प्रेरितां चे काम 1:15 - ओङ राजपूत

¹⁵ वा ङिहां मां पतरस भावां चे आधी मां जको करीबन हेक साऔ बीस बन्दी भेली हुती भिले रेहती किहुं लाग़ला।

प्रेरितां चे काम 1:15 ပူးပေါင်းရင်းမြစ်များ

मत्ती 13:31

ईशु ने वानु हेक नेरी मिसाल ङिली, “स्वर्ग़ चा राज़ राई चे हेक ङाणे आलीकर छै, जानु कुई बन्दे ने चती कर आपणे खेता मां राहती ङिले।

लूका 22:32

पर मैं दुधे वास्ते बिनती करली कि दुधा विश्‍वास जता ना रिहो, ते जिसे बेले तु फिरी, तां आपणा भावां नु विश्‍वास मां मजबूत करियो।”

यूहन्‍ना 14:12

मैं तम्हानु सच्‍च-सच्‍च किहे कि जको माये उपर विश्‍वास राखे, ये कामे जको मैं करे, ऊं वी करी, यानि याकनु वी बङे काम करी, कांकि मैं ब़ा चे गोढु जाये पला।

यूहन्‍ना 21:23

ऐवास्ते भावां मां हा बात खिंडती गेली कि ओ चैला नी मरी। ईशु ने ओनु ईं कोनी केहले कि हा नी मरी, पर ईं कि, “अगर मैं चाहवें कि ओ माये आणे तक रुकला रिहो, तां तनु का?”

प्रेरितां चे काम 10:23

बल्ति पतरस ने वानु भीतर हकारती कर रेहणे ची जग़हा ङिली। ते ङुजे ङिओ, ओ वांचे लारे गेला, ते याफा मां रेहणे आले भावां महु कहीं ओचे लारे टुरती पले।

प्रेरितां चे काम 11:1

प्रेरित ते विश्‍वासी लौका ने जको यहूदिया मां हुते सुणले, कि नेरीया जातिया ने वी नरीकारा चा वचन मनती गेला।

प्रेरितां चे काम 11:12

तब पवित्र आत्मा ने मनु वांचे लारे बेझिझक टुरती पड़ने महु केहले, ते ये छाऔ भऊ वी माये लारे टुरती पले, ते अम्ही ओ इन्साना चे घरे गेले।

प्रेरितां चे काम 11:26

ते जिसे बेले वानु मिड़ला तां ओनु अन्ताकिया मां आणले ते इसड़े हुले कि वे हेक साला तक कलीसिया चे लारे मिलते ते ब़ोहत सारे लौका नु उपदेश ङिते रेहले। ते चैले सारा कनु पेहले अन्ताकिया मां ही “मसीह” किहवाले।

प्रेरितां चे काम 11:29

बल्ति चैला ने फैंसला करला कि हर हेक आपणी-आपणी पूंजी चे अनुसार यहूदिया प्रदेस मां रेहणे आले विश्‍वासी भावां ची मदत वास्ते कोच्छ भेज़ु।

प्रेरितां चे काम 12:17

बल्ति ओणे वानु हाथा लारे इशारा करला कि चोप रिहा, ते वानु बावड़ले कि, “प्रभु केस रीति लारे मनु कैदखाने महु काढ़ती आणले।” बल्ति केहले, “याकूब ते भावां नु हा बात केहती ङिजा।” बल्ति निकलती कर ङुजी जग़हा चाह्‍ला गेला।

प्रेरितां चे काम 14:2

पर जिसा यहूदी बन्दा ने विश्‍वास कोनी करला हुता, वाणे नेरीया जातिया आला बन्दा नु भड़काती नाखले ते वांचे मना मां विश्‍वासी भावां चे विरोध जहर भरती ङिला।

प्रेरितां चे काम 15:1

बल्ति कई लौक यहूदिया प्रदेस कनु अन्ताकिया शहर मां आती कर भावां नु हा सिखाऊं लाग़ले, “मूसा ची रीति चे अनुसार अगर तम्चा खतना कोनी हुला तां तम्चा उद्धार ना हो सग़ी।”

प्रेरितां चे काम 15:3

ऐवास्ते अन्ताकिया ची कलीसिया ने वानु थोड़ी दूर तक पुचाले, ते वे फीनीके ते सामरिया प्रदेसा महु हुते हुले, नेरीया जातिया नु मन फिरावणे चा सुसमाचार सुणाते गेले। ते ऐ समाचार लारे सारे भऊ घणे खौश हुले।

प्रेरितां चे काम 16:2

तीमुथियुस इकुनियुम ते लुस्त्रा शहरा मां विश्‍वासी भावां मां नामी हुता।

प्रेरितां चे काम 16:40

पौलुस ते सीलास कैदखाने महु निकलती कर लीदिया चे घरे गेले। ते विश्‍वासी भावां लारे मिलती कर वांची हिम्मत ब़न्धवाली ते वानु तसल्‍ली ङिली, ते उठु वे टुरती पले।

