प्रेरितां चे काम 10:38 - ओङ राजपूत

³⁸ नरीकारा ने किसी रीति लारे ईशु नासरी नु पवित्र आत्मा ते सामर्थ लारे अभिषेक करले, ओ भलाई करता, ते सारा नु जको शैताना चे सताले आले हुते, ठीक करता फिरला, कांकि नरीकार ओचे लारे हुता।

प्रेरितां चे काम 10:38 ပူးပေါင်းရင်းမြစ်များ

मत्ती 12:15

ईं जाणती कर ईशु उठु चाह्‍ला गेला। ते ब़ोहत लौक ओचे भांसु टुरती पले, ते ओणे सब नु ठीक करले।

मत्ती 12:28

पर अगर मैं नरीकारा ची आत्मा ची सहायता लारे दुष्टात्मा नु काढ़े, तां नरीकारा चा राज़ तम्चे गोढु आती पुज़ला।

मत्ती 9:19

ईशु उठती कर आपणे चैला समेत ओचे भांसु टुरती पला।

मत्ती 9:35

ईशु सारे शहरा ते गांवा मां फिरता रेहला ते वांचे प्राथनाघरा मां उपदेश करता, ते नरीकारा चे राज़ चा सुसमाचार प्रचार करता, ते हर-प्रकार ची बिमारी ते कमजोरी नु दूर करता रेहला।

मरकुस 6:6

ते ओनु वांचे अविश्‍वास चे उपर अचम्भा हुला, ते ओ चारो-तरफ चे गांवा मां उपदेश करता फिरला।

लूका 3:22

ते पवित्र आत्मा कबूतरा चे समान ओचे उपर उतरला, ते हा आकाशवाणी हुली, “तु माया प्यारा पूत छी, मैं दुधे कनु ब़ोहत खौश छै।”

लूका 4:18

“प्रभु ची आत्मा माये उपर छै, ऐवास्ते ओणे कंगाला नु सुसमाचार सुणावणे वास्ते माया अभिषेक करला, ते मनु ऐवास्ते चुणले कि जको बन्धन मां छी वानु छुटकारे चा ते अन्धा नु सोज़ले मिलणे चा सुसमाचार चा प्रचार करे ते लताड़ले आला नु छुड़ावे।

लूका 9:42

ऊं आवे ही पलते कि दुष्टात्मा ने ओनु ढाती कर मरोड़ले, पर ईशु ने अशुद्ध आत्मा नु दड़काले ते छोरा नु ठीक करती ओचे ब़ा नु सोंपती ङिले।

लूका 9:56

ते वे किसी ङुजे गांवा मां चाह्‍ले गेले।

यूहन्‍ना 10:32

ऐचे उपर ईशु ने वानु केहले, “मैं तम्हानु ब़ा ची तरफु घणे सारे आच्छे काम ङिखाणले। वांचे महु किसे कामा वास्ते माये उपर पत्थराव करा पले?”

यूहन्‍ना 16:32

ङेखा, ओह घड़ी आवे पली यानि आती गेली कि तम्ही सारे आपस मां इंगे-ऊंगे हुती कर, आपणा मार्ग़ गिहा। ते मनु हेकला छोड़ती ङिया। तां वी मैं हेकला कोनी, कांकि ब़ा माये लारे छै।

यूहन्‍ना 3:2

ओणे राती नु ईशु कनु आती केहले, “हे रब्बी, अम्ही जाणु कि तु गुरु छी ते नरीकार ची ओर कनु आला। कांकि इसड़े अचम्भे चे काम जको तु करी याहनु नरीकारा ची सहायता चे बिना कुई वी ना कर सग़ी।”

यूहन्‍ना 3:34

कांकि जानु नरीकार ने भेज़ले ओह नरीकारा चीया बाता किहे, कांकि नरीकार आत्मा नापती कर ना ङी।

यूहन्‍ना 6:27

ओ खाणे वास्ते मेहनत ना करा जको सड़ती जाये, बल्कि ओ खाणे वास्ते जत्तन करा जको सदा वास्ते बणला रिही ते अनन्त जीवन ङिही, ते जानु मैं इन्सान चा पूत ङिही। कांकि ब़ा नरीकारा ने आपणी छाप माये उपर लाली।”

प्रेरितां चे काम 10:37

“ओ वचन तम्ही जाणा, जको यूहन्‍ना चे बपतिस्मे चे प्रचार चे बाद गलील महु शुरु हुती कर सारे यहूदिया मां खिंडती गेला।

प्रेरितां चे काम 2:22

“हे इस्राएली लौक, यां वचना नु सुणा, ईशु नासरी हेक इसड़े बन्दे हुता, जाये नरीकारा ची ओर कनु हुवणे चा सबूत वा सामर्थ ची कामे ते अचम्भे ची कामे ते नेरे चैन्ह लारे प्रकट छै, जको नरीकारा ने तम्चे बीच ओचे जरिये करती ङिखाणले जानु तम्ही आप ही जाणा।

इब्रानियां 1:9

तु धार्मिकता चा पक्ष गेहला ते अधर्म कनु नफरत करली। ये वजह कनु नरीकार, दुधे नरीकारा ने दुधे साथीया महु बढ़ती कर आनन्द रूपी तेला लारे दुधा अभिषेक करला।”

1 पतरस 5:8

सचेत हुवा ते जाग़ते रिहा कांकि तम्चा विरोधी शैतान गरजणे आले शेरा आलीकर ईं सोता रिहे कि कानु फाड़ती खाये

1 यूहन्‍ना 2:20

पर तम्चा तां ओ नरीकारा चे जरिये पवित्र आत्मा लारे अभिषेक करवाला, ऐवास्ते तम्ही सारी सच्‍चाई नु जाणा,

1 यूहन्‍ना 3:8

जको कुई पाप करे ऊं शैताना ची ओर कनु छै, कांकि शैतान शुरु कनु पाप करता आला। नरीकारा चा पूत ऐवास्ते प्रकट हुला कि शैताना चे कामा नु नाश करो।