प्रेरितां चे काम 10:41 - ओङ राजपूत

⁴¹ सारा लौका नु ना बल्कि वां ग़वाह नु जानु नरीकारा ने पेहले कनु चुणती गेले हुते, यानि अम्हानु जेह्णे ओचे मरले आला महु जीते हुवणे चे बाद ओचे लारे खाले पिले।

प्रेरितां चे काम 10:41 ပူးပေါင်းရင်းမြစ်များ

लूका 24:30

जिसे बेले ओ वांचे लारे खाणे खऊं ब़ेहला, ते ओणे रोटी चती कर धन्यवाद करला, ते विनु भान्ती कर वानु ङिऊं लाग़ला।

लूका 24:48

तम्ही यां सारीया बाता चे ग़वाह छिवा।

यूहन्‍ना 14:17

हा सच्‍चाई चा आत्मा छै जानु संसार मन ना सग़ी, कांकि ओह ओनु ना ङेख सग़ी ते ना ही ओनु जाणे। पर तम्ही ओनु जाणा, कांकि ओह तम्चे लारे रिहे ते ओह तम्चे मां हुवी।

यूहन्‍ना 14:19

थोड़ी देर रेहती गेली कि बल्ति संसार मनु नी ङेखी, पर तम्ही मनु ङेखा, ऐवास्ते कि मैं जीता छै, तम्ही वी जीते रिहा।

यूहन्‍ना 14:22

ओह यहूदा जको इस्करियोती कोनी हुता, ओनु केहले, “हे प्रभु, का हुले कि तु आपणे आप नु अम्चे उपर प्रकट करने चाहवी ते संसारा उपर ना?”

यूहन्‍ना 15:16

“तम्ही मनु कोनी चुणले, पर मैं तम्हानु चुणले ते तम्हानु नियुक्‍त करले कि तम्ही जती कर फल आणा ते तम्चा फल बणला रिहो, कि तम्ही माये नांवा लारे जको कोच्छ ब़ा नरीकारा कनु मांगा, ते ओ तम्हानु ङिही।

यूहन्‍ना 15:27

ते तम्ही माये ग़वाह छिवा, कांकि तम्ही शुरु कनु माये लारे रेहले।

यूहन्‍ना 21:13

ईशु आला, ते रोटी चती कर वानु ङिली, ते यूं माछली वी।

प्रेरितां चे काम 1:4

ते वांचे लारे मिलती कर वानु आज्ञा ङिली, “यरुशलेम ना छोड़ा, पर जको वायदा माये ब़ा ने करला पूरा हुवणे ची बाट ङेखते रिहा, जाई चर्चा तम्ही माये कनु सुणती चुकले छिवा।

प्रेरितां चे काम 10:39

“ते अम्ही वां सारे कामा चे ग़वाह छिऊं, जको ओणे यहूदिया चे देश ते यरुशलेम मां वी करले ते वाणे ओनु क्रूसा उपर लटकाती मारती नाखले।

प्रेरितां चे काम 13:31

ते वे जको गलील कनु यरुशलेम तक ओचे लारे आले हुते ओ वानु घणा ङिहां तक ङिसता रेहला। ते लौका चे सामणे हमा वे ही ओचे ग़वाह छी।