प्रेरितां चे काम 13:50 - ओङ राजपूत

⁵⁰ पर यहूदिया ने शहरा चा भलीया, ऊंचे कोल्‍ल चीया असतरीया नु ते शहरा चा खास बन्दा नु भड़काती नाखले, ते पौलुस ते बरनबास उपर दोष लवाती कर वानु आपणी हद्दी कनु ब़ाहरु कढ़वाती छोड़ले।

प्रेरितां चे काम 13:50 ပူးပေါင်းရင်းမြစ်များ

मत्ती 10:23

जिसे बेले वे तम्हानु हेके शहरा मां सतावी, तां ङुजे शहरा सनु द्रोड़ती जजा। मैं तम्हानु सच्‍च-सच्‍च किहे पला, तम्ही इस्राएल चे सारे शहरा मां ना फिरती चुका कि मैं इन्साना चा पूत आती जई।

मरकुस 15:43

अरिमतिया चा रेहणे आला यूसुफ आला, जको महासभा चा सदस्य हुता ते आप वी नरीकारा चे राज़ ची बाट ङेखता रेहता। ओ हिम्मत ब़ांथी कर पिलातुस कनु गेला ते ओकनु ईशु ची लाश मांगली।

मरकुस 5:17

बल्ति लौक ईशु कनु बिनती करली कि अम्ची हद्दी कनु ब़ाहर चाह्‍ला जा।

प्रेरितां चे काम 13:43

ते जिसे बेले प्राथनाघरा मां सभा खत्तम हुती गेली ते यहूदी ते यहूदी मत्त महु आले हुले भग़ता महु ब़ोहत से पौलुस ते बरनबास चे भांसु टुरती पले, ते वाणे बाता करती कर वानु समझाले, कि नरीकारा चे अनुग्रह मां बणले रिहा।

प्रेरितां चे काम 13:45

पर यहूदी भीड़ नु ङेखती कर गैरती मां भरीती गेले, ते निन्दा करते हुले पौलुस चीया बाता चे विरोध मां ब़ोलु लाग़ती गेले।

प्रेरितां चे काम 14:19

पर कोच्छ यहूदी अन्ताकिया ते इकुनियुम शहरा कनु आती कनु लौका नु आपणे पक्ष मां करती गेले, ते पौलुस चे उपर पत्थराव करला, ते मरले आले समझती कर ओनु शहरा ब़ाहरु घींसती कर ब़ाहरु छिकती गेले।

प्रेरितां चे काम 14:2

पर जिसा यहूदी बन्दा ने विश्‍वास कोनी करला हुता, वाणे नेरीया जातिया आला बन्दा नु भड़काती नाखले ते वांचे मना मां विश्‍वासी भावां चे विरोध जहर भरती ङिला।

प्रेरितां चे काम 14:4

पर शहरा चे लौका मां आपस मां फूट पड़ती गेलती, कोच्छ लौक तां यहूदिया सनु, ते कोच्छ लौक प्रेरितां सनु हुती गेले।

प्रेरितां चे काम 14:5

पर जिसे बेले नेरीया जातिया ते यहूदी वांचा अपमान ते पत्थर मारणे वास्ते आपणे सरदारा समेत वांचे पतरस ते बरनबास सनु द्रोड़ले।

प्रेरितां चे काम 16:14

लुदिया नांवा ची थुआथीरा शहरा ची हेक असतरी प्रभु उपर विश्‍वास राखणे आली हुती। वा मंहगी बैंजनी रंगा ची ओढ़णी बेचणे आली हुती वा बङे ध्यान लारे अम्चीया बाता सुणे पलती। प्रभु ने विचे मना चे दरवाजे खोलती ङिले ताकि, जको कोच्छ पौलुस किहे पलता, वा बाता नु ध्यानारीत सुणो।

प्रेरितां चे काम 17:12

ऐवास्ते वांचे महु घणीया ऊंचे कोल्‍ल चीया यूनानिया असतरीया ते मर्दा ने विश्‍वास करला।

प्रेरितां चे काम 17:13

पर जिसे बेले थिस्सलुनिके शहरा चे यहूदिया नु पता लाग़ला कि पौलुस बिरीया मां वी नरीकारा चे वचना चा प्रचार करे पला, ते ओठे वी जती कर लौका नु भड़काऊ ते हलचल मचाऊं लाग़ले।

