प्रेरितां चे काम 13:43 - ओङ राजपूत

⁴³ ते जिसे बेले प्राथनाघरा मां सभा खत्तम हुती गेली ते यहूदी ते यहूदी मत्त महु आले हुले भग़ता महु ब़ोहत से पौलुस ते बरनबास चे भांसु टुरती पले, ते वाणे बाता करती कर वानु समझाले, कि नरीकारा चे अनुग्रह मां बणले रिहा।

प्रेरितां चे काम 13:43 ပူးပေါင်းရင်းမြစ်များ

मत्ती 23:15

“हे कप्पटी शास्त्री ते फरीसी तम्चे उपर हाय! तम्ही हेक जणे नु आपणे मत्त मां आणने वास्ते, सारे जल ते थल मां फिरते रिहा, ते जिसे बेले ओ मत्त मां आती जाये तां ओनु आपणे कनु दुगना नर्का आले बणाती ङिया।

प्रेरितां चे काम 11:23

ओ ओठे पुज़ती कर, ते नरीकारा चे अनुग्रह नु ङेखती कर मगन हुला, ते सब नु उपदेश ङिला कि तन मन लाती कर प्रभु लारे मन लाली रिहा।

प्रेरितां चे काम 13:50

पर यहूदिया ने शहरा चा भलीया, ऊंचे कोल्‍ल चीया असतरीया नु ते शहरा चा खास बन्दा नु भड़काती नाखले, ते पौलुस ते बरनबास उपर दोष लवाती कर वानु आपणी हद्दी कनु ब़ाहरु कढ़वाती छोड़ले।

प्रेरितां चे काम 14:22

ते वे चैला चे मना नु मजबूत करते रेहले ते हा उपदेश करते कि विश्‍वासा मां बणले रिहा, ते ईं केहते कि, “अम्हानु बङे क्लेश भोग़णे जरुरी छै नरीकारा चे राज़ मां जाणे वास्ते।”

प्रेरितां चे काम 14:3

पौलुस ते बरनबास ओठे घणे ङिहां तक रेहले, ते प्रभु चे भरोसे उपर हिम्मती चे लारे बाता करते, ते नरीकार वांचे हाथा कनु अचम्भे ची कामे करवाती कर आपणे अनुग्रह चे वचना उपर ग़वाही ङिता।

प्रेरितां चे काम 16:14

लुदिया नांवा ची थुआथीरा शहरा ची हेक असतरी प्रभु उपर विश्‍वास राखणे आली हुती। वा मंहगी बैंजनी रंगा ची ओढ़णी बेचणे आली हुती वा बङे ध्यान लारे अम्चीया बाता सुणे पलती। प्रभु ने विचे मना चे दरवाजे खोलती ङिले ताकि, जको कोच्छ पौलुस किहे पलता, वा बाता नु ध्यानारीत सुणो।

प्रेरितां चे काम 17:17

ऐवास्ते ओ यहूदी प्राथनाघरा मां यहूदिया ते यूनानी भग़ता लारे ते शहर चे चौका मां जको लौक मिलते, वांचे लारे ओ हर ङिओ बहस-बाजी करता रेहता।

प्रेरितां चे काम 17:34

कोच्छ बन्दी पौलुस लारे मिलती गेली, ते प्रभु उपर विश्‍वास करला, जाये मां अरियुपगुस पंचेती चा सदस्य दियुनुसियुस, ते दमरिस नांवा ची हेक असतरी, ते वांचे लारे नेरी वी कोच्छ बन्दी हुती।

प्रेरितां चे काम 17:4

वांचे महु कईयां ने, ते नरीकारा कनु ङरणे अणगिणत यूनानी बन्दी, ते ऊंचे कोल्‍ल चा असतरीया ने वी मनती गेले, पौलुस ते सीलास लारे मिलती गेले।

प्रेरितां चे काम 18:7

बल्ति पौलुस यहूदी प्राथनाघरा कनु टुरती पला, ते तीतुस यूस्तुस नांवा चे बन्दे चे घरा मां आला, जको नरीकारा उपर विश्‍वास राखता, जाये घर यहूदी प्राथनाघरा चे गोढु हुते।

प्रेरितां चे काम 2:10

ते फ्रूगिया, ते पंफूलिया, ते मिस्र, ते लिबिया देश जको कुरेने चे आस-पास छै, इठे सारे देशा चे रेहणे आले ते रोमी प्रदेसी,

प्रेरितां चे काम 28:23

बल्ति वाणे पौलुस चे वास्ते हेक ङिओ तय करला, ते जिसे घरा मां ओ हुता घणी तदात मां लौक ओठे भेले हुती गेले। ते ओ नरीकारा चे राज़ ची ग़वाही ङिता हुला, ते मूसा ची व्यवस्था ते भविष्यवक्‍ता चा किताबा महु ईशु मसीह चे बारे मां सवेले कनु लाती कर आथणे तक साफ रीति लारे वानु समझाता रेहला।

प्रेरितां चे काम 6:5

हा बात सारी कलीसिया नु आच्छी लाग़ली, ते वाणे स्तिफनुस नांवा चे हेक मर्दा नु जको विश्‍वास ते पवित्र आत्मा मां भरीला आला हुता। ते फिलिप्पुस, प्रुखुरुस, नीकानोर, तीमोन, परमिनास, ते अन्ताकिया चा रेहणे आला निकुलाउस नु जको-जको यहूदी मत्त मां आती गेलता ला, चुणती गेले।

