प्रेरितां चे काम 10:40 - ओङ राजपूत

⁴⁰ पर ईशु नु नरीकारा ने तीजे ङिओ जिवाले, ते प्रकट वी करती ङिले।

प्रेरितां चे काम 10:40 ပူးပေါင်းရင်းမြစ်များ

यूहन्‍ना 14:22

ओह यहूदा जको इस्करियोती कोनी हुता, ओनु केहले, “हे प्रभु, का हुले कि तु आपणे आप नु अम्चे उपर प्रकट करने चाहवी ते संसारा उपर ना?”

प्रेरितां चे काम 17:31

कांकि नरीकारा ने हेक ङिओ ठहराला, जाये कनु ओ शक्स चे जरिये धार्मिकता लारे संसारा चा न्यां करी, जानु ओणे ठहराले ते मरला आला महु जीते करले, हा बात सारा बन्दा उपर साबित करली।”

प्रेरितां चे काम 2:24

पर नरीकारा ने ओनु मौत चे दर्दा कनु छुड़ाती कर मरला आला महु जीते करती ङिले। कांकि ईं हो ना सग़ेले कि मौत ओनु आपणे वशा मां राखती गिहा।

प्रेरितां चे काम 2:32

“ऐह ईशु नु नरीकारा ने मरला आला महु जीते करले, जाये अम्ही सारे ग़वाह छिऊं।

रोमियां 1:4

ते पवित्रता ची आत्मा चे तौरा पे मरला आला महु जीते हुवणे ची वजह सामर्थ चे लारे नरीकारा चा पूत ठहरला।

रोमियां 14:9

कांकि मसीह ऐवास्ते मरला ते जीता वी हुती गेला, कि ओ मरला आला चा ते जीता चा, ङुंहु चा प्रभु हो।

रोमियां 8:11

ते अगर ओचा ही आत्मा जेह्णे मसीह ईशु नु मरला आला महु जीते करले तम्चे मां बसला आला छै, ओही तम्चीया मरणहार देह नु वी आपणी आत्मा चे जरिये जको तम्चे मां बसला आला छै जीते करी।

2 कुरिन्थियां 4:14

कांकि अम्ही जाणु, जेह्णे प्रभु ईशु नु जिवाले, ओही अम्हानु वी ईशु मां भईवाल जाणती कर जिवावी, ते तम्चे लारे आपणे सामणे खड़े करी।

इब्रानियां 13:20

शान्ति चा नरीकार, जेह्णे भेङा चे महान आजड़ी यानि मसीह ईशु, अम्चे प्रभु ईशु नु अनन्त वाचा चे लुहींया चे जरिये मरले आला महु जीते करले,

1 पतरस 1:21

जको ओचे जरिये ओ नरीकारा उपर विश्‍वास करा, जेह्णे ओनु मरले आला महु जीते करले, ते महिमा ङिली, कि तम्चा विश्‍वास ते उम्मीद नरीकारा उपर हो।