प्रेरितां चे काम 17:17

ऐवास्ते ओ यहूदी प्राथनाघरा मां यहूदिया ते यूनानी भग़ता लारे ते शहर चे चौका मां जको लौक मिलते, वांचे लारे ओ हर ङिओ बहस-बाजी करता रेहता।

प्रेरितां चे काम 17:4

वांचे महु कईयां ने, ते नरीकारा कनु ङरणे अणगिणत यूनानी बन्दी, ते ऊंचे कोल्‍ल चा असतरीया ने वी मनती गेले, पौलुस ते सीलास लारे मिलती गेले।

प्रेरितां चे काम 18:7

बल्ति पौलुस यहूदी प्राथनाघरा कनु टुरती पला, ते तीतुस यूस्तुस नांवा चे बन्दे चे घरा मां आला, जको नरीकारा उपर विश्‍वास राखता, जाये घर यहूदी प्राथनाघरा चे गोढु हुते।

प्रेरितां चे काम 2:5

ते सब देशा महु आले यहूदी भग़त यरुशलेम मां आती कर रेहते।

प्रेरितां चे काम 21:27

जिसे बेले सात ङिहें पुरी हुली तां, एशिया इलाके कनु कोच्छ यहूदी ओठे आले ते पौलुस नु मन्दरा मां ङेखती कर सारा लौका नु भड़काले, ते ओठे अफरा-तफरी मचाती कर ईं केहती कर पौलुस नु पकड़ती गेले कि,

प्रेरितां चे काम 28:17

तीन ङिहां चे बाद पौलुस ने यहूदी प्रधाना ची हेक सभा हकरवाली, जिसे बेले वे भेले हुले तां वानु केहले कि, “हे माये भऊ, मैं आपणे लौका चे विरोध मां, जा पुरखा कनु चढ़ली आवे रीति रिवाज चे विरोध मां कोच्छ वी कोनी करले, फेर वी मैं कैदी बणाती कर यरुशलेम कनु रोमियां चे हाथा मां सोंपला गेला।

प्रेरितां चे काम 6:12

ते लौका ते बङका ते शास्त्रीया नु भड़काती कर चढ़ती आले ते ओनु पकड़ती कर महासभा मां गेहती आले।

प्रेरितां चे काम 8:1

ओही ङिओ यरुशलेम ची कलीसिया उपर बङा सताव हुं लाग़ती गेला, ते प्रेरितां नु छोड़ती कर सारे चे सारे जणे यहूदिया ते सामरिया देशा मां खिंडती-पुंडती गेले।

रोमियां 10:2

कांकि मैं वांची ग़वाही ङिये कि, वानु नरीकारा ची धोन्‍न लाग़ली रिहे, पर ब़ुध्दिमानी लारे कोनी।

2 कुरिन्थियां 11:26

मैं बार-बार सफरा मां, नदीया चे जोखिमा मां, ङाकुवा चे जोखिमा मां, आपणी जाति ची वजह कनु जोखिमा मां, नेरीया जातिया ची वजह कनु जोखिमा मां, शहरा मां रेहणे आला ची वजह कनु, खतरनाक ब्याबान मां, भयानक समुन्दरा चे जोखिमा मां, कूड़े भावां चे बीच मां खतरनाक स्थिति मां रेहला।

1 थिस्सलुनीकियां 2:14

ऐवास्ते कि तम्ही, हे माये भऊ ते ब़ेहणीया, नरीकारा ची वां कलीसिया ची जिसड़ी चाल चलु लाग़ले, जको यहूदिया मां मसीह ईशु मां छी, कांकि तम्ही वी आपणे लौका कनु इसड़े ही ङोख झड़ले, जिसड़े वाणे यहूदिया कनु झड़ले।

2 तीमुथियुस 3:11

माये वा कष्टा मां ते ङुखा मां माया साथ ङिला, ते तम्ही तां जाणा ही कि इसड़े ङुखा मां वी जको अन्ताकिया ते इकुनियुम ते लुस्त्रा मां माये उपर पड़ले हुते ते नेरे-नेरे ङुखा मां वी, जको मैं चले हुते, पर प्रभु ने मनु वा सारा कनु छुड़ाती गेले।