प्रेरितां चे काम 10:22 - ओङ राजपूत

²² वाणे केहले, “कुरनेलियुस सूबेदार जको धर्मी ते नरीकारा कनु ङरणे आला ते सारी यहूदी जाति मां मनले आले बन्दे छै, ओणे हेक पवित्र स्वर्ग़दूता कनु हा आदेश गेहला, कि तनु आपणे घरे हकारती कर दुधे कनु उपदेश सुणो।”

प्रेरितां चे काम 10:22 ပူးပေါင်းရင်းမြစ်များ

मत्ती 1:19

तां विचे घरा आले यूसुफ ने जको धर्मी हुता ते विनु बदनाम करने ना चाहवे ला, विनु चोप-चाप करती कर छोड़ने ची सोचली।

मत्ती 2:12

तब नरीकारा ने वानु हेक खाबा मां चौकस करती ङिले, कि हेरोदेस चे गोढु बल्ति ना जजा, वे ङुजे मार्ग़ा कनु आपणे देशा नु चाह्‍ले गेले।

मरकुस 6:20

कांकि हेरोदेस यूहन्‍ना नु धर्मी ते पवित्र मर्द जाणती कर ओकनु ङरता, ते ओनु बचाली राखता, ते ओचीया बाता सुणती कर ब़ोहत घब़राता, पर खुशी लारे सुणता।

मरकुस 8:38

जको कुई ये व्यभिचार ते पापी जाति चे बीच माये कनु ते माया बाता कनु लज़ावी, मैं इन्साना चा पूत वी जिसे बेले पवित्र स्वर्ग़दूता चे लारे आपणे ब़ा नरीकारा ची महिमा लारे आवी, तब ओकनु वी लज़ावी।”

लूका 2:25

ते ङेखा, यरुशलेम मां शमौन नांवा चे हेक बन्दे हुते ते ऊं बन्दे धर्मी ते भग़त हुते, ते इस्राएल ची शान्ति ची बाट ङेखे पलते, ते पवित्र आत्मा ओचे उपर हुता।

लूका 23:50

ओठे यूसुफ नांवा चा महासभा चा हेक सदस्य हुता जको सज़्ज़ण ते धर्मी मर्द हुता।

लूका 9:26

जको कुई माये कनु ते माया बाता कनु लज़ावी, मैं इन्साना चा पूत वी, जिसे बेले आपणी ते आपणे ब़ा नरीकारा ची ते पवित्र स्वर्ग़दूता ची महिमा लारे आवी, तां ओकनु वी लज़ावी।

यूहन्‍ना 13:20

मैं तम्हानु सच्‍च-सच्‍च किहे पला कि जको माये भेज़ले आले नु स्वीकार करे, ओ मनु स्वीकार करे, ते जको मनु स्वीकार करे, ओ माये भेज़णे आले नु स्वीकार करे।”

यूहन्‍ना 17:20

“मैं हेको यांचे वास्ते प्राथना ना करी, पर वांचे वास्ते वी जको वांचे वचना चे जरिये माये उपर विश्‍वास करे।

यूहन्‍ना 17:8

कांकि जको वचन तु मनु ङिले मैं वे वानु पुचाती ङिले ते वाणे ओनु ग्रहण करले। ते सच्‍च-सच्‍च जाणती गेले कि मैं दुधे तरफु आला, ते विश्‍वास करती गेला कि तु ही मनु भेज़ले।

यूहन्‍ना 5:24

“मैं तम्हानु सच्‍च-सच्‍च किहे पला, जको माया वचन सुणती कर माये भेज़णे आले उपर विश्‍वास करे अनन्त जीवन ओचा छै ते ओचे उपर सजा ची आज्ञा नी हुवी पर ओ मौत कनु पार हुती कर हमेशा ची जीन्दगी मां घिरती चुकला।

यूहन्‍ना 6:63

नरीकारा ची आत्मा छै जको जीवन ङिये, शरीरा चे कामा लारे कुई फायदा कोनी। वचन जको मैं तम्हानु केहले, वे आत्मिक जीवन ङी।

यूहन्‍ना 6:68

शमौन पतरस ने उत्तर ङिला, “हे प्रभु, अम्ही काये गोढु जऊं? वे वचन तां दुधे कनु छी जको अनन्त जीवन ङिही।

प्रेरितां चे काम 10:2

ओ नरीकारा चा भग़त हुता, ते आपणे सारे घराणे समेत नरीकारा कनु ङरता, ते यहूदी गरीब लौका नु बङा दान ङिता, ते लगातार नरीकारा कनु प्राथना करता रेहता।

प्रेरितां चे काम 10:21

बल्ति पतरस तले उतरती कर वां बन्दा नु केहले, “ङेखा, जानु तम्ही सोते फिरा, ओ मैं ही छै। का वजह छै तम्चे इठे आणे ची?”

