प्रेरितां चे काम 11:19 - ओङ राजपूत

¹⁹ जको विश्‍वासी लौक ओ क्लेशा चे मारले जको स्तिफनुस ची वजह कनु हुला हुता, वे खिंडती-पुंडती गेलते, वे फिरते-फिरते फीनीके ते साइप्रस ते अन्ताकिया मां पुज़ले, पर वे सेर्फ यहूदिया नु ही वचन ना सुणाते।

प्रेरितां चे काम 11:19 ပူးပေါင်းရင်းမြစ်များ

मत्ती 10:6

पर इस्राएल चे घराणे ही ची गार हुलीया आलीया भेङा चे गोढु जजा।

यूहन्‍ना 7:35

यहूदिया ने आपस मां केहले, “हा किठे जई कि अम्ही ऐनू नी सोध सग़ु? का ओ वाकनु जई जको अम्चे लौक यूनानिया मां खिंडती-पुंडती कर रिही पले, ते यूनानिया नु वी उपदेश ङिही?

प्रेरितां चे काम 11:20

पर वांचे महु कोच्छ साइप्रस ते कुरेनी वासी हुते, जको अन्ताकिया मां आती कर यूनानिया नु वी प्रभु ईशु चा सुसमाचार चीया बाता सुणाऊं लाग़ले।

प्रेरितां चे काम 11:22

बल्ति वांची चर्चा यरुशलेम ची कलीसिया ने सुणली ते वाणे बरनबास नु अन्ताकिया भेज़ले।

प्रेरितां चे काम 13:1

अन्ताकिया शहरा ची कलीसिया मां कई भविष्यवक्‍ता ते उपदेशक हुते, बरनबास, ते शमौन जाये ङुजे नां नीगर हुते, ते लूकियुस कुरेनी, ते मनाहेम जको चौथाई देश चे राजा हेरोदेस चा मित्र हुता, ते शाऊल।

प्रेरितां चे काम 13:4

बल्ति वे पवित्र आत्मा लारे सिलूकिया शहरा सनु भेज़ले गेले, ते उठु कनु जहाजा उपर चढ़ती कर साइप्रस टापू चे उपर चाह्‍ले गेले।

प्रेरितां चे काम 13:46

बल्ति पौलुस ते बरनबास ने बेखौफ हुती कर केहले, “जरुरी हुते, कि नरीकारा चा वचन पेहले तम्हानु सुणाला जईया, पर जबकि तम्ही ओनु मना ही ना, ते आपणे आप नु अनन्त जीवन चे लायक ना ठहरावा, तां हमा, अम्ही नेरीया जातिया सनु फिरु पले।

प्रेरितां चे काम 14:26

ते उठु कनु पाणीया आले जहाजा मां ब़ेसती कर अन्ताकिया शहरा मां पुज़ले, जिठु कनु वानु नरीकारा चे अनुग्रह मां सोंपती कर ओ कामा वास्ते भेज़ले हुते, जानु वे हमा पुरे करती कर पुठे आती गेले।

प्रेरितां चे काम 15:22

ऐवास्ते सारी कलीसिया समेत प्रेरितां नु ते अग़ुवा नु ईं ठीक लाग़ले कि आपणे ही महु कोच्छ बन्दा नु चुणती कर पौलुस ते बरनबास चे लारे अन्ताकिया शहर भेज़ती ङिले जाओ, वाणे ऐचे वास्ते यहूदा जानु बरसब्बा चे नांवा लारे वी जाणते ते सीलास नु चुणती गेले ये विश्‍वासी भावां मां प्रधान हुते।

प्रेरितां चे काम 15:3

ऐवास्ते अन्ताकिया ची कलीसिया ने वानु थोड़ी दूर तक पुचाले, ते वे फीनीके ते सामरिया प्रदेसा महु हुते हुले, नेरीया जातिया नु मन फिरावणे चा सुसमाचार सुणाते गेले। ते ऐ समाचार लारे सारे भऊ घणे खौश हुले।

प्रेरितां चे काम 15:30

बल्ति वे विदा हुती कर अन्ताकिया शहरा मां पुज़ले, ते वाणे कलीसिया नु भेले करती कर वा चिठ्ठी वानु सोंपती ङिली।

प्रेरितां चे काम 15:35

ते पौलुस ते बरनबास अन्ताकिया शहरा मां रेहती गेले, ते नेरे घणा लौका लारे प्रभु चे वचन चा उपदेश करते ते सुसमाचार सुणाते रेहले।

प्रेरितां चे काम 15:39

वां ङुंहु चा इसड़ा विवाद हुला वे हेके ङुजे कनु अलग़ हुती गेले। बरनबास, मरकुस नु आपणे लारे गेहती कर जहाजा मां ब़ेसती ते साइप्रस शहरा सनु चाह्‍ला गेला।

प्रेरितां चे काम 18:22

बल्ति ओ कैसरिया शहर पुज़ती कर, यरुशलेम सनु गेला, ते कलीसिया नु नमस्कार करती कर। बल्ति ओ अन्ताकिया शहर सनु चाह्‍ला गेला।

प्रेरितां चे काम 21:16

कैसरिया शहर चे कोच्छ चैले वी अम्चे लारे टुरती पले ते मनासोन नांवा चा हेक पुराणा चैला जको साइप्रस शहरा चा हुता ओनु वी आपणे लारे गेहली आले कि अम्ही ओचे घरा मां टेक्‍क सग़ु।

प्रेरितां चे काम 21:2

ते हेक पाणीया आला जहाज फीनीके शहरा सनु जते मिड़ला, ते अम्ही ओचे उपर चढ़ती कर उठु चलती पले।

प्रेरितां चे काम 3:26

नरीकारा ने आपणे पूत ईशु नु मरला आला महु जीते करती कर सारा कनु पेहले तम्चे गोढु भेज़ले, कि तम्चे महु हर हेक नु तम्चे गन्दे कामा कनु हटाती कर आशीष ङियो।”

प्रेरितां चे काम 4:36

ओठे यूसुफ नांवा चा हेक शक्स हुता जको साइप्रस मां पैदा हुला हुता ते लेवी गोत्र चा हुता। प्रेरित ओनु बरनबास (जाया मतलब “शान्ति ङेणे आला”)केहते।

प्रेरितां चे काम 6:5

हा बात सारी कलीसिया नु आच्छी लाग़ली, ते वाणे स्तिफनुस नांवा चे हेक मर्दा नु जको विश्‍वास ते पवित्र आत्मा मां भरीला आला हुता। ते फिलिप्पुस, प्रुखुरुस, नीकानोर, तीमोन, परमिनास, ते अन्ताकिया चा रेहणे आला निकुलाउस नु जको-जको यहूदी मत्त मां आती गेलता ला, चुणती गेले।

गलातियां 2:11

जिसे बेले पतरस अन्ताकिया मां आला ते मैं ओचे सामणे ओचा विरोध करला कांकि ओ कसूरवार हुता,