24 पर नरीकारा चा वचन फैलता ते बधता गेला।
ते मैं वी तनु किहे पला कि तु पतरस छी, ते मैं ऐ पत्थरा उपर आपणी कलीसिया बणावी, ते अधोलोक चे फाटक ओचे उपर हावी नी हुवी।
ते प्रभु चा हाथ वांचे उपर हुता, ते ब़ोहत लौक विश्वास करती प्रभु सनु फिरले।
यूं करती कर प्रभु चा वचन ताकती लारे फैलता गेला ते मजबूत हुता गेला।
पर अगर नरीकारा चे तरफु छै, तां तम्ही वानु हरगिज मिटा नी सग़ा कहीं इसड़े ना हो कि तम्ही नरीकारा लारे वी भिड़ने आले ठहरा।”
ते नरीकारा चा वचन फैलता गेला ते यरुशलेम मां चैला ची गिणती ब़ोहत बधती गेली ते याजका चा हेक बङा समाज ऐ मत्त नु मनणे आला हुती गेला।
हा सुसमाचार पुरे जग़त मां सफल हुवे पला, ते फैलता जाये, जिंवे तम्चे मां ओस समय कनु सफल हुं लाग़ला, जिसे बेले तम्ही नरीकारा ची कृपा चे बारे मां सुणले ते सच्चमां तम्ही समझले हुते।
ऐवास्ते, ओ माये भऊ ते ब़ेहणीया, अम्चे वास्ते प्राथना करले करा, कि प्रभु चा वचन इसड़ा खुलती कर फेलो, ते महिमा पा सग़ु, जिसड़े तम्चे मां हुले,
