प्रेरितां चे काम 14:15 - ओङ राजपूत

¹⁵ “हे लौक, तम्ही का करा पले? अम्ही वी तां तम्चे आलीकर ङोख सोख भोग़णे आले इन्साने छिऊं, ते तम्हानु सुसमाचार सुणाऊं पले, कि तम्ही यां बेकार चीजा कनु अलग़ हुती कर जीते नरीकारा सनु फिरा, जेह्णे स्वर्ग़ ते धरती ते समुन्दर ते जको कोच्छ वांचे मां छी बणाले।

प्रेरितां चे काम 14:15 ပူးပေါင်းရင်းမြစ်များ

मत्ती 16:16

शमौन पतरस ने उत्तर ङिला, “तु जीते नरीकारा चा पूत मसीह छी।”

यूहन्‍ना 5:26

कांकि जिसी रीति लारे ब़ा आपणे आप मां जीवन राखे, वे रीति चे लारे ओणे पूता नु वी अधिकार ङिला कि आपणे आप मां जीवन राखो।

यूहन्‍ना 7:18

जको आपणे तरफु कहीं किहे ओ आपणी ही बढ़ाई चाहवे, पर जको आपणे भेज़णे आले ची बढ़ाई चाहवे ओही सच्‍चा छै, ते ओचे मां कुई खोट कोनी।

प्रेरितां चे काम 10:26

पर पतरस ने ओनु उठाणती कर केहले, “खड़ा हो, मैं वी तां इन्सान ही छै।”

प्रेरितां चे काम 13:32

“ते अम्ही तम्हानु ओ वायदे चे बारे मां जको नरीकारा ने अम्चे पुरखा लारे करला हुता, हा सुसमाचार सुणाऊं पले।

प्रेरितां चे काम 14:21

ते वे ओ शहरा चे लौका नु सुसमाचार सुणाती ते ब़ोहत सारे चैले बणाती कर। लुस्त्रा ते इकुनियुम शहर हुते हुले पिसिदिया इलाके चे गोढु आले अन्ताकिया पुठे आले।

प्रेरितां चे काम 14:7

ते ओठे वी वे सुसमाचार प्रचार करते रेहले।

प्रेरितां चे काम 16:30

ऐचे बाद ओ वानु ब़ाहरु गेहती कर ब़ोला, “श्रीमान, उद्धार गेहणे वास्ते मैं का करे?”

प्रेरितां चे काम 27:10

“हे सज़्ज़ण, मनु हा पता लाग़े पला कि अम्चा सफर होर वी खतरनाक हुवणे आला छै, ते माला चा, ते जहाजा चा वी, ते लारे अम्चे जानी चा वी नुकसान हुवणे आला छै।”

प्रेरितां चे काम 27:21

जिसे बेले वे घणे ङिहां तक भुक्‍के रेहती चुकले, ते पौलुस ने वांचे आधे मां भिले रेहती कर केहले कि, “हे सज़्ज़ण, हुवणे तां ईं हुते कि, तम्ही माई बात मनती कर, क्रेते टापू कनु जहाजा मां सफर ही ना करा हा ते ना ही हा आफत आवीया ते ना ही हा नुकसान चवणा पडे़हा।

प्रेरितां चे काम 27:25

ऐवास्ते, हे सज़्ज़ण, हिम्मत राखा। कांकि मैं नरीकारा उपर विश्‍वास राखे, कि जिसड़े मनु बावड़ले गेले, उसड़े ही हुवी।

प्रेरितां चे काम 4:24

ईं सुणती कर वाणे हेक चेत्त हुती कर ऊंची अवाजी मां नरीकारा नु केहले, “हे स्वामी, तु ओही छी जेह्णे स्वर्ग़ ते धरती ते समुन्दर ते जको कोच्छ वांचे मां छी बणाले।

प्रेरितां चे काम 7:26

“ङुजे ङिओ जिसे बेले इस्राएली आपस मां भीड़ी पलते, तां ओ ओठे जती पुज़ला, ते ईं केहती कर वानु मेल-मिलाप करने वास्ते समझाले कि, ‘हे जवान तम्ही तां भऊ-भऊ छिवा हेके ङुजे उपर कां अन्याय करा?’

