प्रेरितां चे काम 13:27 - ओङ राजपूत

²⁷ कांकि यरुशलेम मां रेहणे आले ते वांचे सरदारा ने ईशु नु कोनी पिछाणले, ते ना ही भविष्यवक्‍ता चा बाता समझलीया, ते जको हर सब्त चे ङिओ मां पढ़लीया जई, ऐवास्ते ईशु नु दोषी ठहराती कर वानु पुरे करले।

प्रेरितां चे काम 13:27 ပူးပေါင်းရင်းမြစ်များ

मत्ती 22:29

ईशु ने वानु उत्तर ङिला, “तम्ही पवित्रशास्त्र ते नरीकारा ची सामर्थ ना जाणा, ये वजह कनु भूल मां पले।

लूका 22:34

ईशु ने केहले, “हे पतरस, मैं तनु किहे पला कि आज़ कूकड़ा बांग नी ङिही, जब तक तु तीन वारी माया इन्कार नी करती गिहे कि तु मनु ना जाणी।”

लूका 23:13

पिलातुस ने प्रधान याजका ते सरदारा ते लौका नु हकारती कर,

लूका 24:20

ते प्रधान याजका ते अम्चे सरदारा ने ओनु पकड़वाती ङिले, कि ओचे उपर मौत ची आज्ञा ङिली जाओ, ते ओनु क्रूसा उपर चढ़वाले।

यूहन्‍ना 15:21

पर ईं सब कोच्छ वे माये नांवा ची वजह कनु तम्चे लारे करे, कांकि वे माये भेज़णे आले नु ना जाणी।

यूहन्‍ना 16:3

ते ईं वे ऐवास्ते करे कि वाणे ना ब़ा नु जाणले ते ना ही मनु जाणी।

यूहन्‍ना 5:39

तम्ही पवित्रशास्त्र मां सोधा कांकि तम्ही समझा कि ओचे मां तम्हानु अनन्त जीवन मिले। ते ओही पवित्रशास्त्र छै जको माई ग़वाही ङिये,

यूहन्‍ना 8:28

बल्ति ईशु ने केहले, “जिसे बेले तम्ही मैं इन्साना चे पूता नु ऊंचे पर चढ़ावा, तां तम्ही जाणा कि मैं ओही छै, मैं आपणे तरफु कहीं ना करी पर जिंवे माये ब़ा ने मनु सिखाले यूंही ये बाता किहे पला।

प्रेरितां चे काम 15:21

पुराणे समय कनु ही शहर-शहर मां मूसा ची व्यवस्था चा प्रचार करने आले पले। ते वे हर सब्त चे ङिओ मूसा ची व्यवस्था नु प्राथनाघरा मां पढ़लीया जई।”

प्रेरितां चे काम 28:23

बल्ति वाणे पौलुस चे वास्ते हेक ङिओ तय करला, ते जिसे घरा मां ओ हुता घणी तदात मां लौक ओठे भेले हुती गेले। ते ओ नरीकारा चे राज़ ची ग़वाही ङिता हुला, ते मूसा ची व्यवस्था ते भविष्यवक्‍ता चा किताबा महु ईशु मसीह चे बारे मां सवेले कनु लाती कर आथणे तक साफ रीति लारे वानु समझाता रेहला।

प्रेरितां चे काम 3:17

“हमा हे माये भऊ, मैं जाणे कि ईं काम तम्ही ना समझी लारे करले, ते इसड़े ही तम्चे सरदारा ने वी करले।

रोमियां 11:25

हे माये भऊ, कङी इसड़े ना हो, कि तम्ही आपणे नु ब़ुध्दिमान समझती गिहा, ऐवास्ते मैं ना चाहवी कि तम्ही ऐ भेद कनु अणजाण रिहा, कि जब तक नेरीया जातिया पुरी तरह मसीह मां आती ना जई, तब तक इस्राएल चा हेक हेंस्सा इसड़ा ही कठोर रिही।

1 कुरिन्थियां 2:8

ओ ज्ञान नु ऐ युगा चे कुई वी राजा ने कोनी जाणले कांकि अगर वे जाणती जईया, तां प्रभु नु क्रूसा उपर ना चढ़ावीया।

2 कुरिन्थियां 3:14

पर इस्राएली लौका चे मन मसतोरे हुती गेलते, आज़ तक पुराणे नियम चे पढ़ते बेले वांचे मना उपर ओही पड़दा पला रिहे, पर ओ मसीह मां ही चवीज सग़े।

2 कुरिन्थियां 4:4

ते वा अविश्‍वासीया चे वास्ते, जाई ब़ुध्दि नु ऐ संसारा चे ईश्‍वर ने यानिकि शैताना ने अन्धी करती नाखली, ताकि मसीह जको नरीकारा चा प्रतिरुप छै, कि ओचे तेजोमय सुसमाचार चे सोज़ले वांचे उपर ना चमको।

1 तीमुथियुस 1:13

मैं तां पेहले निन्दा करने आला, ते सतावणे आला, ते अन्धेर करने आला हुता, तां वी माये उपर दया हुली, कांकि मैं अविश्‍वास ची दशा मां बिना सोचले समझले, ये कामे करली हुती।