प्रेरितां चे काम 17:10

विश्‍वासी भावां ने तुरन्त रातो-रात पौलुस ते सीलास नु बिरीया शहरा मां भेज़ती ङिले, ते वे ओठे पुज़ती कर यहूदिया चे प्राथनाघरा मां गेले।

प्रेरितां चे काम 17:14

तब तुरन्त ही विश्‍वासी भावां ने पौलुस नु विदा करती ते समुन्दर चे किनारे सनु भेज़ती ङिले, पर सीलास ते तीमुथियुस उठी रेहती गेले।

प्रेरितां चे काम 17:6

वानु ओठे ना मिलणे चे वजह वे यासोन ते कोच्छ विश्‍वासी भावां नु शहर चे हाकिमा चे सामणे छिकती आले ते जोरा रीत रौल मचाती ते किहुं लाग़ले, “यां लौका ने पुरे संसारा मां अफरा-तफरी फैलाती नाखली, ते हमा इठे वी आती पुज़ले।

प्रेरितां चे काम 18:18

बल्ति पौलुस घणा ङिहां तक ओठे रेहला, बल्ति विश्‍वासी भावां कनु विदा हुती कर जहाजा मां ब़ेसती कर सीरिया सनु टुरती पला ते प्रिस्किल्‍ला ते अक्विला वी ओचे लारे हुती। जाणे कनु पेहले ओणे किंख्रिया शहरा मां ऐवास्ते रोङा हुला हुता कांकि ओणे मनोती मांगली हुती।

प्रेरितां चे काम 18:27

जिसे बेले अपुल्‍लोस ने अखाया प्रदेस सनु जाणे चाह्‍ले, ते विश्‍वासी भावां ने ओची सहायता करली ते उठले चैला ने ओचा स्वागत करने चे वास्ते चिठ्ठी लिखती कर भेज़ती ङिली कि ओचे लारे आच्छी तरावें मिलो। जब ओ ओठे पुज़ला तब ओणे लौका ची घणी सहायता करली जेह्णे नरीकारा चे अनुग्रह लारे विश्‍वास करला हुता।

प्रेरितां चे काम 21:17

जिसे बेले अम्ही यरुशलेम पुज़ले, ते विश्‍वासी भावां ने बङी खुशी लारे अम्चा स्वागत करला।

प्रेरितां चे काम 21:20

वाणे ईं सुणती कर नरीकारा ची महिमा करली ते बल्ति ओनु केहले कि, “हे भऊ पौलुस, तु ङेखी पला, कि यहूदिया महु कई हजार लौका ने विश्‍वास करला। वे सारे व्यवस्था चे पक्‍के समर्थक वी छी।

प्रेरितां चे काम 21:7

जिसे बेले अम्ही सूर शहरा कनु जहाजा मां चढ़ती कर आपणा सफर पूरा करला ते जती कर पतुलिमयिस शहर मां पुज़ले, ते भावां लारे नमस्कार करती कर वांचे लारे हेक ङिओ रेहले।

प्रेरितां चे काम 22:5

“ये बाते चे वास्ते महायाजक ते सारे बङके ग़वाह छी, कि वांचे कनु, मैं भावां चे नांवा उपर चिठ्ठीया गेहती कर दमिश्क नु जाये पलता, कि जको ओठे हो वानु वी ङण्ड ङिवाणे चे वास्ते ब़ांथी कर यरुशलेम गेहती आवे।

प्रेरितां चे काम 28:14

ओठे अम्हानु कोच्छ विश्‍वासी भऊ मिड़ले, ते वांचे केहणे लारे अम्ही ओठे सात ङिहें रेहले, ऐचे बाद अम्ही रोम सनु टुरती पले।

1 कुरिन्थियां 15:6

बल्ति पाँच साओ कनु ज्यादा जणा नु ङिसला हुता, जाये महु ब़ोहत सारे हमा तक जीते छी पर कितने गेले पती।

प्रकाशितवाक्य 11:13

बल्ति ओही बेले हेक बङा भूकम्प आला, ते शहरा चा ङसवां हेंस्सा ढेती पला, ते ओ भूकम्प लारे सात हजार बन्दी मरती गेली, ते जको बाकि बन्दी बचली वे ङरती गेली, ते स्वर्ग़ा चे नरीकारा ची महिमा करली।

प्रकाशितवाक्य 3:4

पर हव्वे, सरदीस मां दुधे इठे कोच्छ इसड़े लौक छी जेह्णे आपणी-आपणी ओढ़णी अशुद्ध कोनी करली। वे चिट्टी ओढ़णी घालती माये लारे घूमे कांकि वे ऐचे लायक छी।