प्रेरितां चे काम 13:48 - ओङ राजपूत

⁴⁸ ईं सुणती कर नेरीया जातिया आले खौश हुले, ते नरीकारा चे वचना ची बढ़ाई करु लाग़ले, ते जितने अनन्त जीवन वास्ते ठहराले गेले हुते, वाणे विश्‍वास करला।

प्रेरितां चे काम 13:48 ပူးပေါင်းရင်းမြစ်များ

मत्ती 25:46

“ते बुरी बन्दी अनन्त ङण्ड भोग़े पर, धर्मी अनन्त जीवन मां जाये, जा हमेशा चे जीवन मां जाये।”

मत्ती 28:16

गियारा चैले गलील मां ओ पहाड़ा उपर गेले, जको ईशु ने वानु बावड़ला हुता।

लूका 7:8

मैं वी प्रायधीन इन्सान छै, ते सिपाही माये अधीन छी, ते जब मैं हेके नु किहे, ‘जा,’ तां ओ चाह्‍ला जाये, ते ङुजे नु किहे, ‘आ,’ तां ओ आती जाये, ते जब आपणे कुई दासा नु किहे ‘ईं कर,’ तां ओ करे।”

यूहन्‍ना 10:16

माया नेरीया वी भेङा छी जको वे ये भेङशाला ची कोनी। मनु वानु गेहती आणे जरुरी छै। वे वी माई अवाज सुणे, बल्ति हेक ही झोण्ड ते हेक ही आजड़ी हुवी।

यूहन्‍ना 11:52

ते ना सेर्फ ओह यहूदिया चे वास्ते, बल्कि ऐवास्ते कि नरीकारा ची खिंडली आली ऊलाद्धी नु हेक करती ङियो।

प्रेरितां चे काम 13:12

बल्ति हाकिम ने जको कोच्छ हुले हुते, ङेखती कर ते प्रभु चे उपदेश कनु हैरान हुती कर विश्‍वास करला।

प्रेरितां चे काम 13:42

जब पौलुस ते बरनबास यहूदी प्राथनाघरा चे ब़ाहरु जते बेले लौक वांचे कनु विनती करु लाग़ले कि, “आग़ले सब्त चे ङिओ ये बाता अम्हानु बल्ति सुणलीया जाओ।”

प्रेरितां चे काम 15:2

जिसे बेले पौलुस ते बरनबास चा वांचे लारे घणा झग़ड़ा ते बहस-बाजी हुली, ते ईं ठहराले गेले कि पौलुस ते बरनबास नु कोच्छ नेरा चैला चे लारे ये बाते चे बारे मां सोच-विचार चे मकसद लारे प्रेरितां ते कलीसिया चे अग़ुवा चे गोढु यरुशलेम सनु भेज़ती ङिले जाओ।

प्रेरितां चे काम 15:31

वे चिठ्ठी मां जको ओ सनेसा लिखला पलता ओनु पढ़ती कर वे बङे खौश हुले।

प्रेरितां चे काम 2:41

ऐवास्ते जेह्णे पतरस चे वचना नु स्वीकार करले ते बपतिस्मा गेहला, ते ओही ङिओ लगभग तीन हजार बन्दी वांचे मां शामिल हुती गेली।

प्रेरितां चे काम 2:47

ते नरीकारा ची स्तुति करते, ते सारे लौक वांचे लारे खौश हुते, ते जको नवें लौक उद्धार पाते, वानु प्रभु रोजाना विश्‍वासीया मां मिलाती ङिता।

प्रेरितां चे काम 20:13

अम्ही पेहले कनु ही जहाजा उपर चढ़ती कर अस्सुस सनु ऐ विचारा लारे आग़ु गेले, कि अम्ही उठु कनु पौलुस नु चढ़ाती गिहुं कांकि ओणे ईं ऐवास्ते ठहराले हुते, कि आप खौद्द ही पैदल जाणे आला हुता।

प्रेरितां चे काम 22:10

“तब मैं केहले, ‘हे प्रभु, मैं का करे?’ “प्रभु ने मनु केहले, ‘ऊठती कर दमिश्क नु जा, ते जको कोच्छ दुधे करने वास्ते ठहराले गेले ओठे तनु सारे कोच्छ बावड़ती ङिले जई।’

प्रेरितां चे काम 28:23

बल्ति वाणे पौलुस चे वास्ते हेक ङिओ तय करला, ते जिसे घरा मां ओ हुता घणी तदात मां लौक ओठे भेले हुती गेले। ते ओ नरीकारा चे राज़ ची ग़वाही ङिता हुला, ते मूसा ची व्यवस्था ते भविष्यवक्‍ता चा किताबा महु ईशु मसीह चे बारे मां सवेले कनु लाती कर आथणे तक साफ रीति लारे वानु समझाता रेहला।

प्रेरितां चे काम 8:8

ते ओ शहरा चे लौका मां बङी खुशी आती गेली।

रोमियां 11:7

बल्ति नतीजा का हुला? हा कि इस्राएली जाई खोज मां छी, ओ वानु कोनी मिड़ला। पर चुणला आला नु मिड़ला, ते बाकि लौक कठोर करले गेले छै।

रोमियां 13:1

हर-हेक इन्सान अधिकारीया चे अधीन रिहो, कांकि कुई अधिकार इसड़े कोनी, जको नरीकारा ची ओर कनु ना हो, ते जको अधिकार छी, वे नरीकारा चे ठहराले आले छी।

रोमियां 8:28

ते अम्ही जाणु कि, जको लौक नरीकारा लारे प्रेम राखे, वांचे वास्ते सारीया बाता मिलती कर भलाई ही नु पैदा करी यानिकि वांचे ही वास्ते जको ओची इच्छा चे अनुसार हकारले गेले छै।

1 कुरिन्थियां 16:15

हे माये भऊ, तम्ही स्तिफनास चे घराणे नु जाणा कि ओ अखाया प्रदेस चा पेहला फल छै, ते नरीकारा चे लौका ची सेवा वास्ते तियार रिहे।

इफिसियां 1:11

मसीह मां बणले आले जको आपणी इच्छा चे भली समझ चे अनुसार सब कोच्छ करी, ओणे आपणी योजना चे अनुसार अम्हानु पेहले कनु ठहराले कि उत्तरा अधिकारी बणने चा अधिकार मिलो।

इफिसियां 1:19

ते ओची सामर्थ मां जको अम्ही विश्‍वास करु, हा कितनी बङी बात छै, हा सारे ओचे महान शक्‍ति चे काम चे अनुसार छै।

इफिसियां 1:4

जिंवे नरीकारा ने अम्हानु संसारा ची उत्पत्ति कनु पेहले ओचे महु चुणती गेहले कि अम्ही ओचे गोढु, प्रेम मां पवित्र ते निर्दोष हुं,

इफिसियां 1:5

प्रेम मां नरीकार ची आपणी मर्जी लारे अम्हानु बणाले कि ईशु मसीह मां अम्ही गोद गेहले आले नरीकारा चे पूत रिहुं, ओही ओचा मकसद ते खुशी हुती।

2 थिस्सलुनीकियां 3:1

ऐवास्ते, ओ माये भऊ ते ब़ेहणीया, अम्चे वास्ते प्राथना करले करा, कि प्रभु चा वचन इसड़ा खुलती कर फेलो, ते महिमा पा सग़ु, जिसड़े तम्चे मां हुले,