1 कुरिन्थियां 8:4

तां मूर्तिया चे सामणे बलि करली हुलीया चीजा नु खाणे चे बारे मां अम्ही जाणु कि सारे संसारा मां किठी वी मूर्तिया नरीकार कोनी ते हेक चे अलावा नेरा कुई नरीकार कोनी छै।

इफिसियां 4:17

ऐवास्ते मैं किहे पला ते प्रभु नु ग़वाह बणाती कर तम्हानु चिताती कर किहे पला कि जिंवे नेरीया जातिया चे लौक आपणे मना ची बेकार रीति उपर चली यूंही तम्ही ना चला।

1 थिस्सलुनीकियां 1:9

कांकि वे आप ही अम्चे बारे मां बावड़ी कि तम्चे गोढु अम्चे आवणे किसड़े हुले, ते तम्ही कांकि मूर्ता कनु नरीकारा ची तरफ फिरले ताकि जीते ते सच्‍चे नरीकारा ची सेवा करा

1 तीमुथियुस 3:15

कि अगर माये आणे मां देर हुवे तां तु जाणती गिहो, कि नरीकारा चा कुणम्बा, जको जीते नरीकारा ची कलीसिया छै, ते जको सच्‍चाई चा खम्बा, ते नीम छै, ओचे मां किसड़ा बर्ताव करना चाही छै।

इब्रानियां 3:12

हे माये भऊ, चौकस रिहा, कि तम्चे मां इसड़े बुरे ते अविश्‍वासी मन ना हो जको जीते नरीकारा कनु दूर हुती जाये।

याकूब 5:17

एलिय्याह वी तां अम्चे आलीकर ङोख सोख भोग़ी इन्सान हुते, ते ओणे गिड़गिड़ाती कर प्राथना करली कि मिंही ना बरसो। ते साढे तीन साला तक धरती उपर मिंही कोनी बरसला।

प्रकाशितवाक्य 14:7

ते ओणे बङी अवाजी लारे केहले, “नरीकारा कनु ङरा ते ओची स्तुति करा। कांकि ओचे न्यां करने चा समय आती गेला, ते भज़न गांवा, ते जेह्णे स्वर्ग़ ते धरती ते समुन्दर ते पाणीया चे सोते बणाले।”

प्रकाशितवाक्य 19:10

ते मैं ओनु ङण्डवत करने चे वास्ते ओचे पग़्ग़ा मां ढेला, ओणे मनु केहले, ङेख, “इसड़े ना कर, मैं दुधा ते दुधे भावां चे लारे चा दास छै, जको ईशु ची ग़वाही ङेणे उपर मजबूत छै, नरीकारा नु ही ङण्डवत कर, कांकि ईशु ची ग़वाही भविष्यवाणी ची आत्मा छै।”

प्रकाशितवाक्य 19:19

बल्ति मैं ङरावणे ढौर ते धरती चे राजा ते वांची सैना नु ते ओ घोड़े उपर सवार, ते ओची सैना लारे योद्ध करने चे वास्ते भेले हुले ङेखले।

प्रकाशितवाक्य 22:9

ते ओणे मनु केहले, “ङेख, तु इसड़े ना कर। कांकि मैं दुधा ते दुधे भावां चा ते भविष्यवक्‍ता चा ते ये किताबे चा बाता नु मनणे आला लारे चा दास छै। नरीकारा नु ही ङण्डवत कर।”

प्रकाशितवाक्य 4:11

“हे अम्चे प्रभु, ते नरीकार, तु ही महिमा, ते आदर, ते सामर्थ चे जोगा छी। कांकि तु ही सब चीजा सृजलीया ते वे दुधी ही इच्छा लारे हुतीया ते सृजलीया गेलीया।”