प्रेरितां चे काम 12:11 - ओङ राजपूत

¹¹ बल्ति पतरस ने सचेत हुती कर केहले, “मैं हमा सच्‍चमां जाणती गेले कि प्रभु ने आपणे स्वर्ग़दूत नु भेज़ती कर मनु हेरोदेस चे हाथु छुड़ाती गेले, ते यहूदिया ची सारी आस तरोड़ती ङिली।”

प्रेरितां चे काम 12:11 ပူးပေါင်းရင်းမြစ်များ

लूका 15:17

“जिसे बेले ओ आपणे आपे मां आला तब किहुं लाग़ला, ‘माये ब़ा चे कितने मजदूरा नु खाणे कनु ज्यादा रोटी मिले, ते मैं इठे भुक्‍के मरे पला।

प्रेरितां चे काम 12:7

बल्ति प्रभु चा हेक स्वर्ग़दूत आती खड़ा हुला ते कोठड़ी मां सोज़ले चमकले, ते ओणे पतरस चे पासे उपर हाथ मारती कर ओनु सुज़ाक करले, ते केहले, “ऊठ, जल्दी कर।” ते ओचे हाथा महु संगल खुलती कर ढेती पले।

प्रेरितां चे काम 24:27

पर जिसे बेले ङोन साल बीतती गेले, तां फेलिक्स ची जग़हा मां ङुजा राज्यपाल पुरकियुस फेस्तुस चुणला गेला, ते फेलिक्स पौलुस नु यहूदिया नु खौश करने ची इच्छा लारे कैदखाने मां छोड़ली गेला।

प्रेरितां चे काम 25:9

बल्ति फेस्तुस पुरकियुस ने यहूदिया नु खौश करने चे वास्ते पौलुस नु केहले कि, “का तु यरुशलेम जाणे चाहवी, ताकि मैं ओठे चालती कर दुधे उपर लाग़ले दोषा चा मुकदमा लड़ सग़े।”

प्रेरितां चे काम 5:19

पर राती नु हेक स्वर्ग़दूता ने कैदखाने चे दरवाजा नु खोलती कर वानु ब़ाहरु आणती कर केहले,

इब्रानियां 1:14

का सारे स्वर्ग़दूत सेवा वास्ते चुणले आलीया आत्मा कोनी छी कि वे वांची सेवा करो, जको उद्धार गेहणे आले छी?

2 पतरस 2:9

यूं करती प्रभु भग़ता नु परीक्षा महु काढ़ती गेहणे ते अधर्मीया नु न्यां चे ङिओ तक ङण्ड ची हालती मां राखणे जाणे।