा चे यहूदिया नु पता लाग़ला कि पौलुस बिरीया मां वी नरीकारा चे वचना चा प्रचार करे पला, ते ओठे वी जती कर लौका नु भड़काऊ ते हलचल मचाऊं लाग़ले।

प्रेरितां चे काम 22:20

जब दुधे ग़वाह स्तिफनुस चे लुहीं बाहले जाये पलते तब मैं वी ओठे भिला हुता, ते ये बाते मां सहमत हुता, ते ओचे मारणे आला चे खेस चादरा ची रखवाली करे भीलता।’

प्रेरितां चे काम 7:58

ते ओनु वे शहरा चे ब़ाहर काढ़ती कर ओचे उपर पत्थराव करु लाग़ले। ग़वाह ने आपणे खेस चादरा शाऊल नांवा चे हेक जवाना चे पग़्ग़ा चे गोढु उतारती कर मेहलती ङिले।

प्रेरितां चे काम 9:16

ते मैं ओनु बावड़ी, कि माये नांवा वास्ते ओनु किसड़े-किसड़े ङोख चवणे पड़े।”

1 कुरिन्थियां 15:31

हे माये भऊ, मनु तम्चे उपर ये गर्व बाते छै, कि जको तम्ही मसीह ईशु मां बणले पले, ये वजह कनु मैं हर ङिओ मौत चा सामना करे।

2 कुरिन्थियां 11:23

का वे ही मसीह चे सेवक छी? मैं पाग़ला आलीकर किहे मैं वांचे कनु बधती कर छै। ज्यादा मेहनत करने मां, बार-बार कैद हुवणे मां, कोड़े खाणे मां, बार-बार मौत चे जोखिम चवणे मां।

2 कुरिन्थियां 11:25

तीन वारी मैं बैंता लारे कुटीला, हेक वारी माये उपर पत्थराव हुला, तीन वारी पाणीया आले जहाजा मां मैं चढ़ला हुता भान्ती गेले, हेक वारी रात-ङिओ मैं समुन्दरा मां बिताला।

2 कुरिन्थियां 11:26

मैं बार-बार सफरा मां, नदीया चे जोखिमा मां, ङाकुवा चे जोखिमा मां, आपणी जाति ची वजह कनु जोखिमा मां, नेरीया जातिया ची वजह कनु जोखिमा मां, शहरा मां रेहणे आला ची वजह कनु, खतरनाक ब्याबान मां, भयानक समुन्दरा चे जोखिमा मां, कूड़े भावां चे बीच मां खतरनाक स्थिति मां रेहला।

1 थिस्सलुनीकियां 2:14

ऐवास्ते कि तम्ही, हे माये भऊ ते ब़ेहणीया, नरीकारा ची वां कलीसिया ची जिसड़ी चाल चलु लाग़ले, जको यहूदिया मां मसीह ईशु मां छी, कांकि तम्ही वी आपणे लौका कनु इसड़े ही ङोख झड़ले, जिसड़े वाणे यहूदिया कनु झड़ले।

2 तीमुथियुस 3:11

माये वा कष्टा मां ते ङुखा मां माया साथ ङिला, ते तम्ही तां जाणा ही कि इसड़े ङुखा मां वी जको अन्ताकिया ते इकुनियुम ते लुस्त्रा मां माये उपर पड़ले हुते ते नेरे-नेरे ङुखा मां वी, जको मैं चले हुते, पर प्रभु ने मनु वा सारा कनु छुड़ाती गेले।