प्रेरितां चे काम 12:10 - ओङ राजपूत

¹⁰ बल्ति वे पेहले ते ङुजे पाहरेदारा कनु निकलती कर वे लोहे ची फाटकी उपर पुज़ले, जको शहरा सनु छै वा वांचे वास्ते आपणे आप खुलती गेली, ते वे निकलती कर हेक ही गली हुती कर गेले, इतने मां स्वर्ग़दूत ओनु छोड़ती कर चाह्‍ला गेला।

प्रेरितां चे काम 12:10 ပူးပေါင်းရင်းမြစ်များ

यूहन्‍ना 20:19

ओही ङिओ जको हफ्ते चा पेहला ङिओ हुता,आथण चे बेले जब उठली दरवाजी जिठे चैले हुते, यहूदिया चे ङरा कनु बन्द हुती, तब ईशु आला ते वांचे आधे मां भिले रेहती कर वानु केहले, “तम्हानु शान्ति मिलो!”

यूहन्‍ना 20:26

आठ ङिहां चे बाद ईशु चे चैले घरा चे भीतर हुते, ते थोमा वांचे लारे हुता ते दरवाजे बन्द हुते। बल्ति वी ईशु आला वांचे बीच मां भिला रेहती कर वानु केहले, “तम्हानु शान्ति मिलो।”

प्रेरितां चे काम 12:4

ते ओणे ओनु पकड़ती कर कैदखाने मां नाखले, ते रखवाली वास्ते, चार-चार सिपाहीया चे चार पाहरे मां राखले, ये मनसा लारे कि फसह तेंहवार चे बाद ओनु लौका सामणे आणो।

प्रेरितां चे काम 16:26

इतने मां अचानक हेक बङा भूकम्प आला, इठे तक कि कैदखाने चा कन्धा हलु लाग़ती गेलीया, ते तुरन्त सारी दरवाजी खुलती गेली, ते सारा कैदीया चा ब़ेड़ीया खुलती गेलीया।

प्रेरितां चे काम 5:19

पर राती नु हेक स्वर्ग़दूता ने कैदखाने चे दरवाजा नु खोलती कर वानु ब़ाहरु आणती कर केहले,

प्रकाशितवाक्य 3:7

“फिलदिलफिया ची कलीसिया चे दूता नु ईं लेख, “जको पवित्र ते सच्‍चा छै, ते जको राजे दाऊद ची कुंजी राखे, जाये खोड़ले आले नु कुई बन्द ना कर सग़ी ते बन्द करले आले नु कुई खोल ना सग़ी, ओ ईं किहे पला कि,