रोमियां 11:6

अगर ईं अनुग्रह लारे हुले, तां बल्ति कर्मा लारे कोनी, ना तां अनुग्रह बल्ति अनुग्रह ना रेहला।

रोमियां 3:24

पर ओचे अनुग्रह लारे, ओ छुटकारे चे जरिये जको मसीह ईशु मां छै, सेंत मेंत धर्मी ठहराले जई।

रोमियां 5:2

ते ओचे ही जरिये विश्‍वासा चे वजह ओ अनुग्रह तक जाये मां अम्ही बणले आले छिऊं, पोंहच वी हुली। ते अम्ही नरीकारा ची महिमा ची आस उपर घमण्ड करु।

रोमियां 5:21

कि जिंवे पाप ने मौत नु फैलाते हुले राज़ करला, यूंही अम्चे प्रभु ईशु मसीह चे जरिये अनुग्रह वी अनन्त जीवन वास्ते धर्मी ठहराते हुले राज़ करो।

2 कुरिन्थियां 5:11

ऐवास्ते प्रभु चा भय मनती कर अम्ही लौका नु समझाऊं ते नरीकारा चे सामणे अम्चा हाल प्रकट छै, ते माई आस हा छै कि, तम्चे विवेक ने वी ऐनू जाणती गेले वी।

2 कुरिन्थियां 6:1

ते अम्ही जको नरीकारा चे भईवाल छिऊं, ईं वी समझाऊं, कि नरीकारा चा अनुग्रह जको तम्चे पर हुला, ओनु बेकार ना जऊं ङिया।

गलातियां 5:1

मसीह ने आजादी वास्ते अम्हानु आजाद करले, तां ऐचे मां आपणे विश्‍वास नु पक्‍के राखा ते बल्ति नियम विधान चे जूले चे रुप मां गुलामी चा वजन ना चवा।

गलातियां 5:4

तम्ही जको वी व्यवस्था लारे धर्मी जुड़ने चाहवा मसीह कनु अलग़ हुती जावा, ते नरीकारा चा अनुग्रह कनु दूर हटती जावा।

इफिसियां 2:8

कांकि तम्ही विश्‍वास करला ते नरीकारा ची दया लारे तम्चा उद्धार हुला। हा तम्चे तरफु कोनी, बल्कि नरीकारा चा दान छै।

फिलिप्पियां 3:16

पर याद राखा कि ऐवास्ते जिसी सच्‍चाई तक अम्ही पुज़ले, ओचे अनुसार दस्तुरा लारे चलु।

फिलिप्पियां 4:1

ऐवास्ते माये प्यारे भऊ ते ब़ेहणीया, तम्ही जको माई खुशी ते माया मान-समान छिवा। तम्हानु ङेखणे चे वास्ते माये मन तरसे पले, जिसड़े मैं तम्हानु बावड़ले यूंही प्रभु मां टिकले रिहा।

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।

कुलुस्सियां 1:28

मसीह चा प्रचार करती कर अम्ही हर हेक बन्दे नु चिताती ङिऊं, ते सारे ज्ञान कनु हर हेक बन्दे नु सिखाऊं, कि अम्ही हर हेक बन्दे नु मसीह मां सेद्ध करती कर नरीकारा चे सामणे खड़े करु।

तीतुस 2:11

कांकि नरीकारा चा अनुग्रह उजागर छै, जको सारे इन्साना चे उद्धार ची वजह छै।

इब्रानियां 12:15

ध्यान राखा कि कुई वी नरीकारा चे अनुग्रह कनु वंचित ना रेहती जाओ, जा तम्चे मां कुई फूट ना पड़ती जाओ जको तम्हानु कष्ट ङियो ते ब़ोहता चे अशुद्ध हुवणे ची वजह बणो।

इब्रानियां 13:9

बदड़ली आली विचित्र प्रकार ते अणजाण शिक्षा चे बहकावे मां ना बहकजा। दिला वास्ते सही छै कि ऊं अनुग्रह चे जरिये मजबूत करले जाओ, ना कि खाणे चे चीजा जरिये, खान-पान चे सम्बन्धी प्रथा चे जरिये काये भले कोनी हुले।

1 पतरस 5:12

मैं सिलवानुस चे हाथे, जानु मैं विश्‍वासयोग भऊ समझे, साफ-साफ लिखती कर तम्हानु समझाले, ते हा ग़वाही ङिली छै कि नरीकारा चा सच्‍चा अनुग्रह हाओ छै। ऐचे मां मजबूत रिहा।

2 पतरस 3:14

ऐवास्ते, हे माये प्यारे भऊ जबकि तम्ही यां बाता ची आस ङेखा पले तां जत्तन करा कि तम्ही शान्ति लारे ओचे सामणे बेदाग ते बेकसूर ठहरा।

1 यूहन्‍ना 2:28

हे माई प्यारी ब़ाले, ईशु मां बणले रिहा कि जिसे बेले ओ प्रकट हो, तां अम्हानु हिम्मत हो। ते अम्ही ओचे आणे उपर ओचे सामणे आणे कनु शर्माऊं ना।

2 यूहन्‍ना 1:9

जको कुई मसीह ची सच्‍ची शिक्षा कनु आग़ु बढ़ती जाये ते ओचे मां बणला ना रिही, ओचे गोढु नरीकार कोनी। जको कुई मसीह ची सच्‍ची शिक्षा उपर टिकला रिहे, ओचे गोढु ब़ा वी छै ते पूत वी।