प्रेरितां चे काम 13:2 - ओङ राजपूत

² जिसे बेले वे उपवास मां प्राथना करी पलते ले, ते पवित्र आत्मा ने वानु केहले, “माये वास्ते बरनबास ते शाऊल नु वे सेवा वास्ते अलग़ करा जाये वास्ते मैं वानु हकारले।”

प्रेरितां चे काम 13:2 ပူးပေါင်းရင်းမြစ်များ

मत्ती 17:21

“पर हा जाति बिना प्राथना ते उपवास चे ना निकली।”

मत्ती 6:16

“जिसे बेले तम्ही उपवास राखा तां कप्पटीयां आलीकर तम्चे मुँहा उपर उदासी ना छाली रिहो, कांकि वे आपणे मुँह बणाली राखी, ताकि लौक वानु उपवास राखली आले जाणो। मैं तम्हानु सच्‍च किहे कि वे आपणा फल पाती चुकले।

मत्ती 9:38

ऐवास्ते खेता चे मालिका कनु बिनती करा कि ओ आपणे खेता नु बाढणे वास्ते मजदूर भेज़ती ङियो।”

लूका 10:1

यां बाता चे बाद प्रभु ईशु ने सत्तर नेरे चैला नु नियुक्‍त करले, ते जिसे-जिसे शहरा ते जग़हा नु ओह आप जाणे आला हुता, उठे वानु ङोन-ङोन करती कर आपणे आग़ु भेज़ले

लूका 2:37

पर हमा वा बांढी चोरासी साला ची हुती, ते मन्दरा नु ना छोड़ती, पर उपवास ते प्राथना करती करती कर रात-ङिओ उपासना करती रेहती।

प्रेरितां चे काम 10:19

पतरस तां ओ दर्शना उपर सोचे ही भीलता, कि पवित्र आत्मा ने ओनु केहले, “ङेख, तीन जणे तनु सोते फिरी।

प्रेरितां चे काम 10:30

कुरनेलियुस ने केहले, “येही घड़ी, पुरी चार ङिहें हुली, मैं आपणे घरे तीजे पाहरा नु प्राथना करे पलता, तां ङेखा, हेक मर्द चमकणी ओढ़णी घाले हुले, माये सामणे आती भिला रेहला।

प्रेरितां चे काम 13:3

बल्ति वाणे उपवास ते प्राथना करने बाद बरनबास ते शाऊल उपर हाथ मेहले ते सेवा वास्ते भेज़ती ङिले।

प्रेरितां चे काम 13:4

बल्ति वे पवित्र आत्मा लारे सिलूकिया शहरा सनु भेज़ले गेले, ते उठु कनु जहाजा उपर चढ़ती कर साइप्रस टापू चे उपर चाह्‍ले गेले।

प्रेरितां चे काम 14:26

ते उठु कनु पाणीया आले जहाजा मां ब़ेसती कर अन्ताकिया शहरा मां पुज़ले, जिठु कनु वानु नरीकारा चे अनुग्रह मां सोंपती कर ओ कामा वास्ते भेज़ले हुते, जानु वे हमा पुरे करती कर पुठे आती गेले।

प्रेरितां चे काम 20:28

ऐवास्ते आपणी ते पुरे झुन्डा ची ङेख-रेख करा, जाये मां पवित्र आत्मा ने तम्हानु नु मुखिया ठहराले कि तम्ही नरीकारा ची कलीसिया ची रखवाली करा, ओणे तम्हानु आपणे पूता चे लुहींया लारे मोल गेहती गेले।

प्रेरितां चे काम 22:21

“ते प्रभु ने मनु केहले कि, ‘चाह्‍ला जा, कांकि मैं तनु नेरीया जातिया मां दूर-दूर तक भेज़ी।’ ”

प्रेरितां चे काम 4:36

ओठे यूसुफ नांवा चा हेक शक्स हुता जको साइप्रस मां पैदा हुला हुता ते लेवी गोत्र चा हुता। प्रेरित ओनु बरनबास (जाया मतलब “शान्ति ङेणे आला”)केहते।

प्रेरितां चे काम 6:4

पर अम्ही तां प्राथना मां ते नरीकारा चे वचना ची शिक्षा मां लाग़ले रिहुं।”

प्रेरितां चे काम 8:29

बल्ति पवित्र आत्मा ने फिलिप्पुस नु केहले, “गोढु जती कर ऐ रथा लारे हुती जा।”

प्रेरितां चे काम 9:15

पर प्रभु ने ओनु केहले, “तु चाह्‍ला जा, कांकि हा तां नेरीया जातिया ते वांचे राजे ते इस्राएलीया चे सामणे माये नां उजागर करने वास्ते माये चुणले आले जन छै।

रोमियां 1:1

हा चिठ्ठी रोमियां ची कलीसिया वास्ते लिखली गेली पौलुस चे तरफु जको ईशु मसीह चा दास छै ते प्रेरित हुवणे चे वास्ते हकारला गेला ते नरीकारा चे ओ सुसमाचार वास्ते अलग़ करला गेला छै।

रोमियां 10:15

ते अगर प्रचारक भेज़ले ना जाओ, तां प्रचार किवें करे? जिसड़े कि पवित्रशास्त्रा मां लिखले पले, “वांचे पग़्ग़ कितने सुहावने छी, जको सुसमाचार सुणावी।”

रोमियां 15:16

कि मैं नेरीया जातिया वास्ते मसीह ईशु चा सेवक हुती कर नरीकारा चे सुसमाचार ची सेवा हेक याजक चे समान करे, जाये कनु नेरीया जातिया चे मनती गिहा कि भेंट चढ़ाले जाणे, पवित्र आत्मा लारे पवित्र बणती कर ग्रहण करला जाये।

1 कुरिन्थियां 12:11

पर ये सारे काम ओही हेक पवित्र आत्मा करवावे ते जानु जको चाहवे ओ बांटती ङिये।

1 कुरिन्थियां 7:5

तम्ही हेके ङुजे कनु अलग़ ना रिहा, पर सेर्फ कोच्छ समय तक आपणी सेहमती लारे कि प्राथना वास्ते समय मिलो ते दोबारा हेक ङुजे लारे रिहा इसड़े ना हो कि तम्चे बेकाबु ची वजह कनु शैतान तम्हानु परखो।

2 कुरिन्थियां 11:27

मैं कई राती जाग़ती कर, खास करती भुक्‍का तरसेला रेहती कर, ते ठड्डी ची वजह कनु ते कम ओढ़णा ची वजह कनु मैं घणीया मुसीबता सहन करलीया।

2 कुरिन्थियां 6:5

कोड़े खाणे लारे, कैदी हुवणे लारे, दंगा लारे, मेहनती लारे, जाग़ते रेहणे लारे, उपवास करने लारे,

गलातियां 1:15

पर नरीकारा ने जको मनु जनमा कनु पेहले चुणती गेले ते आपणे अनुग्रह लारे मनु हकारले, नरीकारा नु ईं भाले।

इफिसियां 3:7

मैं नरीकारा चे अनुग्रह चे ओ दान चे अनुसार, जको ओची सामर्थ चे प्रभाव चे अनुसार मनु ङिला गेला, ओ सुसमाचार चा सेवक बणला।

कुलुस्सियां 4:17

ते अर्खिप्पुस नु केहजा कि जको सेवा प्रभु मां तनु सोंपली गेली, विनु ध्यानारीत पुरी करियो।

1 तीमुथियुस 2:7

मैं सच्‍च किहे पला, कूड़ कोनी मारे पला, कि मैं ऐह मकसद लारे प्रचारक ते प्रेरित ते नेरीया जातिया चे वास्ते विश्‍वास ते सच्‍चाई चा उपदेशक ठहराला गेला।

2 तीमुथियुस 1:11

जाये वास्ते मैं प्रचारक, ते प्रेरित, ते उपदेशक वी ठहरला।

2 तीमुथियुस 2:2

ते मसीह चे बारे मां जको वी बाता घणा ग़वाह चे सामणे माये कनु सुणलीया, वानु विश्‍वास करने आला बन्दा नु सिखाती ङे, जको नेरा नु सिखावणे चे लायक हो।

2 तीमुथियुस 4:11

सेर्फ लूका माये लारे छै, मरकुस नु गेहती चाह्‍ला आ। कांकि सेवा चे वास्ते ओ माया ब़ोहत कामा चा छै।

2 तीमुथियुस 4:5

पर तु सारीया बाता कनु आपणे आप नु वशा मां राख, ङोख चा, ते सुसमाचार चे प्रचार चे काम कर, ते जको सेवा तनु ङिली गेली, विनु पुरे कर।

इब्रानियां 5:4

ते हा आदर चा पद्द कुई आपणी कोशिस लारे कोनी, पर नरीकारा ची ब़ुलाहट लारे मिले, जिंवे हारुन नु मिड़ला हुता।