प्रेरितां चे काम 10:30

कुरनेलियुस ने केहले, “येही घड़ी, पुरी चार ङिहें हुली, मैं आपणे घरे तीजे पाहरा नु प्राथना करे पलता, तां ङेखा, हेक मर्द चमकणी ओढ़णी घाले हुले, माये सामणे आती भिला रेहला।

प्रेरितां चे काम 10:33

बल्ति मैं तुरन्त दुधे गोढु ये बन्दी भेज़ली, ते तु भले करले जको आती गेला। हमा अम्ही सारी इठे नरीकारा चे सामणे छिऊं कि जको कहीं नरीकारा ने तनु केहले वा सुणु।”

प्रेरितां चे काम 10:6

ओ शमौन, चमड़े चा धन्धा करने आले चे घरे मेहमान छै, जाये घर समुन्दरा चे किनारे छै।”

प्रेरितां चे काम 11:14

ओ तनु इसड़ीया बाता किही, जाये जरिये तनु ते दुधे सारे घराणे नु उद्धार मिलती जई।’

प्रेरितां चे काम 22:12

“तब हनन्याह नांवा चा व्यवस्था चे अनुसार हेक भग़त इन्सान, जको ओठे रेहणे आले सारे यहूदिया मां सरनाम हुता, माये गोढु आला।

प्रेरितां चे काम 24:15

ते मैं नरीकारा उपर आस राखे, जको ये आप वी राखी, कि धर्मी ते अधर्मी ङुंहु चा पुनरुत्थान हुवी।

प्रेरितां चे काम 6:3

ऐवास्ते हे माये भऊ, आपणे सात नामी मर्दा नु जको पवित्र आत्मा ते ब़ुध्दि लारे भरीले आले हो चुणती गिहा, कि अम्ही वानु ऐ कामा उपर ठहराती ङिऊं।

रोमियां 1:17

कांकि ओचे मां नरीकार ची धार्मिकता विश्‍वास लारे ते विश्‍वास चे वास्ते प्रकट हुवे, जिंवे पवित्रशास्त्रा मां लिखले पले, “धर्मी जन विश्‍वास लारे जीते रिही।”

2 कुरिन्थियां 5:18

ते सारीया बाता नरीकारा चे तरफु छी, जेह्णे मसीह चे जरिये आपणे लारे अम्चा मेल-मिलाप करती गेला, ते मेल-मिलाप ची सेवा अम्हानु सोंपती ङिली।

1 तीमुथियुस 3:7

ते ब़ाहर आला मां वी ओचे नां आच्छे हो, कङी इसड़े ना हो कि दोषी हुती कर शैताना चे फन्दे मां फसती जाओ।

इब्रानियां 10:38

ते माया धर्मी जन विश्‍वास लारे जीता रिही, ते अगर ओ भांसु हटती जाओ तां माये मन ओकनु खौश नी रिही।”

इब्रानियां 11:2

कांकि ऐचे बारे मां पुरखा ची आच्छी ग़वाही ङिली गेली।

इब्रानियां 12:23

तम्ही नरीकारा ची वां पलेठी आला ची कलीसिया चे गोढु आती गेले, जाये नां स्वर्ग़ा मां लिखले गेले छै। तम्ही नरीकारा चे गोढु आती गेले जको सब चा न्यांयी छै, ते वां धर्मीया ची आत्मा चे गोढु आती गेले जको सेद्ध बणले हुते।

2 पतरस 3:2

कि तम्ही वां बाता नु जको, पवित्र भविष्यवक्‍ता ने पेहले कनु केहलीया ते प्रभु ते उद्धारकर्ता ची वे आज्ञा नु ध्यान करा, जको तम्चे प्रेरितां चे जरिये ङिलीया गेलतीया।

3 यूहन्‍ना 1:12

दिमेत्रियुस चे बारे मां सारा ने, बल्कि ग़वाही ङिली इठे तक वी वा सच्‍च वी छै। ते अम्ही ग़वाही ङिऊं पले, ते तु जाणी, कि अम्ची ग़वाही सच्‍ची छै।

प्रकाशितवाक्य 14:10

ते ओ नरीकारा चे गुस्से ची मदिरा जको मुंगरा मां नाखली गेली पीयें, ते पवित्र स्वर्ग़दूता चे सामणे, ते मैमणे चे सामणे जाखते ते गन्धक चे दर्दा मां पड़ला रिही।