प्रेरितां चे काम 11:24 - ओङ राजपूत

²⁴ कांकि ओ हेक भले इन्सान हुता, ते पवित्र आत्मा ते विश्‍वासा मां भरपूर हुता, ते ब़ोहत सारे लौका ने प्रभु चे उपर विश्‍वास करला।

प्रेरितां चे काम 11:24 ပူးပေါင်းရင်းမြစ်များ

मत्ती 12:35

भले इन्सान आपणे मना चे भले भण्डार कनु भलीया बाता काढ़े। ते बुरे इन्सान आपणे बुरे भण्डार कनु बुरीया बाता काढ़े।

मत्ती 19:17

ओणे ओनु केहले, “तु माये कनु भलाई चे बारे मां कां पूछी पला? भला तां हेक ही छै, पर अगर तु जीवन मां जाणे चाहवी, तां ओचीया आज्ञा नु मनले कर।”

लूका 23:50

ओठे यूसुफ नांवा चा महासभा चा हेक सदस्य हुता जको सज़्ज़ण ते धर्मी मर्द हुता।

यूहन्‍ना 7:12

ते लौका मैं ओचे बारे मां चोप-चोप करती ब़ोहत सारीया बाता हुलीया। कई किही पलते, “ओ भले मानस छै।” ते कहीं किही पलते, “ना, ओ लौका नु भरमावे।”

प्रेरितां चे काम 11:21

ते प्रभु चा हाथ वांचे उपर हुता, ते ब़ोहत लौक विश्‍वास करती प्रभु सनु फिरले।

प्रेरितां चे काम 2:4

वे सारे पवित्र आत्मा लारे भरीती गेले, जिंवे आत्मा ने वानु ब़ोलणे ची सामर्थ ङिली, वे अलग़-अलग़ भाषा ब़ोलु लाग़ले।

प्रेरितां चे काम 2:47

ते नरीकारा ची स्तुति करते, ते सारे लौक वांचे लारे खौश हुते, ते जको नवें लौक उद्धार पाते, वानु प्रभु रोजाना विश्‍वासीया मां मिलाती ङिता।

प्रेरितां चे काम 24:16

ऐचे कनु मैं आप वी जत्तन करे पला कि नरीकारा ची, ते इन्साना ची तरफ माया विवेक सदा निर्दोष रिहो।

प्रेरितां चे काम 5:14

ते विश्‍वास करने आले ब़ोहत सारे मर्द ते असतरीया प्रभु ची कलीसिया मां होर वी ज्यादा आती कर मिलते रेहले।

प्रेरितां चे काम 6:3

ऐवास्ते हे माये भऊ, आपणे सात नामी मर्दा नु जको पवित्र आत्मा ते ब़ुध्दि लारे भरीले आले हो चुणती गिहा, कि अम्ही वानु ऐ कामा उपर ठहराती ङिऊं।

प्रेरितां चे काम 6:5

हा बात सारी कलीसिया नु आच्छी लाग़ली, ते वाणे स्तिफनुस नांवा चे हेक मर्दा नु जको विश्‍वास ते पवित्र आत्मा मां भरीला आला हुता। ते फिलिप्पुस, प्रुखुरुस, नीकानोर, तीमोन, परमिनास, ते अन्ताकिया चा रेहणे आला निकुलाउस नु जको-जको यहूदी मत्त मां आती गेलता ला, चुणती गेले।

प्रेरितां चे काम 6:8

स्तिफनुस नरीकारा चे अनुग्रह ते सामर्थ मां भरीती कर लौका मां अदभोत काम ते चैन्ह ङिखाणता रेहता।

प्रेरितां चे काम 9:31

यूं करती सारे यहूदिया, ते गलील, ते सामरिया, मां कलीसिया नु चैन मिड़ला, ते वांची बढ़ोतरी हुती गेली, ते वे प्रभु चे भय ते पवित्र आत्मा ची शान्ति मां टुरते ते बधते गेले।

रोमियां 15:15

तां वी मैं किठी-किठी याद ङिवाणे वास्ते तम्हानु बङी हिम्मत करती कर लिखले, ईं वे अनुग्रह चे जरिये हुले, जको नरीकारा ने मनु ङिला।

रोमियां 5:7

कुई धर्मी जन चे वास्ते कुई मरो, ईं तां दुर्लभ छै, पर का पता कुई भले इन्सान वास्ते कुई मरणे ची हिम्मत ङिखाणो।