प्रेरितां चे काम 11:12 - ओङ राजपूत

¹² तब पवित्र आत्मा ने मनु वांचे लारे बेझिझक टुरती पड़ने महु केहले, ते ये छाऔ भऊ वी माये लारे टुरती पले, ते अम्ही ओ इन्साना चे घरे गेले।

प्रेरितां चे काम 11:12 ပူးပေါင်းရင်းမြစ်များ

मत्ती 1:20

जिसे बेले ओ यां बाता ची सोच मां हुता तां प्रभु चा स्वर्ग़दूत ओनु खाबा मां ङिसला ते केहले, “हे यूसुफ! दाऊद ची ऊलाद्ध, तु आपणी घरा आली मरियम नु आपणे इठे आणने कनु ना ङर, कांकि जको विचे ढिड्डा मां छै, ऊं पवित्र आत्मा ची ओर कनु छै।

यूहन्‍ना 16:13

पर जब ओ यानिकि सच्‍चाई चा आत्मा आवी, तां तम्हानु सारा सच्‍चाई चा मार्ग़ बावड़ी, कांकि ओ आपणे तरफु नी किही पर जको कोच्छ सुणी ऊंही किही, ते आणे आलीया बाता तम्हानु बावड़ी।

प्रेरितां चे काम 1:15

वा ङिहां मां पतरस भावां चे आधी मां जको करीबन हेक साऔ बीस बन्दी भेली हुती भिले रेहती किहुं लाग़ला।

प्रेरितां चे काम 10:23

बल्ति पतरस ने वानु भीतर हकारती कर रेहणे ची जग़हा ङिली। ते ङुजे ङिओ, ओ वांचे लारे गेला, ते याफा मां रेहणे आले भावां महु कहीं ओचे लारे टुरती पले।

प्रेरितां चे काम 10:45

ते जितने यहूदी विश्‍वासी पतरस चे लारे आलते, वे सारे हैरान हुले कि नेरीया जातिया उपर वी पवित्र आत्मा उतरला।

प्रेरितां चे काम 11:13

“अम्हानु ओणे बावड़ले कि हेक स्वर्ग़दूत आपणे घरे भिला ङेखला। जेह्णे ओनु केहले, ‘कानु याफा मां भेज़ती कर शमौन नु जको पतरस किहवावे, हकरवाती गे।

प्रेरितां चे काम 13:2

जिसे बेले वे उपवास मां प्राथना करी पलते ले, ते पवित्र आत्मा ने वानु केहले, “माये वास्ते बरनबास ते शाऊल नु वे सेवा वास्ते अलग़ करा जाये वास्ते मैं वानु हकारले।”

प्रेरितां चे काम 13:4

बल्ति वे पवित्र आत्मा लारे सिलूकिया शहरा सनु भेज़ले गेले, ते उठु कनु जहाजा उपर चढ़ती कर साइप्रस टापू चे उपर चाह्‍ले गेले।

प्रेरितां चे काम 15:7

बल्ति पतरस ने सोच-विचार करने चे बाद खड़े हुती कर केहले कि, “हे माये भऊ, तम्ही जाणा कि घणी ङिहें हुली, नरीकारा ने तम्चे महु मनु चुणती गेले, कि माये मुँहा कनु नेरीया जातिया सुसमाचार चा वचन सुणती कर विश्‍वास करो।

प्रेरितां चे काम 15:9

ते नरीकारा ने वांचे विश्‍वास चे जरिये वांचे मन शोद्ध करती कर अम्चे मां ते वांचे मां कुई भेद-भाव कोनी राखला।

प्रेरितां चे काम 28:15

जिसे बेले उठले भावां नु ये बाते चा पता लाग़ला कि वे आवी पले, ते अप्पियुस चे चौक ते तीन सराय नांवा ची जग़हा तक अम्हानु मिलणे चे वास्ते आती गेले, वानु ङेखती कर पौलुस ने नरीकारा चा धन्यवाद करला ते हिम्मत ब़ांधली।

प्रेरितां चे काम 8:29

बल्ति पवित्र आत्मा ने फिलिप्पुस नु केहले, “गोढु जती कर ऐ रथा लारे हुती जा।”

रोमियां 3:22

यानिकि नरीकारा ची वा धार्मिकता जको वां सब वास्ते छै, जको मसीह ईशु उपर विश्‍वास करी, वां सब विश्‍वास करने आला वास्ते बिना कुई भेद-भाव लारे छै।

2 थिस्सलुनीकियां 2:2

कि कुई आत्मा चे लारे केहली आली बात, जा वचन, चिठ्ठी चे जरिये जको मना अम्ची ओर कनु, ईं समझती कर कि प्रभु चा ङिओ आती पुज़ला, तम्चे मन हेकदम भिले ना रेहती जाओ, ते तम्ही ना घब़राजा।

प्रकाशितवाक्य 22:17

ते पवित्र आत्मा, ते बीन्दणी ङोनी किही, “आ!” ते सुणने आला वी किहो कि, “आ!” जको तरसेला आला हो, ओ वी आओ। ते जको कुई चाहवे ऊं वी जीवन चे पाणी नु यूंही